தீபாவளி ஸ்பெஷல் பலகாரம் செய்வது எப்படி? Diwali Sweets Recipes in Tamil

தீபாவளி பலகாரம் செய்வது

தீபாவளி ஸ்பெஷல் பலகாரம் செய்வது எப்படி? பகுதி 1 Diwali Sweets And Snacks

Diwali Sweets Recipes in Tamil:- இந்த தீபாவளிக்கு ராகி லட்டு செய்யணும்னு ஆசையா… ஆனால் உங்களுக்கு எப்படி செய்யணும்னு தெரியவில்லையா கவலைய விடுங்க… இந்த பகுதியில் ராகி லட்டு எப்படி செய்ய வேண்டும் என்ற செய்முறை விளக்கங்கள் கொடுக்கப்பட்டுள்ளது. அவற்றை படித்து உங்க வீட்டில் இந்த தீபாவளிக்கு ராகி லட்டு செய்து அசத்துங்கள்.

சரி வாங்க ராகி லட்டு எப்படி செய்யலாம் என்பதை பற்றி இங்கு நாம் தெரிந்து கொள்வோம் வாங்க…

அதை தொடர்ந்து தீபாவளி பலகாரங்களில் செய்யக்கூடிய ஸ்பைசி டைமண்ட்ஸ், ராகி லட்டு, பால் பேடா, சுழியம் போன்றவற்றின் செய்முறை விளக்கங்களையும் இந்த பகுதியில் நாம் படித்தறிவோம் வாங்க.

பல சுவாரசியமான செய்திகளுக்கு எங்கள் YOUTUBE" சேனல SUBSCRIBE" பண்ணுங்க: Pothunalam Youtube

பூந்தி லட்டு செய்வது எப்படி?
ஸ்பைசி டைமண்ட்ஸ் செய்முறை..!
தீபாவளி ஸ்பெஷல் பால் பேடா செய்முறை..!
சுழியம் செய்வது எப்படி?
தீபாவளி பலகாரம் செய்வது எப்படி? பகுதி 1
தீபாவளி பலகாரம் செய்வது எப்படி? பகுதி 2
தீபாவளி பலகாரம் செய்வது எப்படி? பகுதி 3

தீபாவளி ஸ்பெஷல் ராகி லட்டு செய்வது எப்படி? – Deepavali Sweets

ragi ladoo recipe in tamil

Diwali Sweets And Snacks

தேவையான பொருட்கள்:-

  1. ராகி (கேழ்வரகு) மாவு – 1 கப்,
  2. சர்க்கரை – 1 கப்,
  3. நெய் – 1/4 கப்,
  4. சூடான பால் – 2 அல்லது 3 டீஸ்பூன்,
  5. ஏலக்காய்த்தூள் – 1/4 டீஸ்பூன்,
  6. முந்திரி – 5.

ராகி லட்டு செய்வது எப்படி செய்முறை:

சர்க்கரையை மிக்ஸியில் போட்டு பவுடராக அரைத்து கொள்ளுங்கள்.

வாணலியில் நெய் சேர்த்து முந்திரியைப் வறுத்தெடுக்கவும்.

அதே வாணலியில் ராகிமாவைச் சேர்த்து மிதமான தீயில் பச்சை வாசனை போகும் வரை நன்கு வறுத்து ஆறவைக்கவும்.

மாவு சூடு ஆறியதும் அதில் சர்க்கரை பவுடர், வறுத்த முந்திரி, ஏலக்காய்த்தூள், சூடான பால் சேர்த்து நன்கு கலக்கவும்.

கையில் நெய் தடவிக்கொண்டு, மாவை லட்டுகளாகப் பிடிக்கவும்.



பூந்தி லட்டு செய்வது எப்படி? (Boondi ladoo recipe in tamil)

Diwali Sweets Recipes in Tamil

பூந்தி லட்டு செய்ய தேவையான பொருட்கள்:-

  1. கடலை மாவு – ஒரு கப்
  2. சர்க்கரை – ஒரு கப்
  3. எண்ணெய் – தேவையான அளவு
  4. நெய் – இரண்டு ஸ்பூன்
  5. பொடித்த ஏலக்காய் – சிறிதளவு
  6. முந்திரி திராட்சை – சிறிதளவு

பூந்தி லட்டு செய்முறை ஸ்டேப் (Boondi ladoo recipe in tamil): 1

அடுப்பில் ஒரு பாத்திரத்தை வைத்து அவற்றில் ஒரு கப் சக்கரை 1 1/4 கப் தண்ணீர் ஊற்றி ஒரு கம்பி பதம் வரும் அளவிற்கு பாகு காய்ச்சவும்.

இரண்டு கப் கடலை மாவுடன், ஃபுட் கலர் சேர்த்து, தோசை மாவு பதத்தில் கடலை மாவை கரைத்துக் கொள்ளவும்.

பூந்தி லட்டு செய்முறை ஸ்டேப் (Boondi ladoo recipe in tamil): 2

பின் பெரிய கடாயில் எண்ணெய் ஊற்றி நன்றாக சூடானதும் மாவை ஒரு பூந்தி கரண்டியில் கொட்டி, நேராக சூடான எண்ணெயின் மேல் கரண்டியை வைத்து, மற்றொரு கரண்டியால் பலமாக தட்டினால் முத்து முத்தாக பூந்திகள் விழும்.

அவற்றை பொன்னிறமாக பொரித்து தனியாக எடுத்து கொள்ளவும். பின் ஆறியதும் அவற்றில் பாதியளவு பூந்திகளை எடுத்து மிக்சியில் ஒரு முறை அரைத்து, மீதி இருக்கும் பூந்தியுடன் சேர்த்து கலந்து கொள்ளவும்.

பூந்தி லட்டு செய்முறை ஸ்டேப் (Boondi ladoo recipe in tamil): 3

பின் அடுப்பில் மற்றொரு கடாய் வைத்து அவற்றில் இரண்டு ஸ்பூன் நெய் ஊற்றி முந்திரி திராட்சைகளை பொரித்து எடுத்து கொள்ளவும்.

இப்பொழுது பொரித்து வைத்துள்ள பூந்திகளுடன், சிறிதளவு பொடித்த ஏலக்காய், பொரித்த முந்திரி திராட்சை ஆகியவற்றை சேர்க்க வேண்டும்.

பூந்தி லட்டு செய்முறை ஸ்டேப் (Boondi ladoo recipe in tamil): 4

பின் இதனுடன் கொஞ்சம் கொஞ்சமாக சர்க்கரை பாகினை சேர்த்து கலந்து கொள்ளவும்.

சர்க்கரை பாகினை ஊற்றி நன்றாக கலந்த பின், சிறு சிறு உருண்டைகளாக லட்டு பிடிக்க அவ்வளவுதான். சுவையான பூந்தி லட்டுகள் தயார்.



தீபாவளி ஸ்பெஷல் பலகாரம் செய்வது எப்படி? பகுதி 1 

தீபாவளி ஸ்பெஷல் பலகாரம் செய்வது எப்படி? – ஸ்பைசி டைமண்ட்ஸ்: குழந்தைகள் முதல் பெரியவர்கள் வரை அனைவருக்கும் பிடித்த, ஸ்பைசி டைமண்ட்ஸ் செய்வது எப்படி என்று இங்கு நாம் தெரிந்து கொள்வோம் வாங்க..!

Diwali Sweets And Snacks

கோதுமை மாவு பலகாரம் செய்வது எப்படி?

  1. கோதுமை மாவு – ஒரு கப்
  2. கார்ன் ஃப்ளார் – 2 டீஸ்பூன்
  3. மிளகாய்த்தூள் – ஒரு டீஸ்பூன்
  4. சீரகத்தூள் – அரை டீஸ்பூன்
  5. ஆம்சூர் பவுடர் – அரை டீஸ்பூன்
  6. பெருங்காயத் தூள் – ஒரு சிட்டிகை
  7. சாட் மசாலா பவுடர் – ஒரு டீஸ்பூன்
  8. கரம் மசாலாத்தூள் – கால் டீஸ்பூன்
  9. உப்பு – தேவைக்கேற்ப
  10. எண்ணெய் – தேவையான அளவு

Diwali Sweets Recipes in Tamil..!

கோதுமை மாவு பலகாரம் செய்வது எப்படி?

ஸ்பைசி டைமண்ட்ஸ் செய்முறை:

கோதுமை மாவு பலகாரம் செய்வது எப்படி? இதோ இப்படி செய்யுங்கள் கோதுமை மாவுடன் கார்ன் ஃப்ளார், மிளகாய்த்தூள், சீரகத்தூள், ஆம்சூர் பவுடர், பெருங்காயத்தூள், உப்பு சேர்த்து தண்ணீர் விட்டு கெட்டியாக சப்பாத்தி மாவு பதத்துக்குப் பிசையவும்.

அதை சப்பாத்திகளாகத் தேய்த்து விருப்பமான வடிவத்தில் துண்டுகளாக்கி, சூடான எண்ணெயில் பொரிக்கவும். சாட் மசாலாத்தூள், கரம் மசாலாத்தூள் தூவி கலந்து வைக்கவும்.



தீபாவளி ஸ்பெஷல் பலகாரம் செய்வது எப்படி? – Deepavali Sweets

தீபாவளி ஸ்பெஷல் பலகாரம் செய்வது எப்படி? – பால் பேடா: குழந்தைகள் முதல் பெரியவர்கள் வரை அனைவருக்கும் பிடித்த, பால் பேடாவை செய்து, அசத்த வேண்டாமா? சரிவாங்க பால் பேடா கடையில் வாங்காம வீட்டில் எப்படி செய்வது என்று இவற்றில் நாம் காண்போம்.

Diwali Sweets Recipes in Tamil

தேவையான பொருட்கள்:

  1. பால் – 1 லிட்டர்,
  2. பௌடர் செய்த சர்க்கரை – 1 கப்,
  3. வெண்ணெய் – 1 டேபிள்ஸ்பூன்,
  4. ஏலக்காய் தூள் – சிறிதளவு,
  5. பிஸ்தா சீவல் – சிறிதளவு.
    (பேடா அச்சுகள் – பலவகை அளவுகளிலும் வடிவங்களிலும் கடைகளில் கிடைக்கும்… வாங்கிப் பயன்படுத்தலாம். அல்லது சுத்தமான பாட்டில் மூடிகளை பேடா செய்யப் பயன்படுத்தலாம்).

தீபாவளி பலகாரம் செய்வது எப்படி? பால் பேடா செய்முறை:

palagaram seivathu eppadi step: 1

பால் பேடா செய்வதற்கு முதலில் வாய் அகன்ற மிகவும் பெரிதான பாத்திரத்தை எடுத்து கொள்ளவும்.

அவற்றை அடுப்பில் வைத்து பாலை ஊற்றி நன்றாக காய்ச்சவும்.

அது கெட்டியாகி, சுருண்டு வரும் போது பௌடர் செய்த சர்க்கரை மற்றும் வெண்ணெய் சேர்த்து காய்ச்சவும்.

palagaram seivathu eppadi step: 2

பாலை மரக்கரண்டியால்தான் கிளற வேண்டும்.

கை விடாமல் கிளறி கொண்டே இருக்க வேண்டும்.

பால் சுண்ட காய்ந்ததும் இறக்கி வைக்க வேண்டும்.

பிறகு ஏலக்காய் தூள் சேர்த்து மரக்கரண்டியால் கிளறி கொண்டே இருக்கவும்.

palagaram seivathu eppadi step: 3

அது கெட்டிப் பதத்துக்கு வந்து ஆறியதும் வெண்ணெய் அல்லது நெய் தடவிய தட்டில் கொட்டி தேய்க்க வேண்டும்.

அதை சிறு சிறு உருண்டைகளாகச் செய்து, அவற்றை பேடா வடிவத்துக்கு செய்யவும்.

மத்தியில் கட்டை விரலால் அழுத்தி பிஸ்தா சீவலை அதில் அழுத்தி 2 மணி நேரத்துக்கு பின் பரிமாறவும்.



தீபாவளி ஸ்பெஷல் பலகாரம் செய்வது எப்படி? – Deepavali Sweets

தீபாவளி சுழியம்

சுழியம் செய்வது எப்படி? (suzhiyam seivathu eppadi):

தீபாவளி பலகாரமா நாம எது செய்றோமோ இல்லையோ ஆனா கண்டிப்பா சுழியம் சென்ஜே ஆகணும். ஏன் என்றால் சுழியம் தீபாவளி பண்டிகைக்கு சாமிகிட்ட வச்சி படைக்கும் ஒரு முக்கியமான பலகாரமாகும்.

சரி வாங்க தோழிகளே சுழியம் எப்படி செய்யுறதுனு இவற்றில் நாம் காண்போம்.

தேவையான பொருட்கள்:

  • கடலைப் பருப்பு – 1/4 கிலோ
  • தேங்காய் துறுவல் – 1 கப்
  • வெல்லம் சுவைக்கேற்ப
  • மைதா மாவு தேவைக் கேற்ப
  • ஏலப்பொடி
  • உப்பு

செய்முறை:

சுழியம் செய்வது எப்படி? (suzhiyam seivathu eppadi) ஸ்டேப்: 1

முதலில் கடலைப் பருப்பை நீர் ஊற்றி பதமாக வேக வைக்கவும்.

பிறகு நீரை வடிகட்டி மிக்ஸியில் போட்டு லேசாக அரைத்து எடுக்கவும்.
பின்னர் அதில் தேங்காய் துறுவல், வெல்லம், ஏலப்பொடி, உப்பு முதலியவற்றை போட்டு கையால் கலக்கவும்.

சுழியம் செய்வது எப்படி? (suzhiyam seivathu eppadi) ஸ்டேப்: 2

அதன்பின்னர் இக்கவலவையை ஒரு வாணலியில் இட்டு சூடுபடுத்த வேண்டும்.

கலவை கெட்டியாக வரும்போது, இறக்கி சிறு சிறு உருண்டடைகளாகப் பிடித்து வைத்துக்கொள்ளவும்.

சுழியம் செய்வது எப்படி? (suzhiyam seivathu eppadi) ஸ்டேப்: 3

பிறகு ஒரு பாத்திரத்தில் மைதாவை தண்ணீர் விட்டு கரைத்து, அதில் பிடித்து வைத்துள்ள கடலைப்பருப்புக் கலவை உருண்டைகளை பஜ்ஜி போடுவது போல் மைதா கலவையில் நனைத்து எடுத்து எண்ணெயில் பொரித்து எடுக்கவும்.

அவ்வளவுதான் சுவையான கடலை பருப்பு சுழியம் தயார்.

 

இதுபோன்ற சுவையுள்ள சமையல் குறிப்புகளை தெரிந்து கொள்ள இந்த லிங்கை கிளிக் செய்யவும்—>Samayal kurippu tamil