15 நிமிடத்தில் மொறு மொறு முட்டை பிங்கர்ஸ்..! Egg recipes in tamil..!

15 நிமிடத்தில் மொறு மொறு முட்டை பிங்கர்ஸ்..! Egg recipes in tamil..!

முட்டையில் ஏராளமான ஊட்டச்சத்துக்கள் நிறைந்துள்ளது. குழந்தைகள் விரும்பி சாப்பிடக்கூடிய உணவு பொருள் கூட. சமையலில் முட்டையை பயன்படுத்தி ஏராளமான உணவுகளை தயார் செய்யலாம். அந்த வகையில் குழந்தைகள் முதல் பெரியவர்கள் வரை அனைவரும் விரும்பி சாப்பிடக்கூடிய மொறு மொறு முட்டை பிங்கர்ஸ் எப்படி தயார் செய்யலாம் என்பதை பற்றி இங்கு தெளிவாக படித்தறிவோம் வாங்க. Egg recipes மிகவும் சுவையாகவும் குழந்தைகள் மிகவும் விரும்பி சாப்பிடக்கூடிய சுவையில் இருக்கும்.

முட்டை போண்டா செய்முறை விளக்கம் பற்றி தெரிந்துகொள்ள கீழ் கொடுக்கப்பட்டுள்ள லிங்கை கிளிக் செய்யவும்.
Egg recipes in tamil

முட்டை பிங்கர்ஸ் செய்ய தேவையான பொருட்கள்:

தேவையான பொருட்கள்:

  1. முட்டை – 5
  2. மிளகு தூள் – 1/4 ஸ்பூன்
  3. உப்பு – 1/4 ஸ்பூன்

மசாலா தயார் செய்வதற்கு:-

பல சுவாரசியமான செய்திகளுக்கு எங்கள் YOUTUBE" சேனல SUBSCRIBE" பண்ணுங்க: Pothunalam Youtube

  1. மைதா – 1/4 கப்
  2. கான்பிளவர் – 1/4 கப்
  3. Red chilli flakes1/4 ஸ்பூன்
  4. Italian seasoning1 ஸ்பூன்
  5. பிரட் துகள்கள் – சிறிதளவு
  6. முட்டை – 2
  7. எண்ணெய் – தேவையான அளவு

முட்டை பிங்கர்ஸ் செய்முறை – Egg recipes in tamil step: 1

ஒரு சுத்தமான பவுலை எடுத்து கொள்ளுங்கள், அவற்றில் 5 முட்டையை உடைத்து ஊற்றி நுரை வரும் அளவிற்கு நன்றாக அடித்துக்கொள்ளவும்.

பின் அதனுடன் 1/4 ஸ்பூன் மிளகு தூள் மற்றும் 1/4 ஸ்பூன் உப்பு ஆகியவற்றை சேர்த்து நன்றாக கலந்து கொள்ளவும்.

முட்டை பிங்கர்ஸ் செய்முறை – Egg recipes in tamil step: 2

பிறகு இன்னொரு பவுலை எடுத்து கொள்ளுங்கள், அந்த பவுலின் உள்பகுதியில் சிறிதளவு எண்ணெயை ஊற்றி, நன்றாக அப்ளை செய்து கொள்ளுங்கள்.

முட்டை பிங்கர்ஸ் செய்முறை – Egg recipes in tamil step: 3

பின் கலந்து வைத்துள்ள முட்டை கலவையினை, எண்ணெய் தடவி வைத்துள்ள பாத்திரத்தில் ஊற்ற வேண்டும்.

பிறகு அடுப்பில் ஒரு கடாய் வைத்து அவற்றில் சிறிதளவு தண்ணீர் ஊற்றுங்கள், பின் மேல் காட்டப்பட்டுள்ள படத்தில் உள்ளது போல் ஒரு ஸ்டாண்டை அதனுள் வைக்க வேண்டும்.

முட்டை பிங்கர்ஸ் செய்முறை – Egg recipes in tamil step: 4

பின் அந்த ஸ்டாண்டின் மீது கலந்து வைத்துள்ள முட்டை கலவையினை அப்டியே மூடிபோட்டு உள்ளே வைக்க வேண்டும்.

பிறகு கடாயை நன்றாக முடி போட்டு 20 நிமிடங்கள் கலவையை நன்றாக வேகவைக்க வேண்டும்.

முட்டை பிங்கர்ஸ் செய்முறை – Egg recipes in tamil step: 5

பிறகு முட்டை கலவையை நன்கு வெந்ததும் கடாயில் இருந்து தனியாக எடுத்து. நீளவாக்கில் சிறு சிறு துண்டுகளாக நறுக்கி எடுத்து கொல்லுங்கள். மேல் காட்டப்பட்டுள்ள படத்தில் உள்ளது போல் கட் செய்து எடுத்து கொள்ளுங்கள்.

முட்டை பிங்கர்ஸ் செய்முறை – Egg recipes in tamil step: 6

பின்பு ஒரு பவுலில் இரண்டு முட்டையை உடைத்து ஊற்றி நன்றாக அடித்து வைத்து கொள்ளுங்கள். அதேபோல் இன்னொரு பவுலில் பிரட் துகள்களை தயாராக எடுத்து வைத்து கொள்ளுங்கள்.

பின் ஒரு பவுலில் 1/4 கப் மைதா மாவு, 1/4 கப் கான்பிளவர் மாவு, Red chilli flakes 1/2 ஸ்பூன், Italian seasoning ஒரு ஸ்பூன் மற்றும் சிறிதளவு உப்பு ஆகியவற்றை சேர்த்து நன்றாக கலந்து வைத்துக்கொள்ளவும்.

முட்டை பிங்கர்ஸ் செய்முறை – Egg recipes in tamil step: 6

இப்பொழுது கட் செய்து வைத்துள்ள முட்டை துண்டுகளை முதலில் கலந்து வைத்துள்ள மாவில் நன்றாக பிரட்டி கொள்ளுங்கள், பின் முட்டையில் நன்கு நனைத்து எடுத்து கொள்ளுங்கள், பிறகு பிரட் துகள்களில் நன்கு பிரட்டி எடுக்க வேண்டும். பின் திரும்பவும் முட்டையில் நனைத்து, திரும்பவும் பிரட் துகள்களில் பிரட்ட வேண்டும்.

இவ்வாறு அனைத்து முட்டை துண்டுகளையும் நன்றாக பிரட்டி எடுத்து வைத்துக்கொள்ளுங்கள்.

முட்டை பிங்கர்ஸ் செய்முறை – Egg recipes in tamil step: 7

இப்பொழுது அடுப்பில் ஒரு கடாய் வைத்து அவற்றில், தேவையான அளவு எண்ணெயை ஊற்றி நன்றாக சூடு படுத்தவும்.

எண்ணெய் நன்கு சூடேறியதும் அடுப்பை மிதமான சூட்டில் வைத்து, பிரட்டி வைத்துள்ள முட்டை பிங்கர்ஸை எண்ணெயில் போட்டு பொன்னிறமாக பொரித்து எடுக்க வேண்டும்.

அவ்வளவு தான் சுவையான முட்டை பிங்கர்ஸ் தயார் இதனை Tomato ketchup-வுடன் தொட்டு சாப்பிடுவதற்கு மிகவும் சுவையாக இருக்கும்.

குழந்தைகள் இந்த முட்டை பிங்கர்ஸ்-ஐ மிகவும் விரும்பி சாப்பிடுவார்கள். மிகவும் சுவையாக இருக்கும் ஒரு முறை வீட்டில் ட்ரை செய்து பாருங்கள் நன்றி.



முட்டை போண்டா சமையல் செய்முறை விளக்கம் (Egg recipes in tamil)..!

Egg recipes in tamil

முட்டை போண்டா செய்முறை விளக்கம்

இன்று சமையல் குறிப்பு பகுதியில் சுவையான சமையல் செய்முறை விளக்கம் அதாவது முட்டை போண்டா செய்வது எப்படி (egg recipes in tamil) என்று தான் இந்த பகுதியில் நாம் தெரிந்து கொள்ள போகிறோம்.

சரி வாங்க சுவையான சமையல் செய்முறை விளக்கம் பற்றி தெரிந்து கொள்வோம்.

சைனீஸ் ஸ்பெஷல் டிராகன் சிக்கன் செய்வது எப்படி?

முட்டை போண்டா (Egg recipes in tamil) செய்ய தேவையான பொருட்கள்:

  1. முட்டை – 4
  2. எண்ணெய் – தேவையான அளவு
  3. பொடிதாக நறுக்கிய வெங்காயம் – ஒன்று.
  4. பொடிதாக நறுக்கிய பச்சை மிளகாய் – இரண்டு
  5. உப்பு – தேவையான அளவு.
  6. மிளகு தூள் – சிறிதளவு
  7. பொடிதாக நறுக்கிய கொத்தமல்லி தழை – ஒரு கைப்பிடியளவு.
  8. கடலை மாவு – 3/4 கப் 
  9. அரிசி மாவு – இரண்டு மேசைக்கரண்டி.
  10. மிளகாய் தூள் – ஒரு தேக்கரண்டி.
  11. ஓமம் – 1/4 தேக்கரண்டி.
  12. தண்ணீர் – தேவையான அளவு.
சிக்கன் பரோட்டா செய்முறை..!

முட்டை போண்டா செய்முறை விளக்கம்:

முட்டை போண்டா சமையல் செய்முறை விளக்கம் ஸ்டேப் (Egg recipes in tamil): 1

முதலில் முட்டையை நன்றாக வேகவைத்து, பின்பு அவற்றில் இருக்கும் ஓடை நீக்கிவிட்டு முட்டையை சரி பாதியாக நறுக்கி அவற்றில் இருக்கும் மஞ்சள் கரு மற்றும் வெள்ளை கருவினை தனித்தனியாக எடுத்து வைத்து கொள்ளவும்.

முட்டை போண்டா சமையல் செய்முறை விளக்கம் ஸ்டேப் (Egg recipes in tamil): 2

முட்டைக்குள் வைப்பதற்கு பூரணம் தயார் செய்ய வேண்டும், அதற்கு அடுப்பில் ஒரு கடாயை வைத்து அவற்றில் இரண்டு ஸ்பூன் எண்ணெய் ஊற்றி எண்ணெய் நன்றாக காய்ந்தும் பொடிதாக நறுக்கி வைத்துள்ள வெங்காயம் மற்றும் பச்சை மிளகாய் ஆகியவற்றை சேர்த்து நன்றாக வதக்கி கொள்ளவும்.

முட்டை போண்டா சமையல் செய்முறை விளக்கம் ஸ்டேப் (Egg recipes in tamil): 3 

வெங்காயம், பச்சை மிளகாய் நன்றாக வதங்கியதும் அவற்றில் தேவையான அளவு உப்பு, சிறிதளவு மிளகு தூள் மற்றும் அவித்து தனியாக வைத்துள்ள முட்டையின் மஞ்சள் கரு ஆகியவற்றை சேர்த்து நன்றாக வதக்கவும். கலவை நன்றாக வதங்கியதும் அடுப்பில் இருந்து இறக்கிவிடவும்.

முட்டை போண்டா சமையல் செய்முறை விளக்கம் ஸ்டேப் (Egg recipes in tamil): 4

இப்பொழுது தயார் செய்து வைத்துள்ள கலவையை முட்டையின் வெள்ளை கருவில் வைத்து முட்டையை மூட வேண்டும். இவ்வாறு செய்து முட்டையை தயார் செய்து வைத்து கொள்ளவும்.

முட்டை போண்டா சமையல் செய்முறை விளக்கம் ஸ்டேப் (Egg recipes in tamil):5

இப்பொழுது முட்டை போண்டா செய்வதற்கு மாவு தயார் செய்ய வேண்டும் அதற்கு ஒரு கிண்ணத்தில் 3/4 கப் கடலை மாவு, அரிசி மாவு இரண்டு மேசைக்கரண்டி, சிறுதளவு மிளகு தூள், சிறிதளவு ஓமம், ஒரு ஸ்பூன் மிளகாய் தூள் மற்றும் தேவையான அளவு உப்பு மற்றும் தண்ணீர் சேர்த்து நன்றாக கலந்து கொள்ளவும்.

முட்டை போண்டா சமையல் செய்முறை ஸ்டேப் :6

இப்பொழுது அடுப்பில் ஒரு கடையை வைத்து அவற்றில் எண்ணெய் ஊற்றி எண்ணெய் நன்றாக சூடேறியதும், முட்டையை கலந்து வைத்துள்ள மாவில் நனைத்து பொரித்து எடுத்தால், சுவையான முட்டை போண்டா தயார்.

அனைவருக்கும் அன்புடன் பரிமாறவும்.

டேஷ்டான பால் கொழுக்கட்டை செய்யும் முறை..!

 

இதுபோன்ற சுவையுள்ள சமையல் குறிப்புகளை தெரிந்து கொள்ள இந்த லிங்கை கிளிக் செய்யவும்—> சமையல் குறிப்புகள்