காரடையான் நோன்பு அடை செய்வது எப்படி.? | Karadaiyan Nombu Adai Seivathu Eppadi

Karadaiyan Nombu Adai Recipe in Tamil | காரடையான் நோன்பு அடை

வணக்கம் நண்பர்களே. இப்பதிவில் காரடையான் நோன்பு அடை செய்வது எப்படி.?  என்பதை தெரிந்து கொள்ளலாம் வாங்க. Karadaiyan Nombu பற்றி நம் அனைவருக்குமே தெரியும். குறிப்பாக, பெண்கள் அனைவருக்கும் தெரியும். காரடையான் நோன்பு என்பது, பெண்கள் தங்கள் கணவரின் நீண்ட ஆயுள் மற்றும் உடல் ஆரோக்கியத்திற்காக இறைவனை பிராத்தனை செய்யும் முறை ஆகும்.

இந்நாளில் பெண்கள் Karadaiyan Nombu Adai ரெசிபி செய்து வழிப்படுவது வழக்கம். எனவே, அந்த வகையில் புதிதாக காரடையான் நோன்பு இருப்பவர்களுக்கு பயனுள்ள  வகையில் காரடையான் நோன்பு அடை செய்வது எப்படி.? என்பதை இப்பதிவின் வாயிலாக தெரிந்துகொள்ளலாம் வாங்க.

How to Make Karadaiyan Nombu Adai in Tamil:

தேவையான பொருட்கள்:

• வறுத்த பச்சரிசி மாவு – 1 கப்
• காராமணி – 1/4 கப்
• தேங்காய் – அரை கப்
• வெல்லம் – 1 கப்
• ஏலக்காய் தூள் – 1 டீஸ்பூன் 
• தண்ணீர்– 2 கப்

செய்முறை விளக்கம்:

• முதலில் காராமணியை வேகவைத்து அதனை வடிகட்டி ஒரு பாத்திரத்தில் எடுத்து கொள்ளுங்கள்.
• அடுத்து அடுப்பில் பாத்திரத்தை வைத்து தண்ணீர் ஊற்றி வெல்லத்தை சிறிது சிறிதாக உடைத்து போட்டு கொதிக்க விடுங்கள்.
• வெல்லம் நன்றாக கொதித்ததும், அதனுடன் வேகவைத்துள்ள காராமணி, தேங்காய் துண்டுகள் மற்றும் ஏலக்காய் தூள் சேர்த்து நன்றாக கலந்து கொள்ளுங்கள்.
• அடுத்து வறுத்து வைத்துள்ள பச்சரிசி மாவினை கொஞ்சம் கொஞ்சமாக சேர்த்து கட்டி இல்லாமல் கிளறி விடுங்கள்.

• பிறகு, மாவு நன்றாக வெந்ததும் கையில் லேசாக எண்ணெய் தடவி மாவை உருட்டி வைத்து அடைபோல் தட்டி வாழை இலையில் வைத்து கொள்ளுங்கள்.
• இறுதியாக, இட்லி பாத்திரத்தில் வைத்து பத்து நிமிடம் வேகவைத்து எடுத்தால் சுவையான காரடையான் நோன்பு அடை தயார்.