Mangai Satni Recipe in Tamil | மாங்காய் சட்னி செய்வது எப்படி.?
வாசகர்கள் அனைவருக்கும் வணக்கம். இப்பதிவில் மிகவும் சுவையான மாங்காய் சட்னி செய்வது எப்படி என்பதை (Mango Thogayal Recipe in Tamil) பின்வருமாறு கொடுத்துள்ளோம். மாங்காய் என்றால் யாருக்குத்தான் பிடிக்காது. சிறு குழந்தைகள் முதல் பெரியவர்கள் வரை அனைவரும் விரும்பி சாப்பிடும் பொருட்களில் ஒன்று மாங்காய். மாங்காய் எவ்வளவு புளிப்பாக இருந்தாலும் சரி, அந்த புளிப்பு சுவைக்காகவே அதனை விரும்பி சாப்பிடுவார்கள்.
மாங்காயில் குழம்பு வைப்பார்கள், மாங்காய் சாதம் செய்வார்கள், மாங்காய் ஊறுகாய், மாங்காய் பச்சடி இதுபோன்று செய்து தான் பார்த்து இருப்போம். ஆனால், மாங்காயில் சட்னி செய்து சாப்பிட்டு இருக்கிறீர்களா.? அவ்வளவு சுவையாக இருக்கும். இதனை செய்யும் முறையும் மிகவும் ஈஸி. குறைந்த நேரத்திலேயே செய்து சாப்பிடலாம். ஆகையால் உங்கள் வீட்டில் மாங்காய் இருந்தால் இந்த சட்னியை செய்ய மறக்காதீங்க.
Thengai Mangai Satni Recipe in Tamil:
சட்னி செய்ய தேவையான பொருட்களின் அளவுகள்:
- புளிப்பு மாங்காய் – 1 பெரியது
- தேங்காய் துருவல் – 1/2 கப்
- மஞ்சள் தூள் – 1/4 டீஸ்பூன்
- உப்பு – 1 டீஸ்பூன்
- சிகப்பு மிளகாய் தூள் – 2 டீஸ்பூன்
- சீரகம் – 2 டீஸ்பூன்
- தண்ணீர் – 1/4 டம்ளர்
தாளிப்பிற்கு தேவையான பொருட்கள்:
- எண்ணெய் – 2 ஸ்பூன்
- கடலை பருப்பு – 1 ஸ்பூன்
- சீரகம் – 1/2 ஸ்பூன்
- உளுத்தம்பருப்பு – 1 ஸ்பூன்
- கடுகு – 1/2 ஸ்பூன்
- பெருங்காயத்தூள் – 1/2 ஸ்பூன்
- பட்டமிளகாய் – 3
- கருவேப்பிலை – 2 கொத்து
கல்யாண வீட்டு மாங்காய் ஊறுகாய் செய்வது எப்படி..?
மாங்காய் சட்னி செய்முறை விளக்கம்:
- முதலில் மாங்காயை நன்றாக கழுவிட்டு அதன் தோலை நீக்கி கொள்ளுங்கள். அடுத்து, அதனை சிறு சிறு துண்டுகளாக நறுக்கி கொள்ளுங்கள்.
- அடுத்து, இதனை ஒரு மிக்ஸி ஜாரில் சேர்த்து, இதனுடன் துருவிய தேங்காயை சேர்த்து கொள்ளுங்கள்.
- பிறகு, இதனுடன் மஞ்சள் தூள், உப்பு, சிகப்பு மிளகாய் தூள், சீரகம் மற்றும் தண்ணீர் சேர்த்து ரொம்பவும் மைய அரைக்காமல் கொரகொரப்பாக அரைத்து ஒரு பாத்திரத்தில் எடுத்துக் கொள்ளுங்கள். துவையல் பதத்திற்கு அரைத்து கொள்ளுங்கள்.
- இப்போது, அடுப்பில் ஒரு தாளிப்பு பாத்திரத்தை வைத்து, அதில் எண்ணெய் ஊற்றி, எண்ணெய் சூடானதும் கடலை பருப்பு, உளுத்தம்பருப்பு, சீரகம், கடுகு சேர்த்து பொரிய விட்டு, பெருங்காயத்தூள், பட்டமிளகாய் மற்றும் கருவேப்பிலை சேர்த்து தாளிப்பு ரெடி செய்து, தயார் செய்து வைத்துள்ள மாங்காய் சட்னியில் தாளிப்பினை ஊற்றி கலந்து விட்டால் சுவையான மாங்காய் தேங்காய் துவையல்/சட்னி தயார்.!
- இந்த சட்னியை சூடான சாதத்தில் சேர்த்து சாப்பிட்டால் மிகவும் சுவையாக இருக்கும்.
மாங்காய் சாதம் மிக சுவையாக செய்வது எப்படி..!
| இதுபோன்ற சுவையுள்ள சமையல் குறிப்புகளை தெரிந்து கொள்ள இந்த லிங்கை கிளிக் செய்யவும்—> | சமையல் குறிப்புகள் |
