ஆசிரியர் தின கவிதைகள் 2024 | Teachers Day Poem in Tamil..!

ஆசிரியர் தின கவிதைகள் 2024 | Teachers Day Poem in Tamil..!

பொதுவாக நாம் அனைவரும் பள்ளி பருவங்களில் மாதா, பிதா, குரு மற்றும் தெய்வம் என்ற வார்த்தையினை அதிகமாக கேள்வி பட்டிருப்போம். அந்த வகையில் நமது அம்மா, அப்பாவிற்கு அடுத்த நிலையாக இருப்பது குருவாகிய ஆசிரியர்கள் தான். ஏனென்றால் அம்மா அப்பா தனது பிள்ளைகளுக்கான தேவைகளை பூர்த்தி செய்து வளர்த்து வந்தாலும் கூட ஆசிரியர் நமக்கு கற்றுக்கொடுக்கும் கல்வியினை வைத்து தான் நமது அறிவானது மேம்படுகிறது. இவ்வாறு நாம் கற்கும் கல்வியினை பொறுத்து தான் நமது வாழ்க்கையும் அடுத்த நிலையினை நோக்கி செல்கிறது. அந்த வகையில் கல்வி அறிவினை மாணவர்களுக்கு அளிக்கும் பொருட்டு ஒவ்வொரு ஆசிரியரின் பொறுப்பாக இருக்கிறது. இப்படிப்பட்ட ஆசிரியர்களை பெருமை படுத்தும் விதமாக டாக்டர் ராதாகிருஷ்ணன் அவர்களின் பிறந்த நாளை ஆசிரியர் தினமாக கொண்டாடப்பட்டு வருகிறது. எனவே இன்றைய பதிவில் ஆசிரியர் தின கவிதைகளை பார்க்கப்போகிறோம்.

ஆசிரியர் தின கவிதைகள் 2024:

அறிவுத் தூண்டுகோல்களுக்கு
அகரம் சொல்லித் தந்த சிகரங்களே
உங்களுக்கான வாழ்த்துப்பாவினையும்
அதிலிருந்தே தொடங்குகிறேன்

அறிவின் துளிகளை அள்ளிவந்து
வகுப்பறையெங்கும் புதுமை செய்கிற
அற்புத வித்தகர்கள் நீங்கள்

ஆசிரியர் தின வாழ்த்து கவிதைகள்

ஆசிரியர் தினம் கவிதைகள் தமிழ்:

Teachers Day கவிதை in Tamil:

எத்தனை ஆயிரம் ஆசிரியர்கள்-ஆனால்
நோக்கம், லட்சியம் ஒன்று தானே
என் மாணவன் முன்னேற வேண்டும்
தேர்ச்சிப்பெற வேண்டும்
வெற்றி பெற வேண்டும்.!எத்தனை உயரிய எண்ணம்
நீங்கள் அல்லவா
வணக்கத்துக்குறியவர்கள்

எத்தனை கேலிகள்
எத்தனை கிண்டல்கள்
எத்தனை துன்பங்கள், தொல்லைகள்
உங்களுக்கு செய்தோம்
இன்று நினைக்கையில்
என் உள்ளம் வலிக்கிறதே
உங்கள் காலில் விழுந்து
மன்னிப்பு கோருகிறோம்
எங்களை மன்னியுங்கள் – ஐயாஇன்று வரையிலும் , இனிமேலும்
நாங்கள் காணும் வெற்றிகளுக்கு
நாங்கள் அடையும் புகழ்களுக்கு
உரியவர்கள் நீங்கள் தானே – ஐயா..!