இந்திய தேசியக்கொடியை வடிவமைத்தது யார்?

Indian National Flag

ஆங்கிலேயரின் ஆட்சிக்கு பிறகு இந்திய நாட்டிற்கு கிடைத்த மிகப்பெரிய அடையாளம் நாட்டின் தேசிய கொடி. ஒவ்வொரு நாட்டிற்கும் அடையாளமாகவும், போராட்ட வீரர்களின் உயிர் மூச்சாகவும் இருப்பது நாட்டின் தேசிய கொடிதான். நம் நாட்டின் தேசிய கொடியானது மூன்று வகையான வண்ணங்களை கொண்டுள்ளது. நாம் வீரர்களின் தியாகத்தை போற்றும் மூவண்ண கொடி. நாம் நாட்டின் சிறந்த செல்வங்களில் ஒன்று. இத்தகையை சிறப்பினை கொண்டுள்ளதால் தான் தேசிய கொடியை மூவர்ண கொடி என்று சிறப்புடன் அழைக்கிறார்கள். வாங்க இந்த பதிவில் மூவர்ண கொடியினை சிறப்பினை பற்றியும் அது உருவாக்கிய வரலாறு பற்றியும் தெரிந்துக்கொள்ளலாம்..

who designed indian national flag:

சுதந்திரத்திற்கு முந்தைய காலத்தில், இந்தியாவை ஒரு தேசமாக பிரதிநிதித்துவப்படுத்தும் தேசியக் கொடியை ஒருபோதும் கொண்டிருக்கவில்லை. வங்காளப் பிரிவினை அறிவிக்கப்படும் வரை இந்தியர்களுக்கு ஒரு கொடியின் தேவையிருப்பதை அறியவில்லை. வங்காள பிரிவினையை எதிர்த்து முதலில் கொடி ஏற்றப்பட்டது. அதனை வடிவமைத்தவர் சசீந்திர பிரசாத் போஸ். பிரிவினை ரத்து செய்யப்பட்ட பிறகு மக்கள் அந்த கொடியினை மறந்துவிட்டனர்.

பிறகு 1921 ஆம் ஆண்டு, காந்திஜி, சுதந்திர இயக்கத்திற்காக, தேசியக் கொடியை வடிவமைக்குமாறு திரு பிங்கிலி வெங்கய்யாவிடம் கேட்டுக் கொண்டார், அது தன்னம்பிக்கை, முன்னேற்றம் மற்றும் சாமானியனைக் குறிக்கும் வகையில் கொடியில் ‘சர்க்கா’ இருக்க வேண்டும்.

1921 இல் பிங்கலி வெங்கய்யா என்ற பல்கலைக்கழக விரிவுரையாளர் காந்திக்கு ஒரு கொடி வடிவமைத்து வழங்கினார், அதில் இந்துக்களுக்கு சிவப்பு மற்றும் முஸ்லிம்களுக்கு பச்சை ஆகிய இரண்டு முக்கிய மதங்களுடன் தொடர்புடைய நிறங்கள் இருந்தன. கிடைமட்டமாக பிரிக்கப்பட்ட கொடியின் மையத்தில், லாலா ஹன்ஸ் ராஜ் சோந்தி பாரம்பரிய நூற்பு சக்கரத்தை சேர்க்க  காந்தி பரிந்துரைத்தார். இது இந்தியர்களை உள்ளூர் இழைகளிலிருந்து தங்கள் சொந்த ஆடைகளை உருவாக்குவதன் மூலம் சுயசார்புடையவர்களாக ஆக்கியது.

இந்தியாவின் அமைதியை போற்றும் வகையில் நடுவில் வெள்ளை நிறத்தை இணைத்து கொடியின் வடிவத்தை காந்தி மாற்றியமைத்தார். அதே நேரத்தில், தற்போதைய சிவப்பு நிறத்திற்கு பதிலாக ஆழமான குங்குமப்பூவின் நிறம் இருந்தது.

இது ஸ்வராஜ் கொடி, காந்தி கொடி மற்றும் சர்க்கா கொடி என்றும் அழைக்கப்பட்டது. இருப்பினும், 1931 ஆம் ஆண்டில், கொடியை மாற்றியமைக்க ஏழு பேர் கொண்ட கொடிக் குழு கராச்சியில் நிறுவப்பட்டது மற்றும் அவர்கள் ஒரு புதிய வடிவமைப்பைக் கொடுத்தனர்.

மவுண்ட்பேட்டன் பிரபு இந்தியாவை விடுவிப்பதற்கான முடிவை அறிவித்தபோது இந்தியாவின் அனைத்துத் தரப்பினரும் ஏற்றுக்கொள்ளும் வகையில் தேசியக் கொடி தேவை என்பதை உணர்ந்து, சுதந்திர இந்தியாவுக்கான கொடியை வடிவமைக்க டாக்டர் ராஜேந்திர பிரசாத் தலைமையில் ஒரு தற்காலிக கொடிக் குழு அமைக்கப்பட்டது. காந்திஜியின் ஒப்புதல் பெறப்பட்டு பிங்கிலி வெங்கையாவின் கொடியை மாற்றியமைக்க முடிவு செய்யப்பட்டது. சர்க்காவிற்கு பதிலாக, அசோகரின் சாரநாத் தூணின் சின்னமான சக்கரம் தீர்மானிக்கப்பட்டது. எந்த நிறமும் வகுப்புவாத முக்கியத்துவத்தைக் கொண்டிருக்கவில்லை. தேசியக் கொடி 22 ஜூலை 1947 இல் ஏற்றுக்கொள்ளப்பட்டது.

பிங்கலி வெங்கைய்யா:

பிங்கலி வெங்கைய்யா, சுதந்திர போராட்ட வீரராவார். மகாத்மா காந்தியின் தீவிர ஆதரவாளரான இவர், இந்தியாவின் தேசியக் கொடியை வடிவமைத்தார். வெங்கையா ஆந்திரப் பிரதேசத்தில் உள்ள மச்சிலிப்பட்டணத்தின் பத்லபெனுமரு என்னும் ஊரில் பிறந்தார்.

மச்சிலிப்பட்டணத்தில் தனது பள்ளிப் படிப்பை முடித்து, உயர் கேம்பிரிட்ஜ் (சீனியர் கேம்பிரிட்ஜ்) பட்டத்தை முடிக்க கொழும்பிற்குச் சென்றார். பின் இந்தியா திரும்பியதுடன், அவர் வெவ்வேறு இடங்களில் பணிபுரிந்தார். அதன்பின், இலாகூரில் உள்ள ஆங்கிலேய-வேத உயர்நிலைப் பள்ளியில் உருது மற்றும் சப்பானியம் படிக்கச் சேர்ந்தார்.

நிலவியலில் பட்டம் பெற்று, ஆந்திரப் பிரதேசத்தில் வைரச் சுரங்கம் தோண்டுதலில் ஈடுபட்டு சாதனை படைத்தார். அதனால் இவர் ‘வைரம் வெங்கய்யா’ என்று அழைக்கப்பட்டார்.தென்-ஆப்பிரிக்காவில் நடைபெற்ற போரில் இவர் இந்திய-பிரித்தானிய படையில் சேர்ந்து பணியாற்றினார். அப்பொழுது மகாத்மா காந்தியின் கொள்கைகளால் ஈர்க்கப்பட்டார்.

தாய் மண்ணில் பிறந்த ஒவ்வொரு குடிமகனின் முகவரியும் தேசியக் கொடியில் பொருந்தியுள்ளது. அதனை மதித்துப் போற்ற வேண்டியதும் அதன் வரலாற்றை உணர்ந்து இருப்பதும் நம் ஒவ்வொருவரின் கடமை ஆகும்.

1947 ஆம் ஆண்டில் சுதந்திரம் பெறுவதற்கு முன்னர் இந்திய சுதந்திர இயக்கத்தின் உறுப்பினர்களால் பல்வேறு தேசியக் கொடிகள் பயன்படுத்தப்பட்டு வந்தன. காக்கிநாடாவில் நடந்த இந்திய தேசிய காங்கிரஸ் மாநாட்டின்பொழுது, மகாத்மா காந்தி இவரிடம் தனிக்கொடியை உருவாக்க அறிவுறுத்தினார். விஜயவாடாவின் தேசிய மாநாட்டின்போது தேசிய கொடியை அறிமுகப் படுத்தினார். இவரது வடிவைமைப்பு முதலில் இந்திய தேசிய காங்கிரசுக்காக வடிவமைக்கப்பட்டது, பின்னர் 1947 இல் மாற்றப்பட்டது.