Ferrous Sulphate மாத்திரையின் பயன்கள் மற்றும் பக்க விளைவுகள் என்னென்ன தெரியுமா..?

Ferrous Sulphate Tablet Uses in Tamil

“மருந்தென வேண்டாவாம் யாக்கைக்கு அருந்தியது அற்றது போற்றி உணின்” என்பது திருவள்ளுவர் வாக்கு. அதாவது நமது உணவுப்பழக்கம் சரியாக இருந்தால் நமக்கு மருந்து என்ற ஒன்று தேவை படைத்து என்பது தான் இதன் பொருள். இதற்கேற்ப நமது முன்னோர்கள் அவர்களின் உணவுப் பழக்கவழக்கங்களை சரியாக வைத்திருந்தார்கள். அதனால் அவர்களுக்கு மருந்து என்ற ஒன்று தேவைப்படவே இல்லை. ஆனால் இன்றைய சூழலில் சிறியவர் முதல் பெரியவர் அனைவருக்குமே உடல்நல குறைபாடு ஏற்படுகிறது.

அதனால் அதனை சரிசெய்வதற்கு மருந்தினை நாடி செல்கின்றார்கள். அப்படி நாம் நாமத்து உடலநலத்தை சரிசெய்வதற்கு பயன்படுத்தும் மருந்துகளை பற்றிய முழுவிவரங்களையும் தெரிந்து கொள்வது மிகவும் அவசியம். அதனால் தான் இன்றைய பதிவில் Ferrous Sulphate மாத்திரையின் பயன்கள் மற்றும் பக்க விளைவுகளை பற்றி அறிந்து கொள்வோம் வாங்க..

குறிப்பு: மருத்துவரின் ஆலோசனை இல்லாமல் எந்த மாத்திரையும் வாங்கி தானாக பயன்படுத்த கூடாது..!

Zincovit சொட்டுமருந்தின் பயன்கள் மற்றும் பக்கவிளைவுகள் என்னென்ன தெரியுமா

Ferrous Sulphate Tablet Uses in Tamil:

அதாவது இந்த Ferrous Sulphate மாத்திரையானது உடலில் இரும்புச் சத்து குறைந்த இரத்தத்தில் இரத்த சோகையால் அல்லது கர்ப்ப காலத்தில் இரத்த சோகை ஏற்படுவது போன்றவற்றிற்கு சிகிச்சையளிக்க அல்லது தடுக்க பயன்படுத்தப்படும் இரும்புச் சத்து மாத்திரை ஆகும்.

Ferrous Sulphate Tablet Side Effects in Tamil:

இந்த Ferrous Sulphate மாத்திரையினை பயன்படுத்துவதால்,

• மலச்சிக்கல்
• வயிற்றுப்போக்கு
• வயிற்று வலி
• வீக்கம்
• மலம் கருப்பாக இருத்தல்
• வாயில் கசப்பு சுவை போன்ற பக்கவிளைவுகள் ஏற்படும் வாய்ப்புகள் உள்ளது. அதனால் இதில் ஏதாவது ஒரு பக்க விளைவுகள் நீடித்தால் உடனடியாக மருத்துவரிடம் சென்று ஆலோசனை பெற்று கொள்ளுங்கள். இது இல்லாமல் வேறு ஏதேனும் பக்க விளைவுகளை சந்தித்தாலும் மருத்துவரை அணுக வேண்டியது அவசியமானது.

ஜெரோடோல் MR மாத்திரையை பற்றிய தகவல்

முன்னெச்சரிக்கை:

இந்த Ferrous Sulphate மாத்திரையினை பயன்படுத்துவதற்கு முன்னால் உங்களது தற்போதைய மருந்து பட்டியலை மருத்துவரிடம் தெரிவிக்க வேண்டும்.

இந்தமருந்தினை எடுத்து கொள்வதற்கு 2 மணி நேரத்திற்கு முன் அல்லது அதற்குப் பிறகு ஆன்டாசிட்கள், பால் பொருட்கள், தேநீர் அல்லது காபி ஆகியவற்றை உட்கொள்வதைத் தவிர்க்கவும், ஏனெனில் அவை அதன் செயல்திறனைக் குறைக்கும்.

கர்ப்பமாக இருக்கும் பெண்கள் மற்றும் தாய்ப்பால் கொடுக்கும் தாய்மார்கள் இந்த மாத்திரையை மருத்துவரை ஆலோசனை இல்லாமல் எடுத்து கொள்ள கூடாது.

எந்த மாத்திரையும் நல்லது இருக்கிறது என்பதற்காக அதனால் வாழ்நாள் முழுவதும் எடுத்து கொள்வதை தவிர்த்திடுங்கள். ஏனென்றால் இதன் மூலம் உடலில் பக்க விளைவுகளை சந்திக்க கூடும் என்பதை நினைவில் வைத்து கொள்ளுங்கள். அதற்கு மாறாக ஆரோக்கியமாக உணவுகளை சாப்பிடுங்கள். நேரத்திற்கு சரியாக தூங்குங்கள்.

மாத்திரை எடுத்து கொள்ளும் முறை:

இந்த மாத்திரையை தண்ணீரில் தான் விழுங்க வேண்டும். உடைத்தோ தண்ணீரில் கலந்தோ சாப்பிட கூடாது. மேலும் இதனை மாத்திரை என்ன அளவில் எடுக்க சொன்னார்களோ அதே அளவில் தான் எடுக்க வேண்டும். ஒருவேளை நீங்கள் மாத்திரை எடுத்து கொள்ள மறந்து விட்டாலும் அதனை மறுநேரம் சேர்த்து எடுக்க கூடாது.

டெக்ஸா ஊசியின் பக்கவிளைவுகள் பற்றி உங்களுக்கு தெரியுமா