திருமணத்தின் போது முகூர்த்த கால் நடுவது ஏன் என்று தெரியுமா..? இதுதான் காரணம்.!

முகூர்த்தக்கால் நடுவது ஏன்..? | Why is Mukurthakal Planted During Marriage in Tamil

இந்து மதங்களில் ஒருவருக்கு திருமணம் ஆக போகிறது என்றால் திருமணத்திற்கு மூன்று நாட்களுக்கு முன்பே வீட்டில் முகூர்த்த கால் நடுவார்கள். இது எதற்காக நடுகிறார்கள் என்று பல பேருக்கு தெரியாது..? இந்த முகூர்த்த கால் நடும் வழக்கத்தை நம் முன்னோர்களிடம் இருந்து நாமும் பின்பற்றி வருகிறோம். இந்த பந்தக்கால் அல்லது முகூர்த்த கால் ஏன் நடுகிறார்கள்..? அவற்றை நட்டால் என்ன பயன்..? போன்ற கேள்விகளுக்கான பதில்களை இப்பதிவில் படித்து தெரிந்து கொள்ளலாம் வாருங்கள்.

முகூர்த்தக்கால் நடும் முறை எப்படி வந்தது..?

முற்காலத்தில் எல்லாம் திருமணம் ஆக போகிறது என்றால் அந்நாட்டின் அரசனுக்கு மரியாதையை செய்யும் வகையில் திருமண அழைப்பிதழை அரசனுக்கு அனுப்பி வைப்பார்கள். ஆனால் அரசனால் எல்லா நிகழ்ச்சிகளுக்கும் வர இயலாது. அதற்காக அவர் தனது ஆணைக்கோலை அனுப்பி வைப்பார்.  அரசனிடம் இருந்து அந்த ஆணைக்கோல் வந்து விட்டால் அத்திருமணம் அரசனால் அங்கீகரிக்கப்ட்டது என்று அர்த்தம். அதாவது அத்திருமணம் அங்கீகரிக்கபட்டது என்று அர்த்தம். இந்த வழக்கம் நம் முன்னோர்களிடம் இருந்து தொன்று தொட்டு இப்பொழுது பந்தக்கால் நடும் முறையாக வளர்ந்து வந்துள்ளது. 

முகூர்த்தக்கால் நடுவது ஏன்..?

திருமணத்திற்கு முன்னதாகவே வீட்டில் முகூர்த்த கால் நட்டு மாவிலையால் தோரணம் கட்டுவது மரபு.

பந்தக்கால் நடுவதற்கு மூங்கில் மரம் அல்லது சவுக்கு மரம் போன்றவற்றை வெட்டி சுத்தம் செய்து அதில் மஞ்சள், குங்குமம் பூசி பூக்களால் அலங்கரித்து வடகிழக்கு மூலையில் நடுவார்கள்.

முகூர்த்த கால் நடுவது எப்படி?

சும்ப நிகழ்ச்சிகளில் முகூரத்த கால் ஊணுவது ஒரு சடங்காக இருக்கிறது. இவற்றின் மூலம் கண்திருஷ்டி விலகவும், தீமைகள் அண்டாமல் இருக்கவும் செய்யப்படுகிறது. மூங்கில் மரத்தின் நுனியில் மாவிலையை கட்டி விட வேண்டும். ஒரு நூலில் மஞ்சளை நினைத்து அதை கட்ட வேண்டும்.

தெருவில் உள்ளவர்கள் மற்றும் உறவினர்களை கை வைத்து ஒற்றை படை எண்ணிக்கையில் ஊன வேண்டும். இதற்குசாம்பிராணி காட்டி  தேங்காய் உடைத்து, தீபாராதனை, காட்ட வேண்டும். இந்த சடங்கு செய்ததும் திருமணம் சம்மந்தப்பட்ட உறவினர்கள் துக்க வீட்டிற்கு செல்லக்கூடாது.

கீழ் நோக்கு நாளில் திருமணம் செய்யலாமா..?