தேசிய விளையாட்டு விருதுகள்..! | National Games Awards Name List In Tamil..!
நம் இந்தியாவில் ஆண்டுதோறும் தேசிய விளையாட்டுகள் நடைபெறுகின்றன. தேசிய விளையாட்டுகளில் வெற்றியடையும் வீரர்களுக்கு தேசிய விளையாட்டு விருது வழங்குகின்றனர். தேசிய விருதுகள் உடைய பெயர்கள் மற்றும் தேசிய விளையாட்டு விருது எதற்காக வழங்கப்படுகிறது என்பதை தான் இன்றைய பதிவில் பார்க்கப்போகிறோம்.
உத்தரகாண்ட்டில் ஜனவரி 28 முதல் பிப்ரவரி 14 வரை 38 வது பதிப்பை நடத்துகிறது . எதிர்வரும் தேசிய விளையாட்டுப் போட்டிகளில் 32 விளையாட்டுப் பிரிவுகளில் பதக்கப் போட்டிகள் இடம்பெறவுள்ளன. 2025 ஆம் ஆண்டிற்கான தேசிய விளையாட்டு நடைபெற இருப்பதால் அதற்கு வழங்கவும் விருதுகளை பற்றி தெரிந்துகொள்ள இந்த பதிவை முழுமையாக பாருங்கள்.
உலகில் ராணுவம் இல்லாத நாடுகள் | A Country Without An Army in Tamil
தேசிய விளையாட்டு விருதுகள்:
தேசிய விளையாட்டு விருதுகள் என்பது வீரர்கள், பயிற்சியாளர்கள் அல்லது நிறுவனங்களுக்கு அவர்களின் சாதனைகள் மற்றும் இந்திய விளையாட்டு வளர்ச்சிக்கான பங்களிப்புக்காக வழங்கப்படும் விருதுகள் ஆகும்.
விருதுகளின் பட்டியல்கள்:
- ராஜீவ் காந்தி கேல் ரத்னா விருது
- அர்ஜுனா விருது
- துரோணாச்சார்யா விருது
- தயான் சந்த் விருது
- மௌலானா அபுல் கலாம் ஆசாத் (MAKA) கோப்பை
- டென்சிங் நார்கே தேசிய சாகச விருது
- ராஷ்ட்ரிய கேல் ப்ரோட்சஹான் புருஸ்கார் விருது
ராஜீவ் காந்தி கேல் ரத்னா விருது:
தேசிய விளையாட்டு விருதுகளில் மிக உயரிய விருதாக கருதப்படும் கேல் ரத்னா விருது 1991-92 இல் ராஜீவ் காந்தி கேல் ரத்னா விருதாக நிறுவப்பட்டது, அது 2021 இல் மேஜர் தியான் சந்த் கேல் ரத்னா விருது என மறுபெயரிடப்பட்டது. நான்கு வருடங்களாக விளையாட்டுகளில் சிறப்பாக செயல்பட்டதற்காக விருது வழங்கப்படுகிறது. ஒலிம்பிக்கில் வெண்கலப் பதக்கம் வென்ற பளுதூக்கும் வீராங்கனை கர்ணம் மல்லேஸ்வரி 1994-95 இல் கேல் ரத்னா விருதைப் பெற்ற முதல் இந்தியப் பெண் ஆவார்.
இந்திய செஸ் கிராண்ட்மாஸ்டர் விஸ்வநாதன் ஆனந்த் முதல் கேல் ரத்னா விருது வென்றவர். எம்.சி.மேரி கோம், பி.வி.சிந்து, சாய்னா நேவால், விஜேந்தர் சிங், சச்சின் டெண்டுல்கர், விராட் கோலி போன்ற பல புகழ்பெற்ற விளையாட்டு வீரர்களும் இந்த விருதை பெற்றுஇருக்கின்றனர்.
அர்ஜுனா விருது:
பண்டைய இந்திய இதிகாசமான மகாபாரதத்தின் முக்கிய கதாபாத்திரமான அர்ஜுனாவின் பெயரால் அர்ஜுனா விருது 1961 இல் அமைக்கப்பட்டது. நான்கு வருட காலப்பகுதியில் நிலையான நல்ல செயல்திறனுக்காக இந்த விருது வழங்கப்படுகிறது. ஹாக்கி வீராங்கனை அன்னா லம்ஸ்டன் அர்ஜுனா விருதை வென்ற முதல் பெண்மணி ஆவார்.
தற்போதைய விதிகளின் படி கேல் ரத்னா வெற்றியாளரை அர்ஜுனா விருதுக்கு பரிந்துரைக்க முடியாது. இருப்பினும், அர்ஜுனா வெற்றியாளர் கேல் ரத்னா விருதுக்கு பரிந்துரைக்கப்படலாம்.
துரோணாச்சார்யா விருது:
துரோணாச்சார்யா விருது 1985 இல் நிறுவப்பட்டது. இது பயிற்சியாளர்களுக்கான இந்தியாவின் உயரிய விளையாட்டு விருதாகும். மதிப்புமிக்க சர்வதேச நிகழ்வுகளில் பதக்கம் வென்றவர்களை உருவாக்குவதற்காக பயிற்சியாளர்களுக்கு இது வழங்கப்படுகிறது. விருது பெற்றவர்களுக்கு துரோணாச்சாரியாரின் வெண்கலச் சிலை, சான்றிதழ் மற்றும் ரொக்கப் பரிசு வழங்கப்படும். பால்சந்திர பாஸ்கர் பகவத், ஓம் பிரகாஷ் பரத்வாஜ், ஓ.எம்.நம்பியார் ஆகியோர் முதல் துரோணாச்சார்யா விருது பெற்றவர்கள்.
தயான் சந்த் விருது:
வாழ்நாள் அர்ஜுனா விருது 2002 இல் உருவாக்கப்பட்டது, 2023 ஆம் ஆண்டிற்கு பிறகு மேஜர் தியான் சந்த் விருது என்று அழைக்கப்பட்டது. நல்ல செயல்திறனுக்காகவும், விளையாட்டின் ஊக்குவிப்பிற்காகவும் வழங்கப்படுகிறது. ஷாஹுராஜ் பிரஜ்தார், அசோக் திவான், அபர்ணா கோஷ் ஆகியோர் மேஜர் தியான் சந்த் விருதை பெற்று இருக்கின்றனர்.
மௌலானா அபுல் கலாம் ஆசாத் (MAKA) கோப்பை:
இந்தியாவின் பழமையான தேசிய விளையாட்டு விருது மௌலானா அபுல் கலாம் ஆசாத் (MAKA) கோப்பை 1956-1957 இல் நிறுவப்பட்டது. இந்த விருது இந்திய சுதந்திரப் போராட்ட வீரரும், நாட்டின் முதல் கல்வி அமைச்சருமான அபுல் கலாம் ஆசாத்தின் நினைவாக பெயரிடப்பட்டது. கடந்த ஒரு வருடத்தில் பல்கலைக்கழகங்களுக்கு இடையேயான போட்டிகளில் சிறந்த செயல்திறனுக்காக பல்கலைக்கழகத்திற்கு வழங்கப்படுகிறது.
டென்சிங் நார்கே தேசிய சாகச விருது:
1994 ஆம் ஆண்டு நோர்கேயின் நினைவாக நிறுவப்பட்டது, டென்சிங் நார்கே தேசிய சாகச விருது. நிலம், கடல் மற்றும் வான்வெளியில் சாகச நடவடிக்கைகள் அல்லது விளையாட்டு துறையில் சிறந்த சாதனைகளை அங்கீகரிக்க வழங்கப்படுகிறது. மலையேறுதல், ஸ்கை டைவிங், திறந்த நீர் நீச்சல் மற்றும் படகோட்டம் போன்றவை ஆகும்.
ராஷ்ட்ரிய கேல் ப்ரோட்சஹான் புருஸ்கார் விருது:
இந்தியில் இருந்து ஆங்கிலத்திற்கு மொழிபெயர்க்கப்பட்ட இந்த விருதின் பெயர் தேசிய விளையாட்டு ஊக்குவிப்பு விருது. கடந்த மூன்று ஆண்டுகளில் விளையாட்டு ஊக்குவிப்பு மற்றும் மேம்பாட்டில் பங்கு வகித்ததற்காக நிறுவனங்கள் மற்றும் தனிநபர்களுக்கு வழங்கப்படுகிறது.
உலகின் அதிக நிலப்பரப்பு கொண்ட நாடு எது?
| இதுபோன்று பொது அறிவு சார்ந்த விஷயங்களை தெரிந்து கொள்ள இந்த லிங்கை கிளிக் செய்யவும் —> | GK in Tamil |
