செம்பருத்தி பூ டீ நன்மை தீமைகள்
நாம் அன்றாடம் காலை அல்லது மாலை நேரங்களில் டீ மற்றும் காபி குடிப்பதை ஒரு வழக்கமாக வைத்து இருப்போம். அதிலும் குறிப்பாக டீ வகைகளில் சுக்கு டீ, இஞ்சி டீ, ஏலக்காய் டீ, லெமன் மற்றும் கிரீன் டீ என இதுபோன்ற டீக்களை தான் அதிகமாக குடிப்போம். ஆனால் இத்தகைய டீக்களின் வகைகளில் செம்பருத்தி பூ டீயும் ஒன்றாக உள்ளது. நாம் யாரும் இந்த டீயினை அதிகமாக தெரிந்துக்கொள்ளாமல் இருப்பதால் இதனை அதிகமாக குடிப்பது இல்லை. அதனால் இன்று இத்தகைய டீயினை குடிப்பதனால் உடலில் ஏற்படும் நன்மைகள் மற்றும் தீமைகளை விரிவாக தெரிந்துக்கொள்ளலாம் வாங்க…!
கிராம்பு டீ குடிப்பதால் உடலிற்கு இவ்வளவு நன்மைகளா
Hibiscus Tea Benefits and Side Effects in Tamil:
செம்பருத்தி பூ டீ சத்துக்கள்:
வைட்டமின் B3, வைட்டமின் B9, பொட்டாசியம், கால்சியம், இரும்பு, பாஸ்பரஸ், துத்தநாகம், சோடியம், மாங்கனீசு, வெளிமம் மற்றும் கலோரிகள் போன பல வகையான சத்துக்களை உள்ளடக்கியது தான் செம்பருத்தி பூ டீ.
Hibiscus Tea Benefits in Tamil:
- செம்பருத்தி பூ டீயினை நாம் தினமும் குடித்து வருவதன் மூலம் நம்முடைய உடலில் குளுக்கோஸ் அளவினை மிகவும் குறைக்கச் செய்கிறது. இவ்வாறு செய்வதனால் உடலில் உள்ள இரத்த சர்க்கரை அளவானது படிப்படியாக குறைய செய்கிறது.
- அதேபோல் இந்த செம்பருத்தி டீயினை நாம் பருகுவதன் மூலம் நம்முடைய உடலில் இருக்கும் தேவையற்ற கொழுப்புகளை குறைப்பதோடு மட்டும் இல்லாமல் உடல் எடையினை கணிசமாக குறைய வைக்கிறது.
- செம்பருத்தி டீயில் உள்ள ஆக்சிஜனேற்ற பண்புகள் நம்முடைய உடலில் புற்றுநோய் வருவதற்கு காரணமாக இருக்கும் செல்களை அழித்து புற்றுநோய் வராமல் இருக்க உதவுகிறது.
- அதுமட்டும் இல்லாமல் உடலில் உயர் இரத்த அழுத்தம் உள்ளவர்கள் இந்த டீயினை குடிப்பதன் மூலம் இரத்த அழுத்தத்தினை மிகவும் விரைவாக குறைப்பதற்கு பயன்படுகிறது என்று ஆய்வுகளில் கூறப்படுகிறது.
- செம்பருத்தி பூ டீயில் அலர்ஜி எதிர்ப்பு பண்புகள் மற்றும் ஆக்சிஜனேற்ற பண்புகள் இருப்பதால் இது நம்முடைய உடலில் காணப்படும் வீக்கத்தினை குறைப்பதற்கு நன்மையினை அளிக்கிறது.
- உடல் எடையை சரியான அளவில் வைத்துக்கொள்ள விரும்புபவர்களுக்கு செம்பருத்தி டீயை தினமும் அருந்தி வரலாம்.
- கல்லீரல் ஆரோக்கியம் மேம்பட செம்பருத்தி டீ ஒரு சிறந்த தீர்வாகும். இது ஹெபடோப்ரோடெக்டிவ் பண்புகளைக் கொண்டுள்ளது. எனவே, செம்பருத்தி டீ நச்சுக்கள் மற்றும் ஆக்ஸிஜனேற்ற அழுத்தத்தால் ஏற்படும் சேதத்திலிருந்து கல்லீரலைப் பாதுகாப்பாக வைத்துக்கொள்ள உதவுகிறது.
- இதில் வைட்டமின் சி அதிகமுள்ளதால் செம்பருத்தி பூ டீ நோய் எதிர்ப்பு சக்தியை அதிகரிக்க செய்கிறது. இதனை தினம் குடித்து வருவதன் மூலம் நோய் தொற்றுக்களை எதிர்த்து போராடி, உடலின் நோய் எதிர்ப்பு சக்தியை அதிகரிக்க செய்கிறது. எனவே, நோய் எதிர்ப்பு சக்தி குறைவாக உள்ளவர்கள் இதனை சாப்பிட்டு வர எளிதில் நோய் எதிர்ப்பு சக்தி அதிகரிக்கும்.
- முக்கியமாக இது இதய ஆரோக்கியத்திற்கு வழிவகுக்கிறது.
| காப்பர் பாத்திரத்தில் தண்ணீர் குடிப்பதால் ஏற்படும் நன்மைகள் |
செம்பருத்தி பூ டீ தீமைகள்:
செம்பருத்தி டீ உடலுக்கு நன்மை தரக்கூடியதாக இருந்தாலும் கூட அதனை சரியான அளவில் பருகவில்லை என்றால் நமக்கு சில பக்க விளைவுகளை உண்டாக்கும்.
- வயிற்று வலி
- மலச்சிக்கல்
- வாயு பிரச்சனை
மேலே சொல்லப்பட்டுள்ள பக்க விளைவுகள் அனைத்தும் செம்பருத்தி டீ குடிப்பதனால் ஏற்படலாம்.
அதேபோல் கர்ப்பிணி பெண்கள் மற்றும் தாய்ப்பால் கொடுக்கும் பெண்கள் மருத்துவரின் ஆலோசனை இல்லாமல் இந்த டீயினை குடிக்க கூடாது.
| இதுபோன்ற உடல் நலம் மற்றும் ஆரோக்கியம் பற்றிய தகவல்களை தெரிந்து கொள்ள இந்த லிங்கை கிளிக் செய்யவும்—> | ஆரோக்கியமும் நல்வாழ்வும் |
