1600 Sq Ft House Construction Cost in Tamil
ஒரு இடத்தை நாம் வைத்து இருந்தாலோ அல்லது புதிய இடத்தை வாங்கினாலோ மட்டும் போதாது. ஏனென்றால் நாம் அந்த இடத்தில் ஒரு வீடு கட்ட வேண்டும் என்றால் முதலில் அந்த இடம் எவ்வளவு சதுர அடி, எவ்வளவு நீளம் மற்றும் சிலவற்றை தெளிவாக தெரிந்துக்கொள்ள வேண்டும். அப்போது தான் நாம் அங்கு வீடு கட்டுவதற்கான ஒரு ஐடியா நமக்களுள் தோன்றும். இதனை முடிவு செய்த உடன் இதற்கு அடுத்த நிலையாக வீடு கட்டுவதற்கான பொருட்கள் எவ்வளவு வேண்டும் என்றும் அதற்கு எவ்வளவு செலவு ஆகும் என்றும் ஒரு தோராயமான கணக்கு நமக்கு தெரிந்து இருக்க வேண்டும். ஆகவே இவற்றை எல்லாம் மையமாக வைத்து இன்று நம்முடைய Measurement பதிவில் 1600 சதுர அடியில் வீடு கட்ட என்னென்ன பொருட்கள் வேண்டும் மற்றும் அதற்கு எவ்வளவு செலவு ஆகும் என்றும் தெரிந்துகொள்ளலாம் வாருங்கள்.
இதையும் படியுங்கள்⇒ உங்களிடம் 800 சதுரடி இடம் இருக்கா.. அதில் வீடு கட்ட எவ்வளவு செலவு ஆகும் என்று பார்க்கலாம் வாங்க..
1600 sq ft House Construction Cost 2023 in Tamil:
ஒரு வீடு கட்ட வேண்டும் என்றால் சாதாரணமாக அதற்கு சிமெண்ட், மணல், ஜல்லி, ஜன்னல் மற்றும் கதவு, மரப்பொருட்கள், எஃகு, பெயிண்ட் மற்றும் அதற்கு தேவையான இதர பொருட்கள், மின்சாரதிற்கு தேவையான பொருட்கள், தண்ணீர் வசதி அமைப்பதற்கான பொருட்கள் போன்ற அனைத்து பொருட்களும் பொதுவான ஒன்று.
தேவைப்படும் மணலின் அளவு:
பொதுவாக வீடு கட்டுவதற்கு M சாண்ட் மற்றும் P சாண்ட் என்ற இரண்டு வகையான மணல்கள் தேவைப்படும்.
M சாண்ட் மணல் 32 யூனிட் தேவைப்படும். 1 யூனிடின் விலையானது 3,800 ரூபாய் ஆகும். எனவே M சாண்ட் மணல் 32 யூனிட் வாங்குவதற்கு தோராயமாக 1,21,600 ரூபாய் தேவைப்படுகிறது.
அதுவே P சாண்ட் மணலானது 10 1/2 யூனிட் தேவைப்படுகிறது. 1 யூனிட் மணலின் விலை 5,000 ரூபாய் என்பதால் தோராயமாக 52,500 ரூபாய் தேவைப்படும்.
தேவைப்படும் சிமெண்டின் அளவு:
1600 sq ft அளவில் உள்ள இந்த வீடு கட்டுவதற்கு 640 மூட்டை சிமெண்ட் தேவைப்படும். ஒரு சிமெண்ட் மூட்டையின் விலை தோராயமாக 400 ரூபாய் என்பதால் தோராயமாக 2,56,000 ரூபாய் தொகை வேண்டும்.
தேவைப்படும் கம்பியின் அளவு:
பொதுவாக 1600 சதுர அடியில் வீடுகட்டுவதற்கு தேவைப்படும் கம்பி 7 3/4 டன் ஆகும். 1 டன் கம்பியின் விலை 75,000 ரூபாய் என்று விறக்கப்டுகிறது. ஆகவே 7 3/4 டன் கம்பி வாங்குவதற்கு தோராயமாக 5,81,250 ரூபாய் வேண்டும்.
தேவைப்படும் செங்கலின் அளவு:
இத்தகைய வீட்டினை கட்டுவதற்கு எப்படியும் 35,200 செங்கல் தேவைப்படுகிறது. ஒரு கல்லின் விலை 11 ரூபாய் என்பதால் தோராயமாக 3,87,200 ரூபாய் தொகை தேவைப்படும்.
தேவைப்படும் ஜல்லியின் அளவு:
வீடு கட்டுவதற்கு 3/4 அளவு மற்றும் 1 1/2 அளவு என இரண்டு வகையான ஜல்லிகள் தேவைப்படுகிறது.
3/4 அளவில் (20 mm aggregate) உள்ள ஜல்லியில் 16 யூனிட் தேவைப்படும். 1 யூனிட்டின் விலை 3,000 ரூபாய் என்று விற்கப்படுகிறது. அப்படி என்றால் 16 யூனிட் ஜல்லி வாங்குவதற்கு தோராயமாக 48,000 ரூபாய் தேவைப்படும்.
அதுபோல 1 1/2 அளவில் (40 mm aggregate) ஜல்லியானது மொத்தம் 6 1/2 யூனிட் தேவைப்படும். 1 யூனிட் ஜல்லியின் விலை 2,800 ரூபாய் என்று விற்பனை செய்யப்படுகிறது. ஆகவே 6 1/2 யூனிட் ஜல்லி வாங்குவதற்கு தோராயமாக 17,080 ரூபாய் தேவைப்படும்.
இத்தகைய பொருட்கள் அனைத்தும் வீடு கட்ட தேவைப்படும் அடிப்படை பொருட்கள் ஆகும். அதுபோல உங்களுடைய விருப்பத்திற்கு ஏற்றவாறு பொருட்களை வாங்கும் போது அதனுடைய விலையில் இலை ஏற்ற இறக்கங்கள் இருக்கலாம்.
ஆகவே 1600 சதுர அடியில் வீடு கட்டுவதற்கு தோரயமாக கையில் வைத்து கொள்ள வேண்டிய தொகை என்றால் 70,00,000 ஆகும். இவற்றை இல்லாமல் இன்னும் வீட்டிற்க்கு தேவையான இதர பொருட்கள் உள்ளதால் அதற்கு ஏற்றவாறு செலவு ஆகும் என்பது குறிப்பிடத்தக்கது.
500 சதுர அடியில் வீடு கட்ட தேவைப்படும் பொருட்கள் மற்றும் செலவுகள் பற்றி தெரியுமா
| மேலும் இதுபோன்ற பதிவுகளை பற்றி தெரிந்துகொள்ள 👉👉 | Measurement |
