உங்கள் வீட்டில் வெற்றிலை செடியை வளர்க்கிறீர்களா..? அப்போ இதை கண்டிப்பா தெரிஞ்சிக்கோங்க..!

Betel Leaf Multipurpose in Tamil

இன்றைய பதிவு உங்களுக்கு மிகவும் பயனுள்ளதாக அமையும் என்று நம்புகின்றேன். ஏனென்றால் இன்றைய பதிவில் நாம் அனைவருக்கும் மிகவும் பயனுள்ள தகவலை தான் அறிந்து கொள்ள இருக்கின்றோம். அப்படி என்ன தகவல் என்று நீங்கள் சிந்தனை செய்வது புரிகின்றது. அது என்ன தகவல் என்றால் வெற்றியிலையில் உள்ள பல வகையான பயன்களை பற்றி தான் அறிந்து கொள்ள இருக்கின்றோம்.

பொதுவாக பலரும் வெற்றிலையை வீட்டில் வளர்ப்பதை பார்த்திருப்போம் அப்படி இந்த வெற்றிலையை வீட்டில் வளர்ப்பதால் மிகுந்த நன்மைகள் உள்ளன. அப்படி என்ன நன்மைகள் என்று தானே யோசிக்கிறீர்கள்..! இந்த பதிவை முழுதாக படித்தால் உங்களுக்கே புரியும். சரி வாங்க நண்பர்களே பதிவினுள் செல்லலாம்.

இதையும் தெரிந்துக் கொள்ளுங்கள்=> வெற்றிலை சாகுபடி மிகவும் சுலபமாக செய்யலாம்

வெற்றிலையை வீட்டில் வளர்ப்பாதால் கிடைக்கும் நன்மைகள்:

வெற்றிலையை வீட்டில் வளர்ப்பதால் நிறைய நன்மைகள் உள்ளன அவற்றில் சிலவற்றை பார்க்கலாம்.

ஆன்மிகத்தில் வெற்றிலை:

பொதுவாக நாம் வீட்டில் உள்ள சுவாமிகளுக்கு பூஜை செய்தாலும் சரி ஆலயத்திற்கு சென்று அங்கு உள்ள சுவாமிகளுக்கு பூஜை செய்து அர்ச்சனை செய்து வழிபடும்போதும் சரி இந்த வெற்றிலையுடன் பாக்கு வைத்து பூஜிப்போம். இந்த வெற்றிலையை நமது வீட்டில் வளர்ப்பதால் வீட்டில் கஷ்டங்களே இருக்காது.

அதே போல் அனுமான் சுவாமிக்கு வெற்றிலையால் மாலைக்கட்டி வழிபடுவதால் அவருடைய ஆசீர்வாதம் முழுமையாக நமக்கு கிடைக்கும். மேலும் வெற்றிலை வீட்டில் இருந்தால் லட்சுமி தேவியே அந்த வீட்டில் வாசம் செய்வதாக அர்த்தம்.

பொதுவாக கடன் பிரச்சனை குறைய வேண்டுமென்றாலும் சரி நமது வீட்டில் பணப்புழக்கம் அதிகமாக வேண்டுமென்றாலும் சரி இந்த வெற்றிலை செடியை வீட்டில் வளர்த்தாலே போதும்.

இதையும் தெரிந்துக் கொள்ளுங்கள்=> என்ன சொல்றீங்க வேப்பமரத்துல இவ்ளோ விஷயம் இருக்கா இதை தெரிஞ்சிக்காம விட்டுட்டோமே

மருத்துவத்தில் வெற்றிலை:

இந்த வெற்றிலையில் நார்ச்சத்து(Fiber), வைட்டமின் A, வைட்டமின் C மற்றும் கால்சியம் போன்றச் சத்துக்கள் அதிகமாக உள்ளது. இதனால் சுவாசம் சம்மந்தப்பட்ட  பிரச்சனையால் கஷ்டப்படுகின்ற யாராக இருந்தாலும் ஒரு வெற்றிலையை எடுத்துக்கொண்டு அதன் மேலே சிறிதளவு நல்லெண்ணெய் தடவி அதனை சிறிது நேரம் சூடுப்படுத்தி நமது நெஞ்சின் மேல் வைத்து வருவதால் நல்ல பலனை பெறலாம்.

மேலும் குழந்தைகளுக்கு உள்ள அதிகப்படியான சளித்தொல்லைகளை போக்க வெற்றிலைச்சாறுடன் மிளகுத்தூள் சேர்த்து சாப்பிட்டு வந்தால் மிகுந்த நன்மையை அளிக்கும்.

அதிலும் குறிப்பாக வெற்றிலையை நன்கு மென்று சாப்பிடுவதால் நமது உடலுக்கு மிகுந்த நோய் எதிர்ப்பு சக்தி கிடைக்கிறது. மேலும் தொண்டை சம்பந்தப்பட்ட அனைத்து பிரச்சனைகளுக்கும் வெற்றிலை சாறு ஒரு நல்ல மருந்தாக உள்ளது.

மேலும் வெற்றிலையை கஷாயமாக வைத்து செய்து தினமும் பருகி வருவதால் இதயம் நன்கு பலமாகும். வெற்றிலையை நன்கு மென்று சாப்பிடுவதால் கண்பார்வை அதிகமாகின்றது, எலும்புகள் பலமாகின்றன.

அதேபோல நீங்கள் எப்பொழுது வெற்றிலை சாப்பிட்டாலும் அதனுடைய காம்புகளை பிரித்து எடுத்து விட்டுத்தான் சாப்பிட வேண்டும்.

இதையும் தெரிந்துக் கொள்ளுங்கள்=> உங்கள் வீட்டில் மாமரம் இருக்கா அப்படியென்றால் இந்த விஷயம் தெரிந்திருக்கவேண்டுமே

அழகை மேம்படுத்துவதில் வெற்றிலை:

வெற்றிலையில் உள்ள ஆன்டி-ஆக்ஸிடன்ட்(Antioxidant) மிகுந்து காணப்படுவதால் இதனை நாம் தினமும் தொடர்ந்து சாப்பிடுவதால் நமக்கு எப்பொழுதும் முதுமையான தோற்றம் ஏற்படாது.

மேலும் அதிகப்படியான உடல் எடை உள்ளதே என்று கவலைப்படுபவர்கள் வெறும் வயிற்றில் வெற்றிலையுடன் 5 முதல் 6 மிளகினை சேர்த்து வைத்து நன்கு மென்று சாப்பிடுவதால் உங்களின் உடல் எடை விரைவில் குறைவதை நீங்களே காணலாம்.

மேலும் வெற்றிலையை வாயில் போட்டு நன்கு மென்று சாப்பிடுவதால் உங்களின் வாயில் உள்ள துர்நாற்றம் நீங்கும். தலையில் பேன் மற்றும் பொடுகுத்தொல்லை அதிகமாக உள்ளவர்கள் இந்த வெற்றிலையுடன், மிளகு மற்றும் செம்பருத்தி ஆகியவற்றை சேர்த்து நன்கு அரைத்து  கொள்ளவும்.

அரைத்த இந்த பேஸ்ட்டை தலையில் தடவி 1 மணிநேரம் ஊறவைத்த பிறகு தலைகுளிப்பதால் பொடுகு பிரச்சனை முற்றிலும் நீங்கும். முடியும் நன்கு கருமையாக வளரும்.

இதையும் தெரிந்துக் கொள்ளுங்கள்=> பனைமரம் பற்றி சுவாரஸ்ய தகவல்கள் உங்களுக்கு தெரியுமா