2024 – 2025 ஆண்டிற்கான தமிழ்நாடு இலவச கல்வி சேர்க்கை அறிவிப்பு..!

கல்வி உரிமை சட்டம் 2024 | RTE Scheme Details in Tamil 2024

அனைவருக்கும் வணக்கம்..! Tamilnadu RTE Admission கல்வி உரிமை சட்டம் (RTE), பிரிவு 12 (1) சி, சமூகத்தின் பின் தங்கிய மற்றும் பொருளாதார ரீதியாக பலவீனமான பிரிவுகளின் குழந்தைகளுக்கு 25% இடஒதிக்கீட்டில் கல்வி உரிமை சட்டத்தின் கீழ் தனியார் பள்ளிகளில் இலவசமாக கல்வி கற்க ஒரு அருமையான திட்டத்தை அறிவித்துள்ளது..! RTE Tamilnadu Admission 2024-25 குறித்த தகவல்களை இந்த பதிவின் வாயிலாக நாம் படித்து தெரிந்து கொள்ளலாம் வாங்க.

RTE Tamilnadu Admission 2024:

ஒவ்வொரு பெற்றோருக்கும் தங்களது பிள்ளைகளுக்கு நல்ல கல்வி அறிவை அளிக்க வேண்டும் என்ற ஆசை இருக்கும். சிறந்த கல்வி நிறுவனத்தில் அவர்கள் படிக்க வேண்டும் என்ற கனவு இருக்கும். ஆனால் ஏழை குடும்பத்தில் பிறந்த பிள்ளைகளால் தனியார் கல்வி நிறுவனங்களில் கட்டணம் செலுத்தி படிக்க முடியாத சூழல் உள்ளது.

அதற்காகவே “குழந்தைகளுக்கான இலவச கட்டாயக் கல்வி சட்டத்தின் கீழ் தனியார் பள்ளிகளில் உள்ள இடங்களில் 25% இடங்களில் ஏழை மாணவர்கள் 2013-14 ம் கல்வியாண்டு முதல் 2018-2019 கல்வியாண்டு வரை மாணவர்கள் சேர்க்கப்பட்டு பயன் பெற்றுள்ளனர். அதற்கான சிறப்பு சட்டத்தின் பெயரே RTE அதாவது Right To Education என்பதாகும்.

RTE Tamilnadu Admission 2024-25 Tamil:

குழந்தைகளுக்கான இலவச மற்றும் கட்டாய கல்வி உரிமை சட்டம் 2009, சட்டப்பிரிவு 12(1)(சி)-இன் படி 2024-2025 ஆம் கல்வியாண்டிற்கு 25% இட ஒதுக்கீட்டின் கீழ் இலவச கல்வி வழங்கப்படுகிறது. இந்த இலவச கல்வி சேர்க்கையானது மறுக்கப்பட்ட மற்றும் நலிவடைந்த பிரிவினராக இருப்பவரின் குழந்தைகளுக்கு சிறுபான்மையற்ற தனியார் சுயநிதிப் பள்ளிகளில் (LKG அல்லது ஒன்றாம் வகுப்பு), அதாவது எந்த பள்ளி ஆரம்பிக்கிறதோ அந்த வகுப்பில் சேர்க்கைக்கு இலவசமாக விண்ணப்பிக்கலாம்.

இந்த இலவச கல்வி சேர்க்கைக்கு விண்ணப்பிக்க 20.05.2024 ஆகும். rte.tnschool.gov.in என்ற அதிகாரப்பூர்வ இணையதளம் வழியாக குழந்தையின் பெற்றோர்கள் விண்ணப்பிக்கலாம்.

குழந்தையின் வயது தகுதி:

• LKG வகுப்பிற்கு விண்ணப்பிக்கும் குழந்தைகள் 01-08-2020 to 31-07-2021 ஆண்டிற்குள் பிறந்தவர்களாக இருக்க  வேண்டும்.
• ஒன்றாம் வகுப்பிற்கு விண்ணப்பிக்கும் குழந்தைகள் 01-08-2018 to 31-07-2019 ஆண்டிற்குள் பிறந்தவர்களாக இருக்க வேண்டும்.

தேவைப்படும் ஆவணங்கள் மற்றும் சான்றிதழ்:

1. மாணவர் புகைப்படம் (150pc X175 px)
2. பிறப்புச் சான்றிதழ்
3. முகவரி சான்று (ஓட்டுநர் உரிமம், குடும்ப அட்டை, வங்கி பாஸ்புக் மற்றும் பல)
4. ஜாதி சான்றிதழ்
5. வருமான சான்றிதழ்
6. பிபிஎல் சான்றிதழ்
7. குடியிருப்பு சான்றிதழ்
8. எச்.ஐ.வி பாதித்த அறிக்கைகள்
9. அனாதை சான்றிதழ்
10. திருநங்கை சான்றிதழ்

குழந்தையின் பெற்றோர்கள் அல்லது பாதுகாவலர்கள் ஆன்லைன் மூலம் இணையம் வழியாக நீங்கள் எங்கிருந்து வேண்டுமானாலும் விண்ணப்பிக்கலாம். மேலும் முதன்மை கல்வி அலுவலர், மாவட்டக் கலவி அலுவலர், வட்டார கல்வி அலுவலர், ஒருங்கிணைந்த பள்ளிக்கல்வி வட்டார வள மைய அலுவலகங்களில் கட்டணமின்றி விண்ணப்பிக்க தக்க ஏற்பாடுகள் செய்யப்பட்டுள்ளது.

குறிப்பு:

நிர்ணகிக்கப்பட்ட இடங்களை விடக் கூடுதலாக விண்ணப்பங்கள் பெறப்பட்டிருப்பின்  சம்பந்தப்பட்ட பள்ளியில் 20.05.2024 அன்று குலுக்கல் செய்யப்பட்டு சேர்க்கைக்கான குழந்தைகள் தேர்ந்தெடுக்கப்படுவார்கள். சேர்க்கைக்கு தேர்வு செய்யப்பட்ட குழந்தைகள் பெயர் பட்டியல்கள் விண்ணப்ப எண்ணுடன் இணையதளத்தில் மற்றும் சம்மந்தப்பட்ட பள்ளி தகவல் பலகையில் வெளியிடப்படும். சேர்க்கைக்கு தேர்வு செய்யப்பட்ட குழந்தைகளை  சம்பந்தப்பட்ட பள்ளியில் சேர்க்க வேண்டும்.