அரசு பேருந்து ஓட்டுநர் சம்பளம் எவ்வளவு தெரியுமா..?

Government Bus Driver Salary in Tamil | Govt Bus Driver Salary Per Month

அரசு வேலைவாய்ப்பு என்றால் பெரிய வேலை வாழ்நாள் முழுவதும் பணத்திற்கு கஷ்டம் இருக்காது என்று நினைத்துக்கொண்டு இருப்போம்..! ஆனால் அவர்களுக்கு எவ்வளவு சம்பளம் என்று யோசித்தது உண்டா.? அல்லது அவர்களிடம் கேட்டது உண்டா.? அப்படியே அவர்கள் சம்பளத்தை சொன்னாலும் இவ்வளவு தானா..! பொய் சொல்லாதே என்று சொல்லிவிடுவோம்..!

அரசு வேலை பார்த்தால் அவர்களுக்கு எவ்வளவு சம்பளம் கிடைக்கும் என்று யோசிப்பீர்கள். அதிலும் நாம் பயணிக்கும் பஸ் ஓட்டுனருக்கு எவ்வளவு சம்பளம் என்று அனைவருக்கும் ஒரு கேள்வி இருக்கும். நாம் பயணிக்கும் பஸ்ஸை பாதுகாப்பாக ஒட்டி நாம் செல்லும் இடத்திற்கு பத்திரமாக கொண்டு சேர்க்கும் ஓட்டுனருக்கு எவ்வளவு சம்பளம் இருக்கும் என்று தெரிந்து கொள்வோமா..?

அரசு பேருந்து ஓட்டுநராக தகுதி:

குறைந்தது 10-ம் வகுப்பு (SSLC) தேர்ச்சி பெற்றிருக்க வேண்டும். சில இடங்களில் 8-ம் வகுப்பு தேர்ச்சி போதுமானதாக இருக்கலாம், ஆனால் இது பணியாளர் தேர்வு அறிவிப்பின் அடிப்படையில் மாறுபடலாம்.

வழக்கமான லைசென்ஸ் (LMV – Light Motor Vehicle) இருந்தாலே போதாது. ஹெவி மோட்டார் வாகன (HMV – Heavy Motor Vehicle) ஓட்டுநர் உரிமம் கட்டாயம். அரசு அங்கீகாரம் பெற்ற ஓட்டுநர் பயிற்சி நிலையத்தில் (Driving School) பயிற்சி பெற்றிருக்க வேண்டும். பெரிய வாகனங்களை (Bus / Lorry) ஓட்டுவதற்கான அனுபவம் (பொதுவாக 3-5 வருடங்கள்) இருக்க வேண்டும்.

வயது வரம்பு பொதுவாக 24 – 40 வயது இருக்க வேண்டும். இட ஒதுக்கீடு பிரிவினருக்கு வயது சலுகை வழங்கப்படும்.

கண்ணின் பார்வை சரியாக இருக்க வேண்டும். நிறைவேறும் மருத்துவச் சான்றிதழ் (Medical Certificate) அவசியம்.

தமிழ்நாடு அரசு போக்குவரத்து கழகம் (TNSTC / SETC) நேரடி நியமனம் (Direct Recruitment) மூலம் வேலைவாய்ப்பு வழங்கும். நேர்முகத் தேர்வு (Interview) மற்றும் சோதனை ஓட்டம் (Driving Test) நடத்தப்படும். ஓட்டுநர்களுக்கு வாகனத்தை பாதுகாப்பாக மற்றும் பயணிகள் நலன் கருதி இயக்கும் திறன் அவசியம்.

பஸ் ஓட்டுநர் சம்பளம் | Govt Driver Salary Per Month:

தமிழக அரசின் போக்குவரத்து தொழிலாளர்களுக்கான 14 வது ஊதிய ஒப்பந்தம் நிறைவேறியது. இதன் மூலம் 5 சதவீதம் வரை ஊதிய உயர்வு வழங்க அரசு ஒப்பந்தம் அளித்துள்ளது.  இதனால் பஸ் ஓட்டுனருக்கு குறைந்தபட்சம் Rs. 2,012 லிருந்து அதிகபட்சமாக Rs. 7,981 வரை உயர்த்தப்பட்டுள்ளது. ஆகவே சராசரியாக ஒரு மாதத்திற்கு Rs. 16,305/- வரை சம்பளம் கிடைக்கும். 

இதுமட்டுமில்லாமல் 4 வருடத்திற்கு ஒரு முறை சம்பள உயர்வு பேச்சு வார்த்தை நடத்தவும் தமிழக அரசு ஒப்புதல் அளித்துள்ளது.

இதையும் தெரிந்துகொள்ளுங்கள் 👉👉 RBI வங்கியின் உதவியாளருக்கு எவ்வளவு சம்பளம் வழங்கப்படும்..!

இதையும் கிளிக் செய்து படியுங்கள் 👇
ரயில் ஓட்டுனர்களுக்கு எவ்வளவு சம்பளம் வழங்கப்படுகிறது தெரியுமா?