அடல் பென்ஷன் யோஜனா திட்டம்- ₹10000 ரூபாய் பென்சன் கிடைக்கும்

மாதம் 5,000/- ரூபாய் வருமானம் தரக்கூடிய அடல் பென்ஷன் யோஜனா திட்டம் விவரம்..! Prathama Manthiri Pension Scheme in Tamil..!

Atal pension Yojana scheme Tamil:- வணக்கம் நண்பர்களே..! இன்றை பொதுநலம் பதிவில் மாதம் மாதம் 5,000/- ரூபாய் வருமானம் தரக்கூடிய அரசு திட்டம் பற்றி தெரிந்து கொள்ளலாம். இந்த அடல் பென்ஷன் திட்டம் ஜூன் 1 2015-ம் ஆண்டு அறிமுகம் செய்யப்பட்டது. சரி இந்த திட்டத்தில் யாரெல்லாம் இணைந்து பயன்பெறலாம், இந்த திட்டத்தின் நோக்கம் என்ன?, இந்த திட்டத்தின் அம்சங்கள் போன்ற விவரங்களை பற்றி இப்பொழுது நாம் படித்தறிவோம் வாங்க.

தமிழ்நாடு அரசின் ரூ.5 லட்ச இலவச மருத்துவ காப்பீடு திட்டம்..!

அடல் பென்ஷன் யோஜனா திட்டம் / Atal pension Yojana scheme Tamil..!

இந்த திட்டத்தின் நோக்கம்:-

இந்த Atal pension Yojana scheme Tamil திட்டத்தின் நோக்கமே அமைப்புசாரா தொழிலாளர்களுக்கு அவர்களது ஓய்வுக்காலங்களில் அதாவது 60 வயதிற்கு பின் மாதம், மாதம் 1000 ரூபாய் முதல் 5000 ரூபாய் வரை ஓய்வூதியம் பெறவேண்டும் என்பதே இந்த திட்டத்தின் மிக முக்கிய நோக்கமாகும்.

எனவே இந்த திட்டத்தில் இணைபவர்களுக்கு அரசு தன் சார்பாக ஒரு சிறிய தொகையை வழங்கும்.

அடல் பென்ஷன் யோஜனா திட்டம் – தகுதி:-

18 வயது முதல் 40 வயதுக்குள் உள்ள இந்தியாவில் வங்கி சேமிப்புக் கணக்கு வைத்துள்ள இந்தியர் யார் வேண்டுமானாலும் இத்திட்டத்தில் இணைய தகுதியுடையவர்கள்.

ஒரே குடும்பத்தில் 18 வயதுக்கு மேற்பட்டு 40 வயதுக்குள் உள்ள அனைவரும் இந்தத் திட்டத்தில் இணைத்து பயன்பெறலாம். மேலும் இந்த கணக்கை தாங்கள் துவங்கும் பொழுது தங்களுக்குரிய நாமினியை தேர்வு செய்ய வேண்டும்.

யாரெல்லாம் இந்த திட்டத்தில் பயன்பெற முடியாது?

அடல் பென்சன் யோஜனா 2015ஆம் ஆண்டு தொடங்கப்பட்டது. அப்போது அமைப்புசாரா துறைகளில் பணிபுரிபவர்களுக்காக தொடங்கப்பட்டாலும் இப்போது 18 முதல் 40 வயதுடைய இந்திய குடிமகன் யார் வேண்டுமானாலும் இந்தத் திட்டத்தில் முதலீடு செய்யலாம். இத்திட்டத்தில், டெபாசிட் செய்பவர்களுக்கு 60 ஆண்டுகளுக்குப் பிறகு பென்சன் பணம் கிடைக்கும்.

கணக்கு தொடங்குவது எப்படி?

இந்தத் திட்டத்தின் கீழ் இணைய விண்ணப்பதாரர் வங்கி அல்லது தபால் அலுவலகத்தில் சேமிப்புக் கணக்கு வைத்திருக்க வேண்டும். நீங்கள் ஒரே ஒரு அடல் பென்சன் கணக்கு வைத்திருக்கலாம். இந்தத் திட்டத்தின் கீழ் எவ்வளவு சீக்கிரம் முதலீடு செய்கிறீர்களோ அவ்வளவு அதிக பலன் கிடைக்கும். ஒரு நபர் 18 வயதில் அடல் பென்சன் யோஜனாவில் சேர்ந்தால், 60 வயதிற்குப் பிறகு ஒவ்வொரு மாதமும் ரூ.5000 மாதாந்திர ஓய்வூதியம் பெற அவர் மாதம் ரூ.210 டெபாசிட் செய்ய வேண்டும்.

 

சவரன் தங்க பத்திர முதலீடு திட்டம்..!

யார், எவ்வளவு தொகை செலுத்தலாம்?

நாம் விண்ணப்பம் பூர்த்தி செய்து தரும்போதே 60 வருடங்களுக்குப் பிறகு எவ்வளவு தொகை பென்ஷனாக கிடைக்க வேண்டும் என்பதைக் கேட்பார்கள்.

குறைந்தபட்சம் ரூ.1,000 தொடங்கி அதிக பட்சமாக ரூ.5,000 வரை ஒருவர் பென்ஷனாக பெற நினைக்கும் தொகையைக் குறிப்பிடலாம்.

பென்ஷனாக பெற நினைக்கும் தொகைக்கு ஏற்ப, ஒவ்வொரு மாதமும் பணம் கட்ட வேண்டியிருக்கும்.

முதல் முறையாக இந்தத் திட்டத்தில் இணைந்தவுடன், இந்தத் திட்டத்தில் இணைந்ததற்கு சாட்சியாக ஒரு சான்றிதழ் வழங்கப்படும். அதுதான் ஒருவர் இத்திட்டத்தில் இணைந்ததற்கான ஆதாரம்.

அதேபோல் ஒவ்வொரு தவணை செலுத்தும் போதும் உங்களுக்கு ரசீதோ அல்லது குறுஞ்செய்தியோ அனுப்பப்படும்.

அடல் பென்ஷன் யோஜனா Chart:

வயது	பணம் செலுத்த வேண்டிய காலம்	மாதாந்திர ஓய்வூதியம் ரூ.1000	மாதாந்திர ஓய்வூதியம் ரூ.2000	மாதாந்திர ஓய்வூதியம் ரூ.3000	மாதாந்திர ஓய்வூதியம் ரூ.4000	மாதாந்திர ஓய்வூதியம் ரூ.5000
		ரூ.1.7 லட்சம்	ரூ.3.4 லட்சம்	ரூ.5.1 லட்சம்	ரூ.6.8 லட்சம்	ரூ.8.5 லட்சம்
18	42 ஆண்டு	ரூ.42	ரூ.84	ரூ.126	ரூ.168	ரூ.210
19	41 ஆண்டு	ரூ.46	ரூ.92	ரூ.138	ரூ.183	ரூ.228
20	40 ஆண்டு	ரூ.50	ரூ.100	ரூ.150	ரூ.198	ரூ.248
21	39 ஆண்டு	ரூ.54	ரூ.108	ரூ.162	ரூ.215	ரூ.269
22	38 ஆண்டு	ரூ.59	ரூ.117	ரூ.177	ரூ.234	ரூ.292
23	37 ஆண்டு	ரூ.64	ரூ.127	ரூ.192	ரூ.254	ரூ.318
24	36 ஆண்டு	ரூ.70	ரூ.139	ரூ.208	ரூ.277	ரூ.346
25	35 ஆண்டு	ரூ.76	ரூ.151	ரூ.226	ரூ.301	ரூ.376
26	34 ஆண்டு	ரூ.82	ரூ.164	ரூ.246	ரூ.327	ரூ.409
27	33 ஆண்டு	ரூ.90	ரூ.178	ரூ.268	ரூ.356	ரூ.446
28	32 ஆண்டு	ரூ.97	ரூ.194	ரூ.292	ரூ.388	ரூ.485
29	31 ஆண்டு	ரூ.106	ரூ.212	ரூ.318	ரூ.423	ரூ.529
30	30 ஆண்டு	ரூ.116	ரூ.231	ரூ.347	ரூ.462	ரூ.577
31	29 ஆண்டு	ரூ.126	ரூ.252	ரூ.379	ரூ.504	ரூ.630
32	28 ஆண்டு	ரூ.138	ரூ.272	ரூ.414	ரூ.551	ரூ.689
33	27 ஆண்டு	ரூ.151	ரூ.302	ரூ.453	ரூ.602	ரூ.752
34	26 ஆண்டு	ரூ.165	ரூ.330	ரூ.495	ரூ.659	ரூ.824
35	25 ஆண்டு	ரூ.181	ரூ.362	ரூ.543	ரூ.722	ரூ.902
36	24 ஆண்டு	ரூ.198	ரூ.396	ரூ.594	ரூ.792	ரூ.990
37	23 ஆண்டு	ரூ.218	ரூ.436	ரூ.654	ரூ.870	ரூ.1087
38	22 ஆண்டு	ரூ.240	ரூ.480	ரூ.720	ரூ.957	ரூ.1196
39	21 ஆண்டு	ரூ.264	ரூ.528	ரூ.792	ரூ.1054	ரூ.1318

எப்படி பணம் செலுத்துவது?

ஒருவர் இத்திட்டத்தில் இணைந்த பின் மாதாம் மாதம் செலுத்த வேண்டிய தொகையை ஆட்டோடெபிட் மூலம் செலுத்தலாம். அதாவது நம் வங்கி சேமிப்புக் கணக்கிலிருந்து குறிப்பிட்ட தொகையை எடுத்து வரவு வைக்கப்படும்.

நம் கணக்கிலிருந்து பணம் எடுக்கப்பட்டு, அது நம் ‘ப்ரான்’ கணக்கில் வரவு வைக்கப்பட்டதும் நமக்கு குறுஞ்செய்தி அனுப்பப்படும்.

எப்போது பணம் எடுக்கப்படும்?

நாம் முதல் முறையாக அடல் திட்டத்தில் இணையும்போது எந்த தேதியில் பணம் செலுத்துகிறோமோ, அந்த தேதிதான் நம் அடுத்தடுத்த மாதத்தின் கெடு தேதி.

உதாரணமாக, ஆகஸ்ட் மாதம் 10-ம் தேதி முதல் தவணை செலுத்தி இருந்தால், அடுத்தடுத்த மாதம் 10-ம் தேதி அன்று தவணைக்கான பணம் எடுக்கப்படும்.

தொகையை அதிகரிக்கலாமா?

வருடத்துக்கு ஒரு முறை நாம் செலுத்தும் தொகையை அதிகரிக்கவோ அல்லது குறைக்கவோ முடியும். ஒவ்வொரு ஆண்டின் ஏப்ரல் மாதம் மட்டும் இந்த வசதி மூலம் நாம் மாதாம் மாதம் செலுத்தும் பென்ஷன் தொகையை அதிகரித்துக்கொள்ளவோ அல்லது குறைத்துக்கொள்ளவோ முடியும்.

பெனால்டி விபரம்:

இந்தத் Atal pension Yojana scheme Tamil திட்டத்தில் சேர்ந்த பின் சரியாக பணம் கட்ட வில்லை என்றால் அபராதம் விதிக்கப்படும்.

அதாவது தாங்கள் மாதம் மாதம் 100 ரூபாய் பணம் செலுத்துகின்றீர்கள் என்றால்.. அந்த தொகையை ஏதாவது ஒரு மாதம் கட்டதவறினால், அந்த தொகையை அடுத்தமாதம் செலுத்தும் பொழுது 101 ரூபாய் அபராத தொகையாக செலுத்த வேண்டும்.

அதேபோல் ரூ.101 முதல் 500 வரை ஒரு மாதத்துக்கு 2 ரூபாயும், ரூ.501 முதல் 1,000 வரை ஒரு மாதத்துக்கு 5 ரூபாயும், ரூ.1001-க்கு மேல் ஒரு மாதத்துக்கு 10 ரூபாயும் அபராதமாக விதிக்கப்படும்.

தொடர்ச்சியாக 6 மாதங்களுக்கு பணம் செலுத்தவில்லை என்றால், நம் சேமிப்புக் கணக்கு தற்காலிகமாக முடக்கப்படும்.

தொடர்ந்து 24 மாதங்கள் பணம் செலுத்தவில்லை என்றால் சேமிப்புக் கணக்கு நிரந்தரமாக மூடப்பட்டு, திட்டத்திலிருந்து நீக்கப்படுவார்கள்.

ரூ.10,000 பென்சன் பெறுவது எப்படி?

39 வயதுக்குட்பட்ட வாழ்க்கைத் துணைகள் இந்தத் திட்டத்தைப் பயன்படுத்திக் கொள்ளலாம். 30 அல்லது அதற்கும் குறைவான வயதுடைய கணவன்-மனைவி இருந்தால், அவர்கள் ஒவ்வொரு மாதமும் 577 ரூபாய் அடல் பென்சன் கணக்கில் செலுத்தலாம். கணவன்-மனைவியின் வயது 35 ஆக இருந்தால், அவர்கள் ஒவ்வொரு மாதமும் இந்தக் கணக்கில் 902 ரூபாய் போட வேண்டும். உத்தரவாதமான மாதாந்திர ஓய்வூதியத்துடன், வாழ்க்கைத் துணைவர்களில் ஒருவர் இறந்தால், உயிருடன் இருக்கும் பங்குதாரர் ஒவ்வொரு மாதமும் முழு ஆயுள் ஓய்வூதியத்துடன் ரூ.8.5 லட்சம் பெறுவார்.

இதுபோன்று தமிழில் பயனுள்ள தகவல்கள் தெரிந்து கொள்ள இந்த லிங்கை கிளிக் செய்யவும் —>

Today Useful Information in Tamil