வெள்ளை சட்டை துவைப்பது எப்படி.?
பெரும்பாலானவர்களுக்கு வெள்ளை நிறம் மிகவும் பிடித்தமான ஒன்று. இதனாலேயே வெள்ளை நிறத்தில் சட்டைகள் அதிகமாக எடுப்பார்கள். இருந்தாலும் இதில் சிறியதாக கறை பட்டாலே அசிங்கமாக மாறிவிடும். வெளியில் சென்றாலே விருப்பப்பட்டு, ஆசைப்பட்டு போடுவார்கள். ஆனால் பார்த்து பார்த்து செய்ய வேண்டியிருக்கும். இதில் கறை பட்டாலும் நீக்குவதற்கு ரொம்ப கஷ்டப்படுவீர்கள். அதுமட்டுமில்லமால் வெள்ளை நிறம் நாளடைவில் மாறிவிடும். அதனால் இந்த பதிவில் வெள்ளை நிறம் மாறாமல் இருப்பதற்கும், வெள்ளை சட்டையில் உள்ள கறைகள் நீங்குவதற்கும் என்ன செய்ய வேண்டும் என்று தெரிந்து கொள்வோம் வாங்க..
வெள்ளை சட்டையில் உள்ள கறைகள் நீங்க:
வெள்ளை சட்டையில் கறைகள் உள்ள இடத்தில் நீங்கள் தலைக்கு பயன்படுத்தும் ஷாம்பை தேய்த்து 20 நிமிடம் ஊற வைத்து பிறகு பிரஷை வைத்து தேய்த்தால் கறைகள் நீங்கி விடும்.
இல்லையென்றால் கறைகள் உள்ள இடத்தில் எலுமிச்சை சாறு சிறிதளவு, உப்பு சிறிதளவு சேர்த்து கலந்து கொள்ளவும். இந்த தண்ணீரை கரை உள்ள இடத்தில் அப்ளை செய்து பிரஷை பயன்படுத்தி தேய்க்கவும்.
உங்கள் துணிகளின் நிறம் மாறாமல் புதிய ஆடை போலவே இருக்க இதை செய்யுங்கள்.!
இது இரண்டுமே இல்லையென்றால் சோடா உப்பை மட்டும் கறை உள்ள இடத்தில் அப்ளை செய்து 15 நிமிடம் ஊற வைத்து பிறகு துணி துவைக்க பயன்படுத்தும் சோப்பை கொண்டு தேய்க்கவும்.
துணியின் நிறம் மாறாமல் இருக்க:
வெள்ளை சட்டையை துவைக்கும் போது மற்ற சட்டைகளுடன் சேர்த்தோ அல்லது ஒன்றாக ஊற வைத்தோ துவைக்க கூடாது. ஏனென்றால் மற்ற சட்டைகளின் உள்ள சாயம் வெள்ளை சட்டையில் ஓட்டி கொள்ளும்.
அடுத்து வெள்ளை சட்டை துவைக்கும் பொழுது வெந்நீரில் உப்பு சேர்த்து ஊற வைத்து துவைக்க வேண்டும். இப்படி துவைத்தல் வெள்ளை சட்டையின் நிறம் மாறாமல் அப்படியே இருக்கும்.
துணியில் இருக்கும் எண்ணெய் கறையை நீக்க சூப்பர் ஐடியா.!
| மேலும் இது போன்ற பயனுள்ள தகவல்களை தெரிந்து கொள்ள இந்த லிங்கை கிளிக் செய்யுங்கள்👉👉 | Tips in Tamil |
