யோகர்ட் Vs தயிர் இரண்டுக்கும் உள்ள வித்தியாசம் என்னனு தெரியுமா உங்களுக்கு..?

What is Yogurt in Tamil | Curd and Yogurt Difference in Tamil

உடல் பருமனாக உள்ளவர்கள் தங்களது எடையை குறைப்பதற்கு கட்டாயம் யோகர்ட் எடுத்து கொள்கிறார்கள். நாம் தயிர் மற்றும் யோகர்ட் இரண்டும் ஒன்று என நினைத்து வருகிறோம், ஆனால் உண்மையில் தயிர் மற்றும் யோகர்ட் இரண்டுமே சற்று வேறுபாடு உள்ள உணவுப்பொருள். தயிர் மற்றும் யோகர்ட் அதை தயாரிக்கும் முறை, பாலின் தன்மை மற்றும் நொதித்தல் போன்றவற்றை பொறுத்து வேறுபடுகிறது. நாம் இந்த தொகுப்பில் தயிருக்கும், யோகர்டுக்கும் உள்ள வேறுபாடு மற்றும் பயன்களை தெரிந்து கொள்ளலாம் வாங்க.

Difference Between Curd and Yoghurt in Tamil:

தேவையான பொருட்கள்:

1. பால் – தேவையான அளவு
2. உறை தயிர் – 2 டேபிள் ஸ்பூன்

தயிர் செய்முறை:

• தேவையான அளவு பால் எடுத்து அதனை நன்கு காய்ச்சி கொள்ளவும். பால் நன்றாக கொதித்த பின்பு அதில் 2 டேபிள் ஸ்பூன் உறை தயிர் சேர்த்து மிக்ஸ் பண்ணவும்.
• பின் அதை ஒரு எட்டு மணி நேரம் அல்லது இரவு முழுவதும் மூடி வைக்கவும். மறுநாள் காலையில் அது தயிராக மாறி விடும் (தயிர் செய்வதற்கு பெரும்பாலும் பசும்பால் பயன்படுத்துவது நல்லது)

தேவையான பொருட்கள்:

1. பால் – தேவையான அளவு
2. யோகர்ட் – 1 டேபிள் ஸ்பூன்

யோகர்ட் செய்முறை:

• தேவையான அளவு பாலை நன்கு காய்ச்சி கொள்ளவும். காய்ச்சிய பாலை வேறொரு பாத்திரத்தில் மாற்றி கொள்ளுங்கள். பின் அதை 100 – 105 Fahrenheit வரை ஆறவைக்கவும்.
• பின் அதன் மேல் ஆடை படிந்து இருக்கும், அதை கிளறி விடாமல் அதன் மேல் 1 டேபிள் ஸ்பூன் யோகர்ட் சேர்த்து மெதுவாக மிக்ஸ் பண்ணவும். பின்னர் இதை வெதுவெதுப்பான நீருக்குள் வைத்து எட்டு மணி நேரம் அல்லது இரவு முழுவதும் ஊறவைக்கவும்.
• பின் அதில் உள்ள நீரை வடிகட்டி விட்டு குளிர்சாதனப்பெட்டியில் 4 மணி நேரம் வைத்திருக்கவும். இதை நீங்கள் ஐந்து நாட்கள் வரை உபயோகப்படுத்தலாம்.

இரண்டில் எது ஆரோக்கியமானது:

நமது உடலை குளிர்ச்சியாக வைத்து கொள்வதற்கும், செரிமானம் மற்றும் குடல் இயக்கத்தை சீராக வைத்து கொள்வதற்கும் தயிர் முக்கியமானதாக இருக்கிறது. இதில் சரியான அளவு பால், கொழுப்புகள், புரதம், கால்சியம், மற்றும் பாஸ்பரஸ் நிறைந்துள்ளது.

யோகர்ட் ஆனது புரதம், வைட்டமின்கள் மற்றும் தாதுக்களால் நிரம்பியுள்ளது. இந்த யோகார்ட்டில் பல் வகைகள் இருக்கிறது. இதில் இருக்கும் சிலவகை யோகார்ட்டில் புரதம் அதிகமாக நிறைந்துள்ளது. அதப்பினால் வயதானவர்களுக்கு ஏற்படும் மூட்டுவலி மற்றும் ஆஸ்டியோபோரோசிஸ் போன்ற பிரச்சனைகளை சரி செய்வதற்கு உதவுகிறது.