மூட்டு வலியை போக்கும் மூட்டு வலி தைலம் தயாரிக்கும் முறை..!

மூட்டு வலி தைலம் செய்வது எப்படி?

Joint Pain Oil Homemade:- பொதுவாக வயதானவர்களுக்கு மற்றும் மாடி படிகளில் அதிகம் ஏறி செல்பவர்களுக்கு மூட்டுகளில் அதிகளவு வலி ஏற்படும். இந்த வலியை குறைக்க வேண்டும் என்பதற்காக மெடிக்கல் ஷாப்பில் விற்கப்படும் மாத்திரைகளை வாங்கி அதிகளவு பயன்படுத்துவார்கள். இருப்பினும் மாத்திரைகளை அதிகளவு வாங்கி சாப்பிடுவதற்கு பதில் நமக்கு இயற்கையாகவே கிடைக்கும் சில பொருட்களை பயன்படுத்தி மூட்டு வலியை போக்கும் மூட்டு வலி தைலம் தயார் செய்வது எப்படி என்பதை பற்றி இந்த பதிவில் நாம் படித்தறியலாம் வாங்க…

7 நாளில் மூட்டு வலி நீங்க பாட்டி வைத்தியம்..!

Joint Pain Oil Homemade..!

தேவைப்படும் பொருட்கள்:-

• வேப்ப எண்ணெய் – 250 கிராம்
• கிச்சிலி கிழங்கு – 50 கிராம்

மூட்டு வலி தைலம் தயாரிக்கும் முறை:

வேப்ப எண்ணெய் ஒரு வலி நிவாரணியாக செயல்படுகிறது என்பதால் அந்த காலத்தில் நம் முன்னோர்கள் அதிகளவு வேப்ப எண்ணெயை தான் பயன்படுத்தி உள்ளனர்.

எனவே மூட்டு வலி குறைய அடுப்பில் ஒரு இரும்பு கடாய் வைத்து அவற்றில் 250 கிராம் வேப்ப எண்ணெய்யை ஊற்றி மிதமான சூட்டில் சூடேற்ற வேண்டும்.

எண்ணெய் நன்றாக சூடேறியதும் 50 கிராம் கிச்சிலி கிழங்கை நன்றாக இடித்து வேப்ப எண்ணெயில் சேர்த்து கிழங்கு நன்கு சிவந்து பொன்னிறம் ஆகும் வரை நன்றாக பொரிக்க வேண்டும்.

கிழங்கு நன்கு சிவந்ததும் அடுப்பில் இருந்து இறக்கி ஆறவைத்து வடிக்கட்டி காற்று புகாத பாட்டிலில் ஊற்றி பத்திரமாக வைத்து கொள்ளுங்கள். இப்பொழுது மூட்டு வலி தைலம் தயார்.

பயன்படுத்தும் முறை:-

மூட்டு வலியால் அவதிப்படுபவர்கள் தினமும் வலி இருக்கும் இடத்தில் இந்த தைலத்தை தடவலாம். மூட்டு வலி இருப்பவர்கள் தினமும் இந்த தைலத்தை உள்ளங்கையில் எடுத்து மூட்டுகளில் தேய்த்து இலேசாக மசாஜ் செய்ய வேண்டும்.

மூட்டுவலி பிரச்சனை இருப்பவர்கள் கால்களில் கீழிருந்து மேல்நோக்கி இந்த தைலத்தை தடவ வேண்டும். தினமும் காலை மற்றும் இரவு நேரங்களில் இதை தடவி வந்தால் வலி குறைவதை நன்றாகவே உணரமுடியும்.

மூட்டு வலி தைலம் தயாரிப்பு:

• ஆலிவ் எண்ணெய் – 2 தேக்கரண்டி
• மஞ்சள் -1 தேக்கரண்டி

ஒரு பாத்திரத்தில் ஆலிவ் எண்ணெயை ஊற்றி சூடு செய்து கொள்ள வேண்டும். பின் மஞ்சள் தூளையும் சேர்த்து சூடு செய்ய வேண்டும். எண்ணெயில் மஞ்சள் மிக்ஸ் ஆன பிறகு அடுப்பை ஆப் செய்து விட வேண்டும். இதனை வடிக்கட்டி வெறும் எண்ணெயை மட்டும் எடுத்து ஒரு பாட்டிலில் ஸ்டோர் செய்து கொள்ள வேண்டும்.

இந்த எண்ணெயை மூட்டில் தடவி நன்றாக ஒரு 5 நிமிடத்திற்கு மசாஜ் செய்ய வேண்டும். இதனை ஒரு நாளைக்கு 2 முறை என்று தொடர்ந்து பயன்படுத்தி வந்தால் மூட்டு வலி பிரச்சனை சரியாகும்.

Mutti Vali Oil:

• கடுகு எண்ணெய் – 50 மி.லி
• விளக்கெண்ணெய் – 50 மி.லி
• நல்லெண்ணெய் – 50 மி.லி
• வேப்ப எண்ணெய் – 50 மி.லி
• குப்பைமேனி இலை – ¼ கப்
• உத்தாமணி இலை – ¼ கப்
• நொச்சி இலை – ¼ கப்
• முடக்கத்தான் கீரை – ¼ கப்
• பிரண்டைத் துண்டுகள் – ¼ கப்
• யூகலிப்டஸ் இலைகள் – ¼ கப் ப

தயாரிக்கும் முறை:

முதலில் பிரண்டையை எடுத்து தோல் சீவி நறுக்கி கொள்ள வேண்டும். இதனை ஒரு கடாயில் சேர்த்து லேசாக வறுத்து எடுத்து கொள்ள வேண்டும். பின் மேலே கூறியுள்ள இலைகளில் உள்ள காம்புகளை நீக்கி விட்டு தண்ணீரில் அலசி கொள்ள வேண்டும். பிறகு பிரண்டையும், இலைகளையும் தனித்தனியாக மிக்சியில் சேர்த்து அரைத்து கொள்ள வேண்டும். இதிலிருந்து வெறும் சாற்றை மட்டும் வடிக்கட்டி எடுத்து கொள்ள வேண்டும்.

அதன் பிறகு ,மேலே கூறியுள்ள எல்லா எண்ணெய்களையும் ஒரு கடாயில் ஊற்றி கொள்ள வேண்டும். மிதமான தீயில் வைத்து எண்ணெயை சூடு செய்ய வேண்டும். அதன் பிறகு மூலிகை சாற்றை ஊற்றி கலந்து கொள்ள வேண்டும். இதில் சாறானது தண்ணீர் எல்லாம் இஞ்சி எண்ணையாக வந்த பிறகு பச்சை கற்பூரத்தை சேர்த்து கலந்து கொள்ள வேண்டும். இதனின் சூடு ஆறியதும் ஸ்டோர் செய்து வைத்து கொள்ள வேண்டும்.

பயன்படுத்தும் முறை:

இந்த எண்ணெயை இரவு தூங்குவதற்கு முன்பு தடவி ஒரு 5 நிமிடத்திற்கு மசாஜ் செய்ய வேண்டும்.நீங்கள் இதனை காலை நேரத்தில் தடவினால் சூரிய ஒளியில் ஒரு 20 நிமிடம் காட்ட வேண்டும்.

மேல் கூறியுள்ள எண்ணெய்களில் ஏதாவது ஒரு எண்ணெயை பயன்படுத்தினாலே போதுமானது.

இதுபோன்ற உடல் நலம் மற்றும் ஆரோக்கியம் பற்றிய தகவல்களை தெரிந்து கொள்ள இந்த லிங்கை கிளிக் செய்யவும்—>

patti vaithiyam tamil tips