மூலிகை செடி வகைகள் | Mooligai Payangal in Tamil

மூலிகை செடிகள் | Mooligai Chedigal  

மூலிகை பயன்கள்/ Mooligai Palangal: நண்பர்கள் அனைவருக்கும் பொதுநலம்.காம்-ன் அன்பான வணக்கம்..! இன்றைய பதிவில் பல வகையான மூலிகை செடி வகைகளின் மருத்துவ குணங்களை பற்றித்தான் தெரிந்துக் கொள்ளப்போகிறோம். மூலிகை செடிகள் (medicinal plants) தான் பல சித்த மருத்துவ துறைகளில் இன்றும் பயன்படுத்தி வருகின்றனர். இயற்கையாக வளரும் மூலிகைகளில் நம் உடலிற்கு எந்த வித பக்க விளைவுகளும் ஏற்படாது. ஒவ்வொரு மூலிகை செடிகளிலும் எண்ணற்ற அளவிற்கு மருத்துவ குணங்கள் அடங்கியுள்ளது.

நமக்கு எந்த மூலிகை செடி தேவைப்பட்டாலும் வெளியில் தேடுவதை வழக்கமாக இன்றும் வைத்துள்ளோம். அதனை தவிர்த்து அனைவரின் வீட்டிலும் நமது உடலை பாதுகாப்பாக வைத்திருக்க கூடிய மூலிகை செடிகளை வளர்த்து வரலாம். அந்த வகையில் பல வகையான மூலிகை செடிகளின் (Mooligai Names inTamil) சிறப்பம்சங்களை விரிவாக படித்தறியலாம்..! 

மூலிகை பொடி பயன்கள்..!

மூலிகை செடி வகைகள்:

மூலிகை செடிகள் படங்கள்	மூலிகை / Mooligai	மூலிகைகள் பயன்கள்/ Mooligai Payangal in Tamil
	ஆடாதோடை	ஆடாதோடை ஒரு அற்புதமான மூலிகை (mooligai payangal) செடியை சேர்ந்ததாகும். ஆடாதோடை மூலிகை இலையின் மூலம் வாத நோய், சுரம், வயிற்று வலிகள் அனைத்தையும் எளிதாக நீக்கலாம்.
	அழுகண்ணி	இந்த மூலிகையானது ஈரப்பதம் உள்ள இடங்களில் அதிகமாக தென்படும். இந்த அழுகண்ணி மூலிகை நரை, வெட்டுக்காயம், சர்க்கரை நோயால் உண்டாகும் புண்களுக்கு ஏற்ற மூலிகை.
	அகத்தி கீரை	அகத்தி இலையிலிருந்து தைலமும், அகத்தி பட்டை சாறு சிரங்குகளுக்கு மருந்தாகவும், அகத்தியின் வேரினை அரைத்து மூட்டுவலிக்கு பயன்படுத்தலாம்.
	அகில்	அகில் மரத்தின் பட்டையானது உடலில் வெப்பத்தை குறைத்து கல்லீரலில் பித்த நீரை அதிகரிக்கும். மேலும் ஒற்றை தலைவலி, மண்டையிடி, காய்ச்சல், சரும நோய், படை போன்ற நோய்களை குணப்படுத்தும்.
	அமுக்கிரா	உடலில் கட்டிகள் உள்ள பகுதிகளில் இந்த அமுக்கிரா இலையினை அரைத்து பூசி வர கட்டிகள் அமுங்கிவிடும்.
	அத்தி	உடலில் இரத்தம் அதிகரிக்க தினமும் அத்தி பழம் இரண்டு சாப்பிட்டு வரலாம். அத்தி இலையினை காய வைத்து இடித்து தேனில் கலந்து குடித்துவர பித்தம் குணமாகும்.
	அதிமதுரம்	அதிமதுரமானது கண் நோய், எலும்பு நோய், மஞ்சள் காமாலை, இருமல், சளி, தலைவலி போன்ற அனைத்து நோய்களையும் குணப்படுத்திவிடும். மேலும் இதனுடைய வேர் பகுதி காக்கை வலிப்பு, மூக்கு பகுதியில் இரத்தம் வடிதல், படர்தாமரை, விக்கல், அசதி, தாகம் போன்ற அனைத்து நோய்களையும் சரிசெய்யும்.
	அதிவிடயம்	சுரம், அதிசாரம், அஜீரண கோளாறுகள் போன்றவற்றிற்கு அதிவிடயத்தைப் பயன்படுத்தலாம். மேலும் தீராத இருமல், வயிற்றுப்போக்கு பிரச்சனைக்கு அதிவிடய பொடியுடன் சிறிதளவு தேன் சேர்த்து சாப்பிட்டு வர விரைவில் குணமாகும்.
	அப்ரமாஞ்சி	இதன் தண்டு பகுதிகள் மற்றும் வேர் பகுதிகள் மருத்துவ குணம் நிறைந்துள்ளதால் தூக்கமின்மையை தடுக்கும். மேலும் மனதில் படபடப்பு தன்மையை நீக்கி உயர் ரத்த அழுத்தத்தைக் குறைக்கும். அப்ரமாஞ்சி காய்ச்சல், மனஇறுக்கம், மனநோய், நரம்பு தளர்ச்சி, பய உணர்வு போன்ற நோய்களுக்கு மருந்தாக பயன்படுகிறது.
	அந்திமல்லி	பெண்களுக்கு ஏற்படும் வெள்ளைப்போக்கு பிரச்சனைக்கு அந்திமல்லி சாறுடன் தேன் கலந்து குடித்து வர வெள்ளைப்போக்கு குணமாகும். உடல் பலத்துடன் இருக்க அந்திமல்லி கிழங்கை நன்றாக கழுவிய பிறகு நெய்யில் வதக்கி சாப்பிட்டு வரலாம்.
	அம்மான் பச்சரிசி	அம்மான் பச்சரிசி குடலில் உள்ள பூச்சுகளை அகற்றும். நீண்ட நாளாக ஆறாமல் இருக்கும் காயங்களை ஆற்றிவிடும். சுவாச பிரச்சனைகளிலிருந்து நம்மை விடுவிக்கும். இந்த அம்மான் பச்சரிசி பெண்களுக்கு பால் சுரப்பியினை அதிகரிக்கும்.

மூலிகைகள் பயன்கள்/ Mooligai Payangal in Tamil:

மூலிகை செடிகள் படங்கள்	மூலிகை / Mooligai	மூலிகைகள் பயன்கள்/ Mooligai Payangal
	பேரரத்தை செடி (அரத்தை மூலிகை)	நெஞ்சு சளி குணமாக அரை டீஸ்பூன் அளவு அரத்தை பொடியினை தேனில் கலந்து குடித்துவர நாள்பட்ட நெஞ்சு சளி குணமாகும். காய்ச்சல், தீராத தலைவலி, இருமல் போன்றவைக்கு சிறந்த மூலிகையாக அரத்தை விளங்குகிறது.
	அரைக்கீரை	அரைக்கீரையானது அனைவரும் சமையலில் பயன்படுத்தக்கூடிய ஒன்று. அரை கீரை காய்ச்சல், சளி, கப நோய் போன்றவைகளுக்கு சிறந்த மருந்து. மேலும் அரை கீரையானது பெண்களுக்கு பிரசவ காலத்தில் ஏற்படும் உடல் இளைப்புக்கு இந்த கீரை சாப்பிடுவதன் மூலம் உடல் எடை அதிகரித்து உடலை ஆரோக்கியமாக வைத்திருக்கும்.
	அருகம்புல்	இந்த அருகம்புல்லானது வாத நோய், பித்தம், சளி, கண் சம்மந்த பிரச்சனை, பூச்சி கடி போன்ற பல நோய்களுக்கு நல்ல மருந்தாக திகழ்கிறது அருகம்புல். மேலும் உடல் அரிப்பு, வியர்வை நாற்றம் நீங்க, பெண்களுக்கு ஏற்படும் வெள்ளைப்படுதல் பிரச்சனைக்கு அருகம்புல் சிறந்த மருந்தாக உள்ளது.
	அசோகு (அசோக பூ)	இந்த அசோக மர பூவானது ரத்தபேதி, சீதபேதி, பெண்களுக்கு ஏற்படும் மாதவிடாய் பிரச்சனை, வயிற்று வலி, சர்க்கரை/ பித்த நோய், சிறுநீரக கோளாறுகள், கர்ப்பப்பை சம்மந்தப்பட்ட அனைத்து நோய்களுக்கும் சிறந்த மருந்தாக இந்த அசோக மரப் பூ விளங்குகிறது.
	அரிவாள்மனைப் பூண்டு	இந்த அரிவாள்மனை பூண்டு மூலிகையானது வெட்டுப்பட்ட காயங்கள், புண்களுக்கு மிக சிறந்த  மூலிகை மருந்தாக விளங்கி வருகிறது.
	அவுரி	அவுரி இலையினை அரைத்து பாம்புக்கடிக்கு முதலுதவியாக செய்யலாம். மேலும் மஞ்சள் காமாலை, தோல் சம்மந்த நோய்கள், அலர்ஜி போன்றவற்றிற்கு இந்த அவுரி இலையினை பயன்படுத்தி வந்தால் நல்ல நிவாரணம் கிடைக்கும்.
	அறுகு	இந்த அறுகானது வாதம், பித்த நோய், சளி, கண்களில் ஏற்படும் புகைச்சல், பூச்சு கடி போன்ற பல பிரச்சனைகளுக்கு தீர்வு கொடுக்கும்.
	அழுகண்ணி	அழுகன்னியை முறையாக 48 நாட்கள் சாப்பிட்டு வந்தால் நரை முடி மாற்றம், உடலில் நோய் இல்லாமல் நெடுங்காலம் வாழலாம். இந்த மூலிகையை முறைப்படி உண்டு வந்தால் உடலில் வெட்டுப்பட்ட பாகங்கள்  உடனே சேரும்.
	ஆமணக்கு	ஆமணக்கு இலைகள், வேர், விதை, எண்ணெய் ஆகியவை பொதுவாகக் கசப்புச் சுவையும், வெப்பத் தன்மையும் கொண்டவை. இதனுடைய இலை, வீக்கம் கட்டி, வாதம் ஆகியவற்றைக் கரைக்கும். தாய்ப்பால் அதிகரிக்கும். ஆமணக்கு வேர் வாத நோய்களைக் குணப்படுத்தும். ஆமணக்கு விதைகள் தீராத வயிற்று வலி, சிறுநீர் அடைப்பு பிரச்சனை, வீக்கம் போன்றவற்றை குணப்படுத்தும்.
	நிலாவாரை	நிலாவாரை இலைகள் கசப்பு சுவையும், வெப்பத் தன்மையும் உடையவை. பேதி, மூலம், வாத நோய், பித்த கப நோய்களைக் கட்டுப்படுத்தும். மலமிளக்கும்; வாயு, கீல்வாயு, பக்க வாதம், சூலைநோய், நரம்பு சார்ந்த பிரச்சனை ஆகியவற்றை குணமாக்கும், மேலும் வயிற்றில் உள்ள புழுக்களை அகற்றிவிடும்.

 

பிரண்டை பயன்கள்

மூலிகைகள் பயன்கள்:

மூலிகை செடிகள் படங்கள்	மூலிகை / Mooligai	மூலிகைகள் பயன்கள்/ Mooligai Payangal
	நீர்முள்ளி	நீர் முள்ளி விதை உடல் வெப்பத்தை குறைத்து குளிர்ச்சி தரும். நீர்முள்ளி விதையை சாப்பிடுவதால் நீர் எரிச்சல், சிறுநீரக நோய் வராமல் தடுக்க உதவுகிறது. மேலும் சர்க்கரை அளவை உடலில் சரியான முறையில் பராமரித்து உடலுக்கு சக்தி தருகிறது.
	பசளி	பசளி கீரை வகைகளில் ஒன்று. இந்த கீரையை உண்பதால் சர்க்கரை நோய் அளவை கட்டுப்படுத்தவும், இதய நோய் மற்றும்  புற்றுநோய் செல்கள் உருவாகாமல் தடுக்க உதவுகிறது. மேலும் இதில் இரும்புசத்து அதிகமாக இருப்பதால் ரத்தசோகை உள்ளவர்களுக்கு சிறந்த மருந்தாக விளங்குகிறது.
	பப்பாளி	பப்பாளியின் இலை, விதை, பழம் மற்றும் காய் முதல் அனைத்தும் மருத்துவ குணம் அதிகமாக நிறைந்துள்ளது. பப்பாளி பழத்தை தொடர்ந்து சாப்பிட்டு வர உடல் வளர்ச்சி அதிகரிக்கவும், எலும்பு வளர்ச்சி, பல் உறுதியடையவும் பயன்படுகிறது. மேலும் பப்பாளி காயை சாப்பிட உடல் எடை குறையவும், நரம்பு தளர்ச்சியை குறைக்கவும் பயன்படுகிறது.
	பிரண்டை	பிரண்டையை துவையல் செய்து சாப்பிடுவதன் மூலம் உடலை புத்துணர்ச்சியாக வைத்துக்கொள்ளவும், அறிவாற்றலை பெருக்கவும் மற்றும் எலும்புகளை வலுப்படுத்தவும் உதவுகிறது. மேலும் வைட்டமின் – c குறைபாடால் ஏற்படும் ஈறுகளில் ரத்தக்கசிவை குறைக்கவும் பயன்படுகிறது.
	புதினா	புதினாவை உணவில் சேர்ப்பதன் மூலம் உடற்சூட்டை தணித்து உடலுக்கு குளிர்ச்சி தருகிறது. மேலும் ஆஸ்துமா, உள்நாக்கு வளர்தல், வயிற்று வலி மற்றும் மூட்டு வலியை சரிசெய்யவும் பயன்படுகிறது.

இதுபோன்ற உடல் நலம் மற்றும் ஆரோக்கியம் பற்றிய தகவல்களை தெரிந்து கொள்ள இந்த லிங்கை கிளிக் செய்யவும்—>

Natural health tips in tamil