ஒரு நாளைக்கு எத்தனை கலோரி தேவை..!

கலோரி என்றால் என்ன?

ஒரு நாளைக்கு தேவைப்படும் கலோரிகள் வளர்சிதை மாற்றம், வயது, உயரம், வாழ்க்கை முறை, உடல் தகுதியின் அளவு மற்றும் நீங்கள் உண்ணும் உணவின் வகை மற்றும் அளவு உள்ளிட்ட பல காரணிகளைப் பொறுத்தது. இந்த கலோரிகளின் உடல் எடை அதிகரிப்பதற்கும், உடல் எடையை குறைப்பதற்கும் மற்றும் உடல் எடையை ஆரோக்கிய முறையில் பராமரிப்பதற்கும் கலோரிகளை அளவிடும் முறைகளும் இருக்கிறது. சரி நமது அன்றாட வாழ்வில் ஒரு நாளைக்கு எத்தனை கலோரி தேவைப்படும் என்பதை பற்றி இந்த பதிவில் நாம் படித்து தெரிந்து கொள்வோம் வாங்க.

ஒரு மனிதன் ஒரு நாளைக்கு எத்தனை கலோரிகள் சாப்பிட வேண்டும்?

கலோரி என்பது ஒரு மணிதன் தான் எடுத்து கொள்ளும் ஒவ்வொரு வகையான உணவில் இருந்து கணக்கிடப்படுகிறது

ஆண், பெண் இருவருக்கும் கலோரி அளவு வேறு படும். ஆண்களுக்கு சராசரியாக 2500 கலோரியும், பெண்களுக்கு 2000 கலோரி ஒரு நாளைக்கு தேவை…

அதிக உடல் உழைப்பு உள்ளவர் சராசரியை விட சற்று அதிகமான கலோரி உணவு எடுத்துக்கொள்ள வேண்டும் அவர்கள் உழைப்பே சில கலோரியை எரித்து விடும்.

உடல் எடையை கச்சிதமாக வைக்க நினைப்பவர்கள், சராசரி கலோரிக்கு தேவையான உணவுகள் உண்ண வேண்டும்.

சராசரி அளவை விட அதிகமான கலோரி கொண்ட உணவுகள் எடுத்து விட்டால் அதை எரிப்பதற்காக நடைப்பயற்சியோ, உடற்பயிற்சயோ மேற்கொள்ள வேண்டும்.

எந்த வயதில் எவ்வளவு கலோரி தேவை? – Calorie Chart in Tamil

பெண்கள்:

26-50 வயதுக்கு இடைப்பட்ட மிதமான சுறுசுறுப்பான பெண்களுக்கு ஒரு நாளைக்கு சுமார் 2,000 கலோரிகள் தேவைப்படுகின்றன.

சுறுசுறுப்பான பெண்களுக்கு (ஒரு நாளைக்கு 5 கிலோமீட்டர் தூரம் நடப்பவர்கள்) ஒரு நாளைக்கு 2,200 கலோரிகள் தேவைப்படும்.

20 வயதின் முற்பகுதியில் உள்ள பெண்களுக்கு தங்கள் எடையைக் கட்டுப்படுத்த அதிக கலோரிகள் தேவை, ஒரு நாளைக்கு சுமார் 2,200 கலோரிகள் அல்லது அதற்கும் அதிகமாக தேவைப்படலாம்.

50 வயதுக்கு மேற்பட்ட பெண்களுக்கு ஒரு நாளைக்கு 1,800 கலோரிகளுக்கும் குறைவாகவே தேவைப்படுகிறது.

நீங்கள் கர்ப்பமாக இருந்தால் அல்லது தாய்ப்பால் கொடுப்பவராக இருந்தால், மேலே உள்ள அட்டவணை உங்களுக்கு ஏற்றதாக இருக்காது. உங்கள் விருப்பங்களை உங்கள் மருத்துவரிடம் கலந்துரையாடுங்கள்.

ஆண்கள்

26-45 வயதுக்கு இடைப்பட்ட மிதமான சுறுசுறுப்பான ஆண்களுக்கு ஒரு நாளைக்கு 2,600 கலோரிகள் தேவைப்படுகிறது.

சுறுசுறுப்பான ஆண்களுக்கு (ஒரு நாளைக்கு 5 கிலோமீட்டர் தூரம் நடப்பவர்கள்) ஒரு நாளைக்கு 2,800 முதல் 3,000 கலோரிகள் தேவை.

19 முதல் 25 வயது வரை உள்ள ஆண்களுக்கு ஒரு நாளைக்கு 2,800 கலோரிகள் தேவை.

46-65 வயதுக்குட்பட்ட ஆண்களுக்கு ஒரு நாளைக்கு 2,400 கலோரிகள் தேவை.

66 வயதுக்கு மேற்பட்ட ஆண்களுக்கு ஒரு நாளைக்கு 2,200 தேவைப்படும்.

குழந்தைகள்

குழந்தைகளின் கலோரி தேவை மிகவும் வேறுபட்டது.

சராசரியாக குறுநடை போடும் குழந்தைக்கு ஒரு நாளைக்கு 1,200 முதல் 1,400 கலோரிகள் தேவைப்படலாம், மிதமான சுறுசுறுப்பான பதின்ம வயதினருக்கு ஒரு நாளைக்கு 2,000 முதல் 2,800 கலோரிகள் தேவைப்படும்.