பெண்களின் அடி வயிறு வலி குணமாக இயற்கை மருத்துவம்
பொதுவாக இந்த பிரச்சனை பெண்களுக்கு மாதவிடாய் காலத்தில் அதிகம் ஏற்படும். இந்த அடி வயிற்று வலி சாதாரணமான ஒன்றாக இருந்தாலும். மாதவிடாய் காலத்தில் பெண்களுக்கு அதிகப்படியான அடி வயிற்று வலி இருந்தால் அதனை அலட்சியமாக நினைக்க கூடாது. இது போன்ற வலிகள் கருப்பையில் சில பிரச்சனைகளை உண்டாக்கலாம். ஆகவே மருத்துவர்களிடம் சென்று அதற்கான சிகிச்சையை மேற்கொள்ள வேண்டியது மிகவும் அவசியம். இருப்பினும் இந்த வலியை கட்டுப்படுத்த சில இயற்கை மருத்துவ சிகிச்சையை மேற்கொள்ளலாம். இதனால் பெண்களின் அடி வயிறு வலி குணமாகும். சரி வாங்க மாதவிடாய் காலத்தில் ஏற்படும் அடி வயிற்று வலி குணமாக சில இயற்கை மருத்துவ குறிப்புகளை இந்த பதிவில் நாம் படித்தறியாம் வாங்க.
பெண்களுக்கு அடி வயிறு வலிக்க காரணம்:
பெண்களுக்கு அதிகமாக மாதவிடாய் காலத்தில் அடிவயிறு வலிக்கும். அதேபோல் அந்த நாட்கள் முதுகு வலி, இடுப்பு வலி, கால் நரம்பு முதல் இழுத்துக்கொண்டு இருக்கும். பெண்களுக்கு மாதவிடாய் காலத்தில் அதிக அடிவயிற்று வலி ஏற்படுத்த மூன்று காரணம் உள்ளது இந்த மூன்று நோய் இருந்தால் அவர்களுக்கு அடிவயிறு வலியை ஏற்படுத்தும். இந்த பிரச்சனை 35 வயது மேல் ஆன பெண்களுக்கும் பாதிப்பு ஏற்படுத்த வாய்ப்பு உள்ளது.
35 வயதுக்குள் மேல் உள்ள பெண்கள் அதிகம் பாதிக்கப்படுத்தவர்க்கு முக்கிய காரணம் கர்ப்ப பையில் இருக்கும் குறைபாடு தான். இந்த வலி மாதவிடாய் காலத்திற்கு 15 நாட்களுக்கு, முன்பு தொடங்கும். அதன் பின் மாதவிடாய் நேரத்தில் 3 நாட்களுக்கு பிறகு படிப்படியாக குறைய தோன்றும்.
இது 15 நாட்களுக்கு பிறகும் நிற்காமல் தொடர்ந்து வலி ஏற்பட்டால் அதனை ஊற்று கவனித்து பாருங்கள். இதை தான் உதிரக்கட்டிகள் என்று சொல்லக்கூடிய Endometriosis என்பார்கள்.
Adenomyosis Symptoms in Tamil:
கர்ப்பப்பை வீக்கத்தை கொண்டிருந்தால் அடிவயிற்றில் வலியை ஏற்படுத்தும். கர்ப்பப்பை வாழ் என்று சொல்லக்கூடிய சுவர்களின் தடிமன் சற்று அதிகமாக இருக்கும். மாதவிடாய் நேரத்தில் கர்ப்பப்பை சுருங்கும் போது தடிமனானது அழுத்தமாக சுருங்கும். அந்த நேரத்தில் தான் அதிக வயிற்று வலியை ஏற்படுத்தும். இதையும் அடிவயிறு வலிக்க காரணமாக இருக்கும்.
அதேபோல் மாதவிடாய் காலத்திற்கு முன்பே அடிவயிறு வலிக்கும். கர்ப்பப்பை உள்ளே அல்லது வெளியே கட்டிக்கள் இருக்கும். அல்லது கர்ப்பப்பை திசுக்கள் இருக்கலாம். வலியை ஏற்படுத்துவதோடு மட்டுமில்லாமல் உதிரப்போக்கு கட்டிகளும் வெளியேறும். மாதவிடாய் கால வலி என்று அலட்சிய படுத்தினால் கட்டிகள் வளர்ந்து பெரிதாகும். அவை சிறுநீர்ப்பை, மலக்குடலை அழுத்தி மேலும் அடிவயிறுவலியை அதிகரிக்க வாய்ப்பு உள்ளது. ஆகவே அப்படி தொடந்து அடிவயிறு வலி ஏற்பட்டால் உடனே மருத்துவரை அணுகி அறிவுரை பெற்று அதற்கான சிகிச்சை பெறவும்.
Period Stomach Pain Relief in Tamil
இஞ்சி:
இஞ்சி சிறந்த மருத்துவ குணம் வாய்ந்த பொருள் என்று சொல்லலாம். இந்த இஞ்சி மாதவிடாய் காலத்தில் ஏற்படும் அடி வயிற்று வலியை குணப்படுத்த மிகவும் பயன்படக்கூடிய பொருள் என்று உங்களுக்கு தெரியுமா.. ஆம் இஞ்சியை தண்ணீரில் கொதிக்க வைத்து அதில் ஒரு ஸ்பூன் தேன் கலந்துக் குடிப்பதால் பெண்களுக்கு ஏற்படும் அடி வயிற்று வலி குறையும். மேலும் உடல் வலியும் குறையும். அதேபோல் உடல் புத்துணர்ச்சியாக இருக்கும். இது மாதவிடாய் தள்ளிப்போதலையும் தடுக்கும்.
பட்டை டீ:
பட்டைய நாம் வெறும் வாசனைக்காக தான் அதிகம் பயன்படுத்துகிறோம். ஆனால் பட்டையில் ஏராளமான ஆரோக்கிய நன்மைகள் அடங்கியுள்ளது. அரை அல்லது கால் இஞ்சு பட்டையை தண்ணீரில் கொதிக்க வைத்து அதில் ஒரு ஸ்பூன் தேன் கலந்து குடித்தால் அடி வயிற்று வலிக் குறையும். மேலும் இந்த டீயின் சுவை அத்தனை நன்றாக இல்லை என்றாலும் குடித்தால் உங்களது அடி வயிற்று வலிக்கு நல்ல நிவாரணமாக இருக்கும்.
| அதிக உதிரப்போக்கு நிற்க |
ஊட்டச்சத்து நிறைந்த மாத்திரைகள்:
நீங்கள் உணவருந்திய பிறகு விட்டமின் பி அல்லது கால்சியம் மாத்திரைகளை எடுத்து கொள்ளலாம். இதன் மூலம் மாதவிடாய் காலத்தில் ஏற்படும் வலி குறையும்.
பப்பாளி:
பெண்கள் பொதுவாக பப்பாளியை மாதவிடாய் ஏற்படுவதற்கு ஒரு வாரத்திற்கு முன்பே சாப்பிடலாம். இதனால் கர்பப்பை வலுபெற்று அதன் வேலையைச் சிறப்பாகச் செய்யும். இரத்தப்போக்கும் சீராகும். வயிற்றுவலியும் குறைவாகும். அதிக உதிரப்போக்கு ஏற்படும் பெண்கள் இந்த பப்பாளி பழத்தை உங்களது மாதவிடாய் நாட்களில் சாப்பிடுவதை முற்றிலும் தவிர்த்து கொள்வது நல்லது.
சத்தான உணவுகள்:
பொதுவாக பெண்கள் மாதவிடாய் நாட்களில் சத்துள்ள உணவுகளை அதிகளவு எடுத்துக்கொள்ள வேண்டும். ஆகவே அரிசி உணவோடு மீன், சிக்கன், காய்கறிகள் மற்றும் பழங்களை அதிக அளவில் எடுத்துக் கொள்ளுங்கள்.
ஆளி விதை:
ஆளி விதையில் கொழுப்பு அமிலங்கள் அதிகமாக இருக்கின்றன. இது கர்பப்பை தடையில்லாமல் வேலை செய்ய உதவுகிறது. கருவுறுதல் பிரச்னை இருந்தாலும் சரி செய்கிறது. இதை தினமும் ஒரு மேசைக்கரண்டி உண்டு வந்தால் வயிறு இறுக்கிப்பிடித்தல், வலி போன்ற பிரச்னைகள் இருக்காது.
பேரிச்சை பழம்:
பெண்கள் தினமும் பேரிச்சம்பழம் சாப்பிட்டு வர மாதவிடாயின் போது ஏற்படும் பிரச்சனைகள் அனைத்தும் குறையும்.
வெந்தயம்:
வெந்தயத்தை வெறும் வயிற்றில் உண்பதால் வயிறு இறுக்கிப்பிடித்தல் குறையும். வெந்தயத்தை இரவு முழுவதும் ஊற வைத்து பேஸ்டாக்கி ஒரு ஸ்பூன் உண்ணலாம். இதன் மூலம் வலிக்கு நல்ல நிவாரணம் கிடைக்கும்.
சோம்பு:
இந்திய மசாலா வகைகளில் முக்கிய பொருள். இது உணவுக்கு மட்டுமல்ல. நோய்களுக்கு மருந்தாகவும் இருக்கிறது. இதை அரைத்து வெது வெதுப்பான நீரில் கலந்து குடிக்கலாம். அல்லது தண்ணீரில் கொதிக்க வைத்தும் குடிக்கலாம்.
| ஒழுங்கற்ற மாதவிடாய் பிரச்சனை சரியாக பாட்டி வைத்தியம்..! |
| இதுபோன்ற உடல் நலம் மற்றும் ஆரோக்கியம் பற்றிய தகவல்களை தெரிந்து கொள்ள இந்த லிங்கை கிளிக் செய்யவும்—> | Tamil maruthuvam tips |
