காகம் கரையும் பலன்கள்

வீட்டின் முன், பின்  காகம் கரைந்தால்

வணக்கம் நண்பர்களே இன்றைய ஆன்மிகம் பதிவில் உங்கள் வீட்டை பார்த்து அடிக்கடி காகம் கரைந்து கொண்டே இருக்கும் இதற்கான காரணம் என்னவென்றுதான் தெரிந்துகொள்ளப்போகின்றோம். காக்கை ஆனது சனிபகவானின் வாகனம் என்று சொல்லப்படுகிறது. பொதுவாக காக்கை கருப்பு நிறத்தில் இருப்பதால் அதை யாருக்கும் பிடிப்பதில்லை. ஆனால்  இந்த காகத்தை நம் முன்னோர்கள் காலத்தில் இருந்து அதிகமாக வணங்கி வரும் ஒரு பறவையாகவும்  இருக்கிறது.

பொதுவாக அமாவாசை அன்று காக்கைக்கு உணவளிப்பது  இறந்து போனவர்களுக்காக  உணவளிப்பது என்று சொல்லப்படுகிறது.  இப்படி நாம் தெய்வமாக வணங்கி வரும் காகம் உங்கள் வீட்டில் கரைவதற்கு காரணம் என்னவென்று தெரிந்துகொள்ளலாம் வாங்க.

காகம் கரைந்தால் என்ன நடக்கும்:

நீங்கள் வீட்டில் இருக்கும் நேரத்தில் காக்கை உங்கள் வீட்டை பார்த்து கரைந்து கொண்டே இருக்கும். நாம் அதை துரத்தினாலும் மறுபடியும் வந்து கரையும், இதை சில பேர் உங்கள் வீட்டிற்கு விருந்தினர்கள் வரப்போகிறார்கள் என்று கேலியாகவும் சொல்வார்கள்.

பொதுவாக காக்கைக்கு என்ன நடக்க போகிறது, அடுத்து என்ன நடக்கப்போகிறது என்று நன்றாகவே தெரியும்.  நாம் பொதுவாக ஒரு காக்கைக்கு சாதம் வைத்தால் அது தனியாக சாப்பிடாமல் ஒரு கூட்டத்தையே அழைத்துக்கொண்டு வரும் அப்படிப்பட்ட காகம் உங்களுடைய வீட்டை பார்த்து கரைவதற்கு காரணம் என்ன தெரியுமா.? காக்கை உங்கள் வீட்டை பார்த்து கரைவதற்கு அவசியம் உங்கள் வீட்டில்  ஒரு நன்மை நடக்க போகிறது என்று உணர்த்துகிறது. இதுபோல் உங்கள் வீட்டை பார்த்து கரையும்  காக்கைக்கு ஒரு கைப்பிடி அளவு சாதம்  வையுங்கள்.

வெளியில் செல்லும் போது காகம் கரைந்தால்:

நீங்கள் வெளியில் செல்லும் போது உங்களின் முன் காகம் கரைந்து கொண்டே வந்தால் அந்த பயணத்தை தவிர்ப்பது நல்லது. ஏனென்றால் இந்த சகுனமானது அபசகுனமாக பார்க்கப்படுகிறது.

காகம் ஆனது சூரியனை பார்த்து கரைந்தால் ஆன்மிகத்தில் அபசகுனமாகபார்க்கப்படுகிறது. இந்த சகுனம் நேர்ந்தால் மிகவும் கவனமாக இருக்க வேண்டும்.

அதுவே நீங்கள் வெளியே செல்லும் போது வலதுபுறத்திலிருந்து இடதுபுறத்திற்கு சென்றால் லாபம் கிடைக்கும். அதுவே இடதுபுறத்திலிருந்து வலதுபுறத்திற்கு சென்றால் நஷ்டம் ஏற்படும் என்பதனை குறிக்கிறது.

காகம் இரவு நேரத்தில் கரைவது நலன் விஷயமாக பார்க்கப்படுகிறது.