சுக்கு மல்லி காபி நன்மைகள் மற்றும் தீமைகள்

சுக்கு மல்லி காபி நன்மைகள்:

குழந்தைகளுக்கு இரத்த சோகை:

நம் முன்னோர்களின் பாரம்பரியத்தில் இருந்து தோன்றிய இந்த சுக்கு மல்லி காபி ஆனது ஒரு சிறந்த மருத்துவமிக்க பானம் என்று கூறலாம். ஏனென்றால் இந்த சுக்கு மல்லி காப்பினை குழந்தைகளுக்கு கொடுக்கும் போதும் அவர்களுக்கு ஏற்படும் இரத்த சோகையினை கட்டுப்பாட்டுக்குள் வைப்பதற்கும் மற்றும் இரத்த சோகையினை வராமல் தடுக்கச் செய்யவும் பயன்படுகிறது.

சளி இருமல் நீங்க:

சாதாரணமாகவே சளி மற்றும் இருமலுக்கு பனை வெல்லம் மற்றும் இஞ்சி சேர்த்து கசாயம் வைத்து குடிக்கும் பழக்கம் சிலரது வீட்டில் இருக்கும். அந்த வகையில் பார்த்தோம் என்றால் இந்த சுக்கு மல்லி காபியில் உள்ள எண்ணற்ற சத்துக்கள் ஆனது குழந்தைகள் முதல் பெரியவர்கள் வரை என அனைவருக்கும் இருமல் மற்றும் சளியில் இருந்து முற்றிலும் குணமடைய செய்கிறது.

இரத்த அழுத்தம் குறைய:

சுக்கு மல்லி காபி ஆனது ஒரு மசாலா நிறைந்த காபி என்று கூறலாம். அதனால் உயர் இரத்த அழுத்தம் உள்ளவர்கள் இந்த சுக்கு காபியினை குடிப்பதன் மூலம் இரத்த அழுத்தத்தினை கட்டுப்பாட்டுக்குள் வைக்க முடியும். மேலும் பக்கவாதம் போன்றவற்றை வராமலும் தடுக்கச் செய்கிறது. 

செரிமான கோளாறு:

தினமும் சுக்கு மல்லி காபியினை குடிப்பதன் மூலமாக நாம் சாப்பிடும் சாப்பாடானது எளிதில் செரிமான அடையச் செய்து வயிறு சம்மந்தமான எந்த பிரச்சனையும் வராமல் இருக்க உதவுகிறது.

உடல் பருமன் குறைய:

இன்றைய காலத்தில் உள்ள பெரும்பாலான நபர்களுக்கு உணவுமுறை பழக்க வழக்கங்களால் உடல் பருமன் அதிகரிக்க செய்கிறது. அத்தகைய உடல் பருமனை குறைக்க வேண்டும் என்று அனைவரும் உடற்பயிற்சி மற்றும் நடைபயிற்சியினை செய்து வருகிறார்கள். அந்த வகையில் சுக்கு மல்லி காபியும் மிகவும் முக்கிய பங்கு வகிக்கிறது. ஏனென்றால் சுக்கு காபியில் உள்ள மூலிகை பொருட்கள் உடல் பருமனை விரைவில் குறையச் செய்கிறது. 

எனவே நாம் தினமும் குடிக்கும் சுக்கு மல்லி காபியில் நம்முடைய உடலுக்கு தேவையான எண்ணற்ற சத்துக்கள் நிறைந்து உள்ளது.

சுக்கு மல்லி காபி தீமைகள்:

சுக்கு மல்லி காபி குடித்தால் செரிமானத்தை ஏற்படுத்தும், ஆனால் அதிகமாக எடுத்து கொள்ளும் போது வயிற்றுப்போக்கு மற்றும் அமிலத்தன்மையை ஏற்படுத்தும்.

கர்ப்பிணி பெண்கள் இந்த காபியை அதிகமாக எடுத்து கொள்ள கூடாது. ஏனென்றால் சூட்டை அதிகமாக்கி விடும்.

இதனை அதிகமாக எடுத்து கொண்டால் தூக்கமின்மை பிரச்சனையை ஏற்படுத்தும்.

யாரெல்லாம் சுக்கு மல்லி காபி குடிக்க கூடாது:

உயர் இரத்த அழுத்தம் மற்றும் குறைந்த இரத்த அழுத்தம் பிரச்சனை உடையவர்கள் சுக்கு மல்லி காபியை எடுத்து கொள்ள கூடாது.

கர்ப்பிணி பெண்கள் இந்த காபியை குடிக்க கூடாது.

வயிறு புண் பிரச்சனையில் பாதிக்கப்பட்டவர்கள் மற்றும் தற்போது வயிறு புண் பிரச்சனை உள்ளவர்கள் சுக்கு மல்லி காபியை எடுத்து கொள்ள கூடாது.

அதிக உடல் வெப்பம் உள்ளவர்கள் சுக்கு மல்லி காபியை குடிப்பதை தவிர்க்க வேண்டும்

வெறும் வயிற்றில் சுக்கு காபி குடிக்கலாமா:

வெறும் வயிற்றில் சுக்கு மல்லி காபிகுடிக்கலாம். ஆனால் சில பேருக்கு இவை எரிச்சல், வயிற்றுப்போக்கு, செரிமான பிரச்சனையை ஏற்படுத்த கூடும். அதனால் இதனை வெறும் வயிற்றில் கடுக்கும் போது கவனமாக குடிக்க வேண்டும்.