சிறுநீர் தொற்று நீங்க வீட்டு வைத்தியம்

சிறுநீர் தொற்று நீங்க வீட்டு வைத்தியம் | Urine Infection Treatment in Tamil

ஒருவருக்கு சிறுநீர் தொற்று வருவதற்கு நிறைய காரணங்கள் இருக்கிறது.. அதாவது சிறுநீரை அதிக நேரம் அடக்கி வைப்பது, காரம் அதிகமாக சாப்பிடுவது, தண்ணீர் அதிகம் அருந்தாமல் இருப்பது இது போன்று பல காரணங்களை சொல்லலாம். ஒருவருக்கு சிறுநீர் தொற்று இருக்கிறது என்றால் அவர்கள் சிறுநீர் கழிக்கும்போது மிகவும் சிரமத்தை ஏற்படுத்தும்.

அதாவது அடிக்கடி சிறுநீர் கழிக்க வேண்டிய சூழ்நிலை ஏற்படலாம், அல்லது சிறுநீர் வந்தாலும் மிகவும் மெதுவாக சிறுநீர் கழிக்க வேண்டிய சூழ்நிலை உண்டாகும். அல்லது பாத்ரூமிற்கு போவதற்கு முன்பே அதனை அடக்க முடியாமல் சிறிதளவு சிறுநீரை கழித்துவிடுவது. இரத்தம் கலந்த சிறுநீர் வருவது. அல்லது மங்கலாக சிறுநீர் கழிப்பது இவையெல்லாம் சிறுநீர் தொற்றுக்கான அறிகுறிகள் ஆகும்.

சரி இப்பொழுது இந்த சிறுநீர் தொற்றுக்கு வீட்டு வைத்தியம் சிலவற்றை பார்க்கலாம். இங்கு கூறப்பட்டுள்ள குறிப்புகள் அனைத்தும் ஆரம்ப நிலையில் இருக்கும் சிறுநீர் தொற்று பிரச்சனைக்கு மட்டுமே. உங்களுக்கு பிரச்சனையானது மிகவும் தீவிரமாக இருக்கிறது என்றால் அதற்கு நீங்கள் கண்டிப்பாக மருத்துவரை தான் அணுக வேண்டும்.

சிறுநீர் தொற்று ஏற்பட காரணம்:

சிறுநீரகம் மற்றும் அது தொடர்பான பகுதியில் ஏற்படும் பிரச்சனைக்கு என்ன காரணம் என்று கீழ் பார்க்கலாம்.

காரணம்: 1

பொதுவாக பெண்களுக்கு இயற்கையாகவே சிறுநீர்ப்பையின் அளவு பெரியதாக இருக்கும். இதனால் பெண்கள் அடிக்கடி சிறுநீர் கழிக்க தேவை இருக்காது. இதற்காக சிறுநீர் கழிக்காமல் இருந்தால் அதுவே சிறுநீரக பகுதியில் தொற்று ஏற்பட காரணமாகிவிடுகிறது.

காரணம்: 2

சரியான வாழ்க்கை முறை இல்லாமல், எப்போது வேண்டுமானாலும் சாப்பிடுவது, சரியான நேரத்திற்கு உறங்காமல் இருப்பது, ஒரே இடத்தில் வெகுநேரம் அமர்ந்து வேலை செய்வது, உடலுக்கு நல்ல பயிற்சி இல்லாமல் இருப்பது போன்ற காரணங்களினால் ஹார்மோன் அளவுகளில் மாற்றம் ஏற்படும். அதன் விளைவாக சிறுநீரக பிரச்சனையும் வந்து சேரும்.

காரணம்: 3

பொதுவாக யாராக இருந்தாலும் அவர்களது உடலுக்கு தகுந்தளவு தண்ணீர் அருந்த வேண்டும். ஒருவர் உடலுக்கு தேவையான அளவு தண்ணீர் அருந்தாமல் இருந்தால் சிறுநீரகம் பகுதியில் மாசுக்கள் தங்கிவிடுகிறது. இதன் காரணமா சிறுநீரக பகுதியில் தொற்று ஏற்படுகிறது.

காரணம்: 4

ஒருவருக்கு அளவுக்கு அதிகமாக தேநீர், காபி மற்றும் குளிர்பானங்களை அருந்துவதன் மூலமாகவும் சிறுநீரக பகுதியில் தொற்றுகள் உண்டாகுகிறது.

காரணம்: 5

பயணத்தின்போது எட்டுமணி நேரம் முதல் பத்துமணி நேரம் வரை கூட சிறுநீர் கழிக்காமல் இருப்பதனால் நிச்சயம் சிறுநீரக தொல்லை ஏற்படும்.

காரணம்: 6

உள்ளாடைகளை ஈரமாக போட்டு கொண்டாலும் சிறுநீரக பகுதியில் தொற்று ஏற்படும். ஆகவே நன்கு உலர்ந்த உடைகளை மட்டும் பயன்படுத்துவது நல்லது.

சிறுநீர் தொற்று குணமாக:

காலை எழுந்தவுடன் வெறும் வயிற்றில் ஒரு கிளாஸ் மோரில் ஒரு ஸ்பூன் வெந்தயம் பொடி சேர்த்து நன்றாக மிக்ஸ் செய்யவும். பின் அதனை குடிக்கலாம். இந்த பானத்தை தொடர்ந்து 40 நாட்கள் பருகி வந்தால் சிறுநீர் தொற்று பிரச்சனை குணமாகும்.

சிறுநீர் தொற்று நீங்க வீட்டு வைத்தியம்:

அடுத்த குறிப்பு என்னெவென்றால் இரவு உறங்குவதற்கு முன் ஒரு கிளாஸ் சூடான பாலில் ஒரு ஸ்பூன் பனங்கற்கண்டு சேர்த்து நன்றாக மிக்ஸ் செய்யுங்கள். பிறகு அதனை அருந்தலாம். இவ்வாறு தொடர்ந்து 40 நாட்கள் இரவு அருந்திவந்தால் சிறுநீர் தொற்று பிரச்சனை குணமாகும்.

சிறுநீர் தொற்று நாட்டு வைத்தியம்:

இந்த டிப்ஸைகூட பின்பற்றலாம் அதாவது ஒரு கிளாஸ் சூடான நீரில் அரைமூடி எலுமிச்சை சாறு சேர்த்து நன்றாக கலந்து தினமும் காலை வெறும் வயிற்றில் பருகிவரலாம். இவ்வாறு செய்து வந்தால் சிறுநீர் தொற்று நீங்க ஆரம்பிக்கும்.

சிறுநீர் தொற்று குணமாக:

அடுப்பில் ஒரு பாத்திரத்தை வைத்து அதில் ஒரு கிளாஸ் தண்ணீர் ஊற்றி கொதிக்கவிடவும். தண்ணீர் நன்கு கொதித்து வந்ததும் ஒரு ஸ்பூன் வெந்தயம் சேர்த்து 5 நிமிடம் கொதிக்கவிடவும். பிறகு அதனை வடிகட்டி மிதமான சூட்டில் காலை வெறும் வயிற்றில் அருந்தலாம். இதனை தொடர்ந்து 40 நாட்கள் பருகிவந்தால் நல்ல ரிசல்ட் கிடைக்கும்.

மேல் கூறப்பட்டுள்ள 4 வழிமுறைகளில் ஏதாவது ஒன்றை பின்பற்றி வந்தாலே உங்களுக்கு நல்ல ரிசல்ட் கிடைக்கும் ட்ரை செய்து பாருங்கள்.

சிறுநீர் தொற்று நீங்க இயற்கை மருத்துவம்:

பார்லி கஞ்சி:

இந்த சிறுநீரக தொற்றுக்கு சிறந்த இயற்கை மருத்துவத்தில் இதுவும் ஒன்று பார்லி அரிசியில் கஞ்சி செய்து அதில் சுக்குப்பொடி சேர்த்து ஆறவிட்டு, மோருடன் கலந்து பருகி வந்தால் நோய்த் தொற்று குணமாகும்.

கற்றாழை:

இந்த நோய் தொற்றால் பாதிக்கப்பட்டவர்கள் கற்றாழையை சுத்தம் செய்து சாப்பிட்டு வரலாம். இதனால் உடல் சூடு தணியும். சிறுநீர் போவதில் சிரமம் இருக்காது.

இளநீர்:

இளநீர் நன்கு குளிர்ச்சி வாய்ந்த பானமாகும். இந்த இளநீரில் சிறிது ஜீரகத்தை சேர்த்து இரவு முழுவதும் அப்படியே விட்டு விடுங்கள். காலையில் அந்த தண்ணீரை பருகுங்கள், இவ்வாறு பருகுவதால் சிறுநீரக தொற்று குணமாகும்.

குறிப்பு:

வெது வெதுப்பான தண்ணீரில் உங்கள் உறுப்பை சுத்தம் செய்து கொள்வது. மேலும், கல் உப்பு கலந்து அந்த தண்ணீரைப் பயன்படுத்தியும் சுத்தம் செய்து கொள்ளலாம். இவ்வாறு செய்வதினால் எரிச்சல் அடங்கும்.

சிறுநீர் பாதை தொற்றுநோயின் அறிகுறிகள்: 

இந்த சிறுநீர் பாதை நோய்த் தொற்றுகள் குழந்தைகள் முதல் வயதானவர்கள் வரை அனைவரையும் பாதிக்கின்றது. பெரும்பாலும் இந்த நோய்த் தொற்று அதிகளவு பெண்களையே பாதிக்கின்றது. தோல் அல்லது மலக்குடலில் இருந்து வரும் பாக்டீரியாக்கள், சிறுநீர்குழாய்க்குள் நுழைந்து சிறுநீர் பாதையில் உள்ள உறுப்புகளை பாதிக்கிறது. இதனால் தான் சிறுநீர் பாதையில் தொற்றுகள் ஏற்படுகின்றன.

இந்த நோய்த் தொற்றுக்கள் சிறுநீரகம் மற்றும் சிறுநீர்ப்பை போன்ற இடங்களிலும் காணப்படுகின்றன. சிறுநீர் வெளியேறும் பாதையில் எங்கு வேண்டுமானாலும் இந்த தொற்று ஏற்படலாம். இது ஒரு பாக்டீரியா நோய்த் தொற்று என்று மருத்துவ ஆய்வுகளில் கூறப்படுகிறது. இந்த தொற்று சிறுநீரகத்தின் உறுப்புகளை அடையும் போது  வெவ்வேறு அறிகுறிகள் ஏற்படுகின்றன.

மேலும் இந்த தொற்று கர்ப்பமாக இருக்கும் பெண்களுக்கு ஏற்படுவதற்கான வாய்ப்பு அதிகம் உள்ளன. கர்ப்பமாக இருக்கும் பெண்களுக்கு இந்த தொற்று இருந்தால் அது பிறக்கும் குழந்தைக்கும்  ஏற்பட கூடும் என்று மருத்துவ ஆய்வுகளில் கூறப்பட்டுள்ளது.

சிறுநீர் தொற்று அறிகுறிகள்:

1. அடிக்கடி சிறுநீர் வருவது போன்ற உணர்வு இருக்கும். ஆனால் சிறுநீர் சிறிதே வெளியேறும்.
2. சிறுநீர் நிறம் மஞ்சள் நிறமாக இருக்கும். சில நேரம் துர்நாற்றம் வீச கூடும்.
3. சிலநேரங்களில் அடிவயிற்றில் தசைபிடிப்பு போன்று இருக்கும்.
4. சில சமயங்களில் சிறுநீர் கழிக்கும் போது சிறுநீருடன் ரத்தம் கலந்து வெளியேறும்.
5. சிறுநீர் கழிக்கும் போது அதிகமான எரிச்சல் ஏற்படும். சிலருக்கு கடுமையான வலி ஏற்படலாம்.
6. சிலருக்கு இந்த தொற்றால் அதிக காய்ச்சல் ஏற்பட கூடும். குளிர் மற்றும் நடுக்கம் போன்ற உணர்வு ஏற்படும்.
7. முதுகு பகுதியில் கடுமையான வலி இருக்கும்.
8. இந்த தொற்றால் சிலருக்கு குமட்டல் மற்றும் வாந்தி ஏற்படும்.
9. இந்த தொற்று இருந்தால் அடிவயிற்றில் கடுமையான வலி ஏற்படும்.
10. இந்த சிறுநீர் பாதை தொற்றுக்களை ஆரம்பத்திலேயே கவனிக்க தவறினால் அது பெரிய பாதிப்புகளை ஏற்படுத்துகிறது.
11. இது போன்ற அறிகுறிகள் உங்களுக்கு தென்பட்டால், மருத்துவரை அணுகி ஆரம்பத்திலேயே சிகிச்சை அளிப்பது நல்லது.

பொறுப்பு துறப்பு:

சிறுநீர் தொற்று பிரச்சனை குணமாக மேல் கூறப்பட்டுள்ள அனைத்து வைத்திய குறிப்புகளையும் மருத்துவர்களின் ஆலோசனைகளை பெற்று, பின்பு மேற்கொள்ளவும். நன்றி நண்பர்களே..!

இதையும் கிளிக் செய்து படியுங்கள் ⇒ சிறுநீரக பாதிப்பு அறிகுறிகள்

இதுபோன்ற உடல் நலம் மற்றும் ஆரோக்கியம் பற்றிய தகவல்களை தெரிந்து கொள்ள இந்த லிங்கை கிளிக் செய்யவும்—>

ஆரோக்கியமும் நல்வாழ்வும்