இட்லி, தோசைக்கு என்று இருக்கின்றன சுவையான வெங்காய சட்னி செய்யலாம் வாங்க..!

How to Make Onion Chutney:

கடாயில் வெங்காயம் சேர்த்தல்:

முதலில் அடுப்பை பற்ற வைத்து அதில் ஒரு கடாயில் சிறிதளவு எண்ணெய் சேர்த்து கொள்ளுங்கள். எண்ணெய் காய்ந்த பிறகு அதில் 5 காய்ந்த மிளகாய் மற்றும் 20 சின்ன வெங்காயம் சேர்த்து நன்றாக வதக்கி கொள்ளுங்கள்.

வெங்காயம் வதக்குதல்:

வெங்காயம் சிறிது நேரம் வதக்கிய பிறகு அதில் புளி சிறிய துண்டு மற்றும் தேவையான அளவு உப்பு சேர்த்து மீண்டும் ஒரு 5 நிமிடம் வதக்கி சூடு ஆற வைத்து கொள்ளுங்கள்.

வதக்கிய பொருட்களை மிக்சியில் சேர்த்தல்:

இப்போது ஒரு மிக்சி ஜாரில் வதக்கி ஆற வைத்துள்ள பொருட்களை சேர்த்து அதனுடன் 2 தேக்கரண்டி தண்ணீர் சேர்த்து நன்றாக அரைத்து ஒரு கிண்ணத்தில் வைத்து விடுங்கள்.

வெங்காய சட்னியை தாளித்தல்:

அடுத்து அடுப்பில் ஒரு கடாயை வைத்து தேவையான அளவு எண்ணெய் சேர்த்து எண்ணெயை காய விடுங்கள்.

எண்ணெய் காய்ந்த பிறகு அதில் 1/4 தேக்கரண்டி கடுகு, 1 தேக்கரண்டி உளுத்தம் பருப்பு மற்றும் 2 காய்ந்த மிளகாய் சேர்த்து சிறிது நேரம் வறுத்து கொள்ளுங்கள்.

கடாயில் சட்னியை சேர்த்தல்:

கடைசியாக அடுப்பில் கடாயில் இருக்கும் பொருட்கள் பொன் நிறமாக வந்தவுடன் அதில் கிண்ணத்தில் அரைத்து இருக்கும் சட்னியை சேர்த்து தாளித்து சட்னி மேலே கருவேப்பிலை சேர்த்து சட்னியை இறக்கி விடுங்கள்.

அவ்வளவு தான் சுவையான வெங்காய சட்னி தயார். சுட சுட இட்லி, தோசைக்கு தொட்டு சாப்பிடுங்கள்.

இதையும் படியுங்கள்⇒ புதினா சட்னி, கொத்தமல்லி சட்னி இந்த மாதிரி செய்து பாருங்க