பேப்பர் பென்சில் தயாரிப்பு தொழில்..! வருமானம்  தரும் சிறுதொழில்..!

பழைய பேப்பர்களிருந்து பென்சில் செய்வது எப்படி? நல்ல வருமானம்  தரும் சிறந்த சிறுதொழில் வாய்ப்பு !!!

பேப்பர் பென்சில் செய்வது எப்படி? – Paper pencil making business

நீங்கள் புதிய தொழில் துவங்க ஆர்வம் உள்ளவரா..?
என்ன தொழில் செய்யலாம் என சிந்தித்து கொண்டிருப்பவரா..?
உங்களுக்கு ஓர் நற்செய்தி..!

சிறுதொழில்  பேப்பர் பென்சில் தயாரிக்கும் முறை:

Paper pencil making business: புதிதாக தொழில் துவங்கும் நண்பர்களுக்கு ஒரு சிறந்த சிறுதொழில் பற்றிய நற்செய்தி… பென்சில் கொண்டு பேப்பரில் எழுதலாம். பேப்பரைக் கொண்டு பென்சில் உருவாக்க முடியுமா? ‘முடியும்’. இந்த முறை மூலம் பென்சில்கள் செய்வதற்காக ஆயிரக்கணக்கான மரங்களும் இயற்கை வளங்களும் அழிக்கப்படுவதைத் தடுக்கிறது. பேப்பரை கொண்டு பென்சில் தயார் செய்து விற்பனை செய்யலாமல்லவா.? இதனால் இயற்கைக்கு எந்த ஒரு கேடும் நிகழாது. அதேபோல் குப்பையில் சேரும் காகிதத்தை கொண்டு பேப்பர் பென்சில் செய்து அதையும் ஒரு சிறந்த சிறுதொழிலாக செய்யலாம் வாங்க..!

காகித பேப்பரை கொண்டு பேப்பர் பென்சில் செய்வது எப்படி, அதை எப்படி விற்பனை செய்வது என்று இந்த பகுதியில் நாம் தெரிந்து கொள்வோம் வாங்க.

சிறுதொழில்  பேப்பர் பென்சில் தயாரிக்கும் முறை:

சுயதொழில் – இடம்:

இந்த தொழில் துவங்குவதற்க்கு  10-க்கு 10-க்கு அடி கொண்ட ஒரு அறை இருந்தாலே போதும். மேலும் அதிக முதலீடு தேவையில்லை குறைந்த முதலீடு இருந்தாலே போதும் இந்த சிறுதொழிலை நாம் தயக்கம் இல்லாமல் துவங்கிவிட முடியும்.

சிறுதொழில் – கைகளால் பேப்பர் பென்சில் தயாரிக்கும் முறை:-

பேக்கர் பென்சில் செய்வது எப்படி?

பெண்கள் சுயமாக வீட்டில் இருந்தபடியே அவர்களுடைய ஒய்வு நேரங்களில் பேப்பர் பென்சில் செய்து விற்பனை செய்யலாம். இதற்கு எந்த ஒரு முதலீடும் வேண்டாம், இயந்திரங்களும் வேண்டாம். பேப்பர் பென்சில் செய்வதற்கு இன்றைக்கு மெஷின்கள் கூட வந்துவிட்டன. ஆனால், கைகளாலும் பேப்பர் பென்சிலை உருவாக்க முடியும்.

பேப்பர் பென்சில் செய்வது குறித்துப் பார்ப்போம். பென்சிலின் நடுப்பகுதியில் உள்ள எழுதுபொருளான கிராபைட் குச்சிகள் மீது பழைய காகிதத்தைக் கெட்டியாகச் சுருட்ட வேண்டும். (இந்த கிராபைட் (கார்பன்) எளிதில் உடையும் தன்மை கொண்டதால் கவனமாகக் கையாள வேண்டும்) நான்கைந்து சுற்றுகளில் பேப்பரின் துணையுடன் நேர்த்தியாகிவிடும்.

அதன்பின்னர் சுருட்டப்படும் பேப்பரில் நேர்த்தியாக பசையை ஒட்டி பென்சிலைத் தயாரித்துவிடலாம். இதனை ரேசர் கொண்டு சீவி உபயோகப்படுத்தலாம்.

‘‘இந்த பேப்பர் பென்சில் ஒன்றை உற்பத்தி செய்வதற்கு ஆகும் செலவு சுமார் 2 ரூபாய் 75 பைசா. பிராண்டட் பென்சில்கள் விலை 5 ரூபாய்.

தரத்தைப் பொறுத்தளவில் ரெண்டுக்கும் பெரிய வித்தியாசம் இல்லை. ஆனா பிராண்டட் பென்சில்ல பயன்படுத்துற மரங்களால் நாட்டின் இயற்கை வளத்துக்குத்தான் கேடு.

சிறுதொழில் – சந்தை வாய்ப்பு:

இவ்வாறு தயார் செய்த பேப்பர் பென்சில்களை முதலில் ஒரு சில பள்ளி, கல்லூரிகளுக்கு சென்று நேரடியாக விற்பனை செய்யலாம். அதேபோல் உங்கள் ஊரில் உள்ள பெட்டிக்கடை, மல்லிகை கடை, பேன்சி ஸ்டோரில் இவற்றை விற்பனை செய்யலாம் நல்ல இலாபம் கிடைக்கும்.

இந்த சுயதொழிலை பெரிய அளவில் செய்ய விரும்புபவர்கள், பேப்பர் பென்சில் இயந்திரத்தை வங்கியும் மிக பெரிய அளவு துவங்கலாம்.