பெண் நாயன்மார்கள் பெயர்கள்

பெண் நாயன்மார்கள் பெயர்கள் | பெண் நாயன்மார்கள் எத்தனை பேர்

தமிழ் பாடமானது பெரும்பாலானவர்களுக்கு பிடித்த பாடமாக இருக்கும். ஏனென்றால் இதில் பல காலத்தில் நடந்த புராண கதைகளை  தெரிந்து கொள்ள முடியும். ஆனால் இவை நாம் பள்ளி பருவத்தில் படித்ததோடு சரி, அதன் பிறகு நாம் அதனை தெரிந்து கொள்வதற்கான ஆர்வம் வந்திருக்காது. அதன் பிறகு உங்களின் குழந்தைகளுக்கு சொல்லி கொடுக்க வேண்டியிருக்கும். அப்போது உங்களுக்கு நீங்கள் படித்ததெல்லாம் மறந்து போகிறுக்கும். அப்படி இருக்கும் போது Google search தான் செய்வீர்கள். அப்படி சர்ச் செய்யும் போது பொதுநலம் பேஜ் வரும். அதனை கிளிக் செய்து தான் இந்த பதிவை படித்து கொண்டிருப்பீர்கள். எப்படி இவ்வளவு சரியாக சொல்கிறீர்கள் என்று சிரித்து கொண்டே இந்த முழு பதிவையும் படித்து தெரிந்து கொள்ளுங்கள்.

3 பெண் நாயன்மார்கள் பெயர்கள்:

தமிழகத்தில் கி.பி 5 மற்றும் 6ஆம் நூற்றாண்டில் பௌத்த மதத்தைப் புறம் தள்ளி சைவம் வளர்ச்சி பெற்றது. இவ்வளர்ச்சி சைவ பிரிவைச் சார்ந்த நாயன்மார்களின் பங்களிப்பு என்பது சிறப்புடையதாகும். நாயன்மார்கள் என்ற சொல் தலைவன் என்ற வகையில் பொருள் கொள்ளப்படுகிறது. சைவத்தில் நாயன்மார்கள் என்போர் கி.பி 8 ஆம் நூற்றாண்டில் வாழ்ந்த சுந்தர மூர்த்தி நாயன்மாரின் திருத்தொண்டர் தொகையின் அடிப்படையில் அறுபத்து இரண்டு பேர்கள் ஆவர் என்று விளக்கப்பட்டுள்ளது. இதன் பின்னர் சுந்தரரின் பெயர் இணைக்கப்பட்டு அறுபத்து மூன்று நாயன்மார்களாகக் கருதப்பட்டனர்.

கி.பி 1132க்கும் கி.பி 1150க்கும் இடைப்பட்ட காலத்தில் ஆட்சி செய்த இரண்டாம் குலோத்துங்கனின் காலத்தில் சேக்கிழார் பெரிய புராணத்தை இயற்றினார். இப்புராணத்தில் அறுபத்து மூன்று நாயன்மார்களின் வாழ்க்கை வரலாறு அவர்களின் பதிகங்கள் தொடர்பான அனைத்துச் செய்திகளும் இடம்பெற்றுள்ளது. அறுபத்து மூன்று நாயன்மார்களில் காரைக்கால் அம்மையார் என்பவர் காலத்தால் முந்தைய நாயன்மார் ஆவார். இருப்பினும் அப்பர் என்றழைக்கப்பட்ட திருநாவுக்கரசர் மற்றும் சம்பந்தர் என்று அழைக்கப்பட்ட திருஞான சம்பந்தர் காலத்திற்கு முன்னர் பதினான்கு நாயன்மார்கள் இருந்ததாகக் கூறப்படுகிறது.

சரி இங்கு பெண் நாயன்மார்கள் பெயர்கள் பற்றி இப்பொழுது நாம் தெரிந்துகொள்வோம் வாங்க..!

பெண் நாயன்மார்கள் பெயர்கள் – Pen Nayanmargal Names in Tamil:

அறுபத்துமூன்று நாயன்மாரில் மூவர் பெண்கள். கி.பி. 3-4 ஆம் நூற்றாண்டில் வாழ்ந்த காரைக்கால் அம்மையார் நாயன்மாரில் காலத்தால் மூத்தவர். தான் பிறந்து வாழ்ந்த ஊரின் பெயராலேயே அறியப்படும் காரைக்கால் அம்மையாரின் இயற்பெயர் புனிதவதியார் ஆகும்.

மதுரையை ஆண்ட கூன் பாண்டியன் என்ற பாண்டிய மன்னன் நின்றசீர் நெடுமாற நாயனார் என்ற அறியப்படுகிறார். அவர் மனைவி மங்கையர்க்கரசியார் என்பவர் நாயன்மாரில் மற்றொரு பெண் ஆவார்.

திருநாவலுரைச் சேர்ந்த சடையனார் என்ற நாயனாரின் மனைவி இசைஞானியார் மூன்றாவது பெண் நாயனார் ஆவார். இவர்களின் மகன் சுந்தரமூர்த்தியார் சைவக்குரவர் நால்வருள் ஒருவரும் நாயன்மாரில் ஒருவரும் ஆவார்.

இதையும் கிளிக் செய்து படியுங்கள் 👇
63 நாயன்மார்கள் பெயர் பட்டியல்