Chettinad Nandu Rasam Recipe in Tamil Nadu
ரசத்தில் நிறைய வகைகள் இருக்கின்றன. மிளகு ரசம், வெங்காயம் ரசம் என சொல்லிக்கொண்டே போகலாம். அதிலும் நண்டு ரசம் சாப்ட்ருக்கீங்களா ? உடம்புக்கு ரொம்ப நல்லது. வயல் நண்டை ரசம் வைத்து சாப்பிட்டால் நெஞ்சு சலி இருப்பவர்கள், ஜலதோஷம் பிடித்தவர்களுக்கு உடம்பில் சலி பிரச்சனையே இருக்காது. வயல் நண்டு கிடைக்காதவர்கள் கடல் நண்டை வைத்தும் நண்டு ரசம் வைக்கலாம். நண்டு ரசத்தை நல்லா கார சாரமா செட்டி நாடு ஸ்டையில வச்சி சாப்பிட்டா சூப்பரா இருக்கும் டேஸ்ட். பலர் நண்டு ரசத்தை கேள்விப்பட்டிருப்பார்கள் ஆனால் நண்டு ரசம் எப்படி வைப்பதென்று தெரியாமல் இருப்பார்கள். அவர்களுக்ககாக இந்த பதிவில் சுவையான நண்டு ரசம் வைப்பதென்று பார்ப்போம்.
Ingredients
- நண்டு - ½ கிலோ
- தக்காளி - 3
- பூண்டுப்பல் - 13
- மிளகு - 2 ஸ்பூன்
- சீரகம் - 1 ½ ஸ்பூன்
- பச்சைமிளகாய் - 4
Instructions
நண்டை சுத்தம் செய்தல்
முதலில் நண்டை நன்றாக 2 முதல் 3 முறை சுத்தமாக தண்ணீரில் கழுவுங்கள். நன்றாக கழுவிய பின் நண்டின் நடு பகுதியை மட்டும் எடுத்துவிடுங்கள் அதில் கழிவுகள் தான் இருக்கும் அதனால் நடு கூட்டினை தூக்கிபோட்டுவிடுங்கள். இப்போது மறுபடியும் ஒருமுறை தண்ணீரில் நண்டை நன்றாக நண்டை அலசிக்கொள்ளுங்கள்.
நண்டு ரசம் செய்முறை
ஸ்டெப் 1
இப்போது அலசிய நண்டினை தண்ணீர் இல்லாமல் எடுத்து குடை கல் இருந்தால் அதில் எல்லா நண்டையும் போட்டுகொள்ளுங்கள். நண்டை நன்றாக மாவு பதத்திற்கு நச்சிகொள்ளுங்கள். குடை கல் இல்லாதவர்கள் அம்மியில் கூட நச்சி கொள்ளலாம்.
ஸ்டெப் 2
நன்றாக நச்ச பிறகு நச்ச நண்டினை தனியாக ஒரு பாத்திரத்தில் எடுத்துக்கொள்ளுங்கள். இப்போது இன்னொரு பாத்திரத்தின் மேல் ஒரு சிறிய வெள்ளை துணியை போட்டு கொள்ளுங்கள். வெள்ளை துணியின் மேல் நச்ச நண்டினை போட்டு கொஞ்சமாக தண்ணீர் ஊற்றி நண்டு சாறினை மட்டும் பிழிந்து வடிகட்டி எடுத்து கொள்ளுங்கள்.
ஸ்டெப் 3
இப்போது புளியை இரண்டு நெல்லிக்காய் அளவிற்கு எடுத்து தனியாக ஒரு பாத்திரத்தில் 3 டம்பளர் தண்ணீர் ஊற்றி ஊறவைத்து கொள்ளுங்கள்.
ஸ்டெப் 4
இப்போது புளி கரைசலை வடிகட்டி எடுத்து கொள்ளுங்கள். அதில் தக்காளி பழத்தை நன்றாக கையாலே போட்டு கரைத்துகொள்ளுங்கள். உப்பு தேவையான அளவு போட்டு கொள்ளுங்கள். மஞ்சள் தூள் ½ ஸ்பூன் போட்டு கொள்ளுங்கள் . இப்போது பூண்டு, பச்சை மிளகாய், சீரகம், மிளகாய் அம்மியில் போட்டு அரைத்து எடுத்து கொள்ளுங்கள். மிக்சியில் கூட அரைத்து கொள்ளலாம். மிக்சியை விட அம்மியில் அரைத்தால் நல்ல சுவையை கொடுக்கும். அரைத்த இந்த மிளகு சீரகத்தை புளி கரைசலில் சேர்த்து கொள்ளவும்.
ஸ்டெப் 5
இப்போது அடுப்பில் கடாயை வைத்து கடாயில் 2 ஸ்பூன் எண்ணெய் ஊற்றி எண்ணெய் சூடான பின் அதில் 2 ஸ்பூன் கடுகு போட்டு கடுகு பொரிந்தவுடன் கருவப்பிலை பட்டை மிளகாய் இரண்டு போட்டு பொன்னிறமாக வறுத்து கொள்ளுங்கள். அதில் இந்த ரசத்திற்காக கரைத்த கரைசலை போட்டுகொள்ளுங்கள். ஒரு 5 நிமிடம் கழித்து நண்டு சாறினை ரசத்தில் ஊற்றுங்கள். ரசம் நன்றாக கொதித்து வரும் நிலையில் உப்பு சரியாக இருக்கா என்று பார்த்துக்கொள்ளுங்கள். உப்பு பத்தவில்லை என்றால் தேவையான அளவு போட்டு கொள்ளுங்கள்.
ரசம் ரொம்பவும் கொதிக்க விட்டால் கடுத்து போய்விடும் அதனால் ஓரளவு கொதித்தால் போதும் வெள்ளையாக ரசம் பொங்கி வரும் நேரத்தில் ரசத்தில் கொத்தமல்லி இலையை தூவி இரக்கலாம். இபோது சுவையான நண்டு ரசம் தயார்.
நண்டு மிளகு மசாலா செய்வது எப்படி.?
இதுபோன்ற சுவையுள்ள சமையல் குறிப்புகளை தெரிந்து கொள்ள இந்த லிங்கை கிளிக் செய்யவும்—> | சமையல் குறிப்புகள்!!! |