Quick Chutney For Dosa in Tamil
காலை மற்றும் இரவு உணவாக எடுத்து கொள்வது இட்லி, தோசை தான். இதற்கு சைடிஷாக நாம் தேங்காய் சட்னி, தக்காளி சட்னி, கொத்தமல்லி சட்னி, புதினா சட்னி போன்றவை செய்து தான் சாப்பிடுவோம். சில நேரங்களில் வெறும் பொடி மட்டும் இருந்தாலே நன்றாக சாப்பிடுவோம். இட்லியை விட தோசையை வேண்டும் என்ற ஆசை இருக்கும். இன்றைய கணவன், மனைவி இருவருமே வேலைக்கு செல்கிறார்கள். அதனால் புதிய சட்னி வகைகளை ட்ரை செய்து சாப்பிட முடியாது. அது போல வேலைக்கு செல்கின்ற அவசரத்தில் சீக்கிரமாக அரைக்க கூடிய சட்னி ஏதாவது இருக்குமா.! என்று யோசிப்பார்கள். அவர்களுக்காக இந்த பதிவில் வேகமாக அரைக்க கூடிய சட்னியை பற்றி பார்ப்போம் வாங்க..
சின்ன வெங்காயம் சட்னி செய்முறை விளக்கம்-1
Ingredients
- சின்ன வெங்காயம்- 20
- பச்சை மிளகாய்- 5
- காய்ந்த மிளகாய்-5
- புளி-சிறிதளவு
- கடலை பருப்பு- 1 தேக்கரண்டி
- உளுந்து- 1/2 தேக்கரண்டி
- எண்ணெய்- தாளிப்பதற்கு தேவையான அளவு
- கடுகு-2 தேக்கரண்டி
- கருவேப்பிலை- சிறிதளவு
Instructions
முதலில் சின்ன வெங்காயம் 15, பச்சை மிளகாய் 4, உப்பு சிறிதளவு, புளி சிறிதளவு எடுத்து கொள்ள வேண்டும். இதனை ஒரு மிக்சி ஜாரில் சேர்த்து அரைத்து கொள்ள வேண்டும். இதனை பேஸ்ட்டாக அரைத்து கொள்ளாமல் கொரகொரவென்று அரைத்து கொள்ள வேண்டும்.
அடுத்து தாளிப்பதற்கு கடாயில் எண்ணெய் ஊற்றி கடுகு, கருவேப்பிலை சேர்த்து பொரித்து கொள்ள வேண்டும். அடுத்து இதில் அரைத்து வைத்த சட்னியை சேர்த்து தாளித்து கொள்ள வேண்டும். அதன் பிறகு சிறிதளவு நல்லெண்ணெய் ஊற்றி தோசைக்கு தொட்டு சாப்பிட்டால் சும்மா சுவை அள்ளும்.
கேப்சிகம் சட்னி ஒரு முறை செஞ்சு பாருங்க..
சின்ன வெங்காயம் சட்னி செய்முறை விளக்கம்:2
கடாயில் கடலை பருப்பு, உளுத்தப்பருப்பு சேர்த்து வதக்கி கொள்ள வேண்டும், அதனுடன் நறுக்கிய வெங்காயம், காய்ந்த மிளகாய் சேர்த்து வதக்க வேண்டும். வெங்காயம் சிவந்த நிறம் வந்த பிறகு அதனை ஆற வைக்க வேண்டும்.
பிறகு இதனை மிக்ஸ் ஜாரில் சேர்த்து அரைக்க வேண்டும். அரைத்ததும் ஒரு பாத்திரத்தில் சேர்த்து கொள்ள வேண்டும். பின் கடாயில் எண்ணெய் ஊற்றி கடுகு, கருவேப்பிலை சேர்த்து தாளித்து விட்டு சட்னியில் சேர்த்து கிளறி விட வேண்டும்.
இதுபோன்ற சுவையுள்ள சமையல் குறிப்புகளை தெரிந்து கொள்ள இந்த லிங்கை கிளிக் செய்யவும்—> | samayal kurippugal in tamil |
எங்கள் Telegram Channel-ஐ பின்தொடர 👉👉 |
Link |