Chettinad Style Baby Potato Fry Recipe in Tamil
பொதுவாக நாம் அனைவருக்குமே உணவு என்பது மிக மிக முக்கியமான ஒன்று ஆகும். அதனால் அதனை நாம் பார்த்து பார்த்து ரசித்து ருசித்து சாப்பிடுவோம். அதிலும் ஒரு சிலருக்கு தினமும் ஏதாவது ஒரு புது வகையான உணவினை சாப்பிட வேண்டும் என்ற ஆசையும் ஆர்வமும் இருக்கும். அதிலும் குறிப்பாக குழந்தைகளுக்கு தினமும் ஒரு புதுவகையான உணவினை அளித்தால் மட்டுமே அவர்கள் விரும்பி சாப்பிடுவார்கள்.
அதனால் அவர்களுக்கு தினமும் ஒரு புதுமையான மற்றும் சுவையான உணவினை அளிக்க வேண்டும் என்று நினைக்கும் தாய்மார்களுக்கு உதவும் வகையில் தினமும் நமது பதிவின் வாயிலாக ஒரு புதுமையான ரெசிபியை செய்வது எப்படி என்பதற்கான செய்முறை விளக்கங்களை பதிவிட்டு வருகின்றோம். அதேபோல் இன்றைய பதிவில் செட்டிநாடு ஸ்டைல் Baby Potato Fry செய்வது எப்படி என்பதை பற்றி விரிவாக காண இருக்கின்றோம். எனவே இந்த பதிவை முழுதாக படித்து இந்த ரெசிபியை ஒரு முறை செய்து சுவைத்து பாருங்கள்..
செட்டிநாடு ஸ்டைல் பேபி பொட்டேடோ வறுவல் செய்முறை விளக்கம்..!
Ingredients
- உளுந்தம் பருப்பு - 1 டேபிள் ஸ்பூன்
- கடலை பருப்பு - 1 டேபிள் ஸ்பூன்
- மிளகு - 1 டேபிள் ஸ்பூன்
- சீரகம் - 1/2 டேபிள் ஸ்பூன்
- பெருஞ்சீரகம் - 1/2 டேபிள் ஸ்பூன்
- காய்ந்த மிளகாய் - 6
- கருவேப்பிலை - 2 கொத்து
- நல்லெண்ணெய் - 4 டேபிள் ஸ்பூன்
- கடுகு - 1 டேபிள் ஸ்பூன்
- பொடியாக நறுக்கிய பூண்டு - 1 டேபிள் ஸ்பூன்
- பேபி உருளைக்கிழங்கு - 3/4 கிலோ
- உப்பு - தேவையான அளவு
- தண்ணீர் - தேவையான அளவு
Instructions
Baby Potato Fry Recipe in Tamil:
- முதலில் அடுப்பில் ஒரு குக்கரை வைத்து அதில் 3/4 கிலோ பேபி உருளைக்கிழங்கு, தேவையான அளவு உப்பு மற்றும் தண்ணீர் ஊற்றி நன்கு வேகவைத்து தோல் உரித்து வைத்து கொள்ளுங்கள்.
- பிறகு அடுப்பில் ஒரு கடாயை வைத்து அதில் 1 டேபிள் ஸ்பூன் உளுந்தம் பருப்பு, 1 டேபிள் ஸ்பூன் கடலை பருப்பு, 1 டேபிள் ஸ்பூன் மிளகு, 1/2 டேபிள் ஸ்பூன் சீரகம் 1/2 டேபிள் ஸ்பூன் பெருஞ்சீரகம், 4 காய்ந்த மிளகாய் மற்றும் 1 கொத்து கருவேப்பிலை ஆகியவற்றை சேர்த்து நன்கு வறுத்து எடுத்து கொள்ளுங்கள்.
- பின்னர் அதனை ஒரு மிக்சி ஜாரில் சேர்த்து நன்கு பொடியாக அரைத்து கொள்ளுங்கள்.
- அடுத்து அடுப்பில் ஒரு கடாயை வைத்து அதில் 4 டேபிள் ஸ்பூன் நல்லெண்ணெய், 1 டேபிள் ஸ்பூன் கடுகு, 2 காய்ந்த மிளகாய், 1 கொத்து கருவேப்பிலை மற்றும் 1 டேபிள் ஸ்பூன் பொடியாக நறுக்கிய பூண்டு ஆகியவற்றை சேர்த்து நன்கு வதக்கி கொள்ளுங்கள்.
- பிறகு அதனுடன் நாம் முன்னரே வேகவைத்து எடுத்து வைத்திருந்த 3/4 கிலோ பேபி உருளைக்கிழங்கினை சேர்த்து நன்கு வதக்கி கொள்ளுங்கள்.
- பின்னர் அதில் நாம் அரைத்து வைத்துள்ள பொடி மற்றும் தேவையான அளவு உப்பு ஆகியவற்றை சேர்த்து நன்கு கலந்து 5 நிமிடங்கள் கழித்து இறக்கினால் சுவையான செட்டிநாடு ஸ்டைல் Baby Potato Fry தயார்.
கொஞ்சம் கூட பால் சேர்க்காமல் பால்கோவா செய்வது எப்படி தெரியுமா
இதுபோன்ற சுவையுள்ள சமையல் குறிப்புகளை தெரிந்து கொள்ள இந்த லிங்கை கிளிக் செய்யவும்—> | சமையல் குறிப்புகள்!!! |