Dhokla Recipe in Tamil
வணக்கம் நண்பர்களே. நம் பொதுநலம் பதிவின் மூலம் பல பயனுள்ள பதிவுகளை அறிந்து வருகிறோம். அந்த வகையில் இன்றைய சமையல் பதிவில் Dhokla செய்வது எப்படி என்பதை பார்க்கலாம் வாங்க. பொதுவாக, நாம் அனைவருமே மாலை நேரத்தில் ஸ்னாக்ஸ் சாப்பிட விரும்போம். அதிலும் குறிப்பாக குழந்தைகள் பள்ளி விட்டு வந்ததும் ஸ்னாக்ஸ் கேட்டுத்தான் வருவார்கள். ஆகையால், மாலை நேரத்தில் எளிதில் செய்து கொடுக்கக்கூடிய Dhokla Recipe பற்றி பார்க்கலாம் வாங்க.
Dhokla Recipe ஒரு வாடா மாநிலத்தில் பிரபலமான உணவு வகைகளில் ஒன்று. இந்த ரெசிபி மிகவும் சுவையாக இருக்கும் என்று கூறுவார்கள். ஆகையால், நாமும் வீட்டில் இந்த ரெசிபியை செய்து பார்க்கலாம்.
Dhokla Recipe in Tamil
Ingredients
- கடலை மாவு - 1 1/2 கப்
- மஞ்சள் தூள் - 1/2 ஸ்பூன்
- ஈனோ சால்ட் - 5 கிராம்
- தண்ணீர் - தேவையான அளவு
- உப்பு - 1/2 ஸ்பூன்
- சர்க்கரை - 1 ஸ்பூன்
- எண்ணெய் - 1 ஸ்பூன்
- கடுகு - 1/2 ஸ்பூன்
- கறிவேப்பிலை - சிறிதளவு
- கொத்தமல்லி இலை - சிறிதளவு
- தண்ணீர் - தேவையான அளவு
- உப்பு - 1/2 ஸ்பூன்
- சர்க்கரை - 2 ஸ்பூன்
- பச்சை மிளகாய் - 4
- எலுமிச்சை சாறு - 3 ஸ்பூன்
- தேங்காய் துருவல் - சிறிதளவு
Instructions
How to Make Dhokla Recipe in Tamil:
- முதலில் டோக்ளா செய்வதற்கான மாவினை தயார் செய்து கொள்ளலாம். அதற்கு முதலில் ஒரு பெரிய கிண்ணத்தை எடுத்து கொள்ளுங்கள். அதில் கடலை மாவு, ஈனோ சால்ட், மஞ்சள் தூள், உப்பு, சர்க்கரை மற்றும் தேவையான அளவு தண்ணீர் சேர்த்து நன்கு கலந்து கொள்ளுங்கள். மாவினை இட்லி மாவு பதத்திற்கு கரைத்து எடுத்து கொள்ளுங்கள்.
- கரைத்த மாவினை 10 நிமிடம் வரை அப்படியே வைத்து விடுங்கள். அடுத்து, ஒரு கேக் டின்னை எடுத்து அதன் அடிப்பகுதி மற்றும் உட்புறம் முழுவதும் எண்ணெய் தேய்த்து விடுங்கள். இப்போது, தயார் செய்து வைத்துள்ள மாவினை கேக் டின்னில் ஊற்றி கொள்ளுங்கள்.
- அடுத்து, அடுப்பில் ஒரு பாத்திரத்தை வைத்து அதில் தண்ணீர் ஊற்றி அதில் ஒரு ஸ்டாண்ட் வைத்து கொதிக்க விடுங்கள். தண்ணீர் நன்கு கொதித்ததும் அடுப்பை மிதமான தீயில் வைத்து, கேக் டின்னை பாத்திரத்தில் உட்புறம் உள்ள ஸ்டாண்டில் வைத்து மூடி வைத்து 20 நிமிடம் வரை வேக விடவும்.
- அதன் பிறகு, கேக் டின்னை எடுத்து சிறிது எல்லாம் ஆறவைத்து சிறிது சிறிதாய் நறுக்கி வைத்து கொள்ளுங்கள்.
- இப்போது, அடுப்பில் ஒரு கடாயை வைத்து அதில் எண்ணெய் ஊற்றி, எண்ணெய் சோடானதும் அதில் கடுகு சேர்த்து பொரிய விடுங்கள். அடுத்து, இதில் பச்சை மிளகாய் மற்றும் கருவேப்பிலை சேர்த்து வதக்கிவிடுங்கள். பின்பு, 1/2 கப் அளவிற்க்கு தண்ணீர் சேர்த்து, அதனுடன் 1/2 ஸ்பூன் உப்பு, 2 ஸ்பூன் சர்க்கரை, பொடியாக நறுக்கிய கொத்தமல்லி, கருவேப்பிலை மற்றும் எலுமிச்சை சாறு சேர்த்து லேசாக கொதிக்கவிட்டு எடுத்து கொள்ளுங்கள்.
- அடுத்து, நறுக்கி வைத்துள்ள கேக்கில் தயார் செய்து வைத்துள்ள சரக்கரை தண்ணீரை ஊற்றி 10 நிமிடம் ஊறவைத்து எடுத்தால் சுவையான டோக்ளா தயார்..!
சிக்கன் மோமோஸ் செய்வது எப்படி?
இதுபோன்ற சுவையுள்ள சமையல் குறிப்புகளை தெரிந்து கொள்ள இந்த லிங்கை கிளிக் செய்யவும்—> | சமையல் குறிப்புகள்!!! |