Sugarcane Pongal Recipe in Tamil
தமிழர்களின் பாரம்பரிய பண்டிகைகளில் பொங்கல் பண்டிகை தான் மிகவும் சிறப்பாக கொண்டாப்படுகிறது. தமிழ்நாட்டில் பொங்கல் பண்டிகை தொடர்ந்து மூன்று நாட்கள் கொண்டாடப்படுகிறது. இந்த பொங்கல் பண்டிகையின்போது, சூரியன், இயற்கை மற்றும் கால் நடைகளை வணங்கும் விதமான பல்வேறு வழிபாட்டு முறைகள் பின்பற்றப்படுகிறது. பொங்கல் பண்டிகை என்றால் நம் நினைவிற்கு முதலில் வருவது சர்க்கரை பொங்கலும் கரும்பும் ஆகும். ஆகையால், கரும்பு அதிகமாகி கிடைக்கும் இந்த நேரத்தில் வீட்டில் கரும்புச்சாற்றினை வைத்து சர்க்கரை பொங்கல் செய்து அசத்துங்கள்.
கரும்பில் பல விதமான சத்துக்கள் நிறைந்துள்ளது. ஆகையால், இந்த பொங்கலுக்கு கரும்புச்சாறு சேர்த்து பொங்கல் செய்து சாப்பிடுங்கள். ஓகே வாருங்கள் பொங்கலுக்கு கரும்புச்சாறு பொங்கல் செய்வது எப்படி என்பதை தெரிந்து கொள்ளலாம் வாங்க.
உங்களுக்கு விருப்பமான பொருள் அமேசானில் கம்மி விலையில் இங்கே👇 https://bit.ly/3Bfc0Gl |
கரும்புச்சாறு பொங்கல் செய்வது எப்படி.?
Ingredients
- பச்சரிசி - 2 கப்
- பாசிப்பருப்பு - 3/4 கப்
- கரும்புச்சாறு - 4 கப்
- வெல்லம் - 1 கப்
- பால் - 1/2 கப்
- ஏலக்காய் பொடி- கால் ஸ்பூன்
- முந்திரி, திராட்சை - 1/4 கப்
- நெய் - தேவையான அளவு
- உப்பு - சிறிதளவு
Instructions
கரும்புச்சாறு பொங்கல் ரெசிபி:
- முதலில் பச்சரிசி மற்றும் பாசிப்பருப்பை நன்கு கழுவி சுத்தம் செய்து 15 நிமிடங்கள் வரை ஊற வைத்துக் கொள்ளுங்கள்.
- அடுத்து, அடுப்பில் ஒரு பாத்திரத்தை வைத்து அதில் கரும்பு சாற்றினை ஊற்றி கொள்ளுங்கள். நன்கு கொதித்ததும் அதனை ஒரு பாத்திரத்தில் எடுத்து வைத்து கொள்ளுங்கள்.
- இப்போது, அடுப்பில் பானை வைத்து அதில், சர்க்கரை தேவையான தண்ணீர் மற்றும் பாலினை ஊற்றி கொள்ளுங்கள். பிறகு, ஊறவைத்துள்ள பச்சரிசி மற்றும் பருப்பினை சேர்த்து நன்கு கலந்து விடுங்கள்.
- அடுத்து, எடுத்து வைத்திருக்கும் கரும்புச்சாறை அதில் ஊற்றி நன்கு வேகவிட வேண்டும்.
- அதன் பிறகு, அடுப்பில் ஒரு பாத்திரத்தை வைத்து வெல்லத்தை சேர்த்து அதில் கால் கப் தண்ணீர் ஊற்றி நன்கு கரைத்து வெல்ல கரைசலாக எடுத்து கொள்ளுங்கள் .
- இந்த வெல்ல கரைசலை வெந்து கொண்டிருக்கும் பொங்கலில் ஊற்றி கிளறிவிட வேண்டும். வெல்ல கரைசலை சேர்த்து கிளறும்போதும் அடுப்பை மிதமான தீயில் வைத்து கிளற வேண்டும்.
- அடுத்து, ஏலக்காய் பொடி மற்றும் உப்பு சிறிதளவு சேர்த்து கிளறுங்கள். இறுதியாக நெய்யில் வறுத்த முந்திரி, திராட்சை மற்றும் சிறிதளவு நெய் சேர்த்து கிளறி இறக்கினால் சுவையான கரும்பு சாறு பொங்கல் தயார்..!
பொங்கலுக்கு சுவையான வெண்பொங்கல் கொத்சு இப்படி ஒருமுறை செய்து பாருங்கள்..!
இதுபோன்ற சுவையுள்ள சமையல் குறிப்புகளை தெரிந்து கொள்ள இந்த லிங்கை கிளிக் செய்யவும்—> | சமையல் குறிப்புகள்!!! |