How to Make Thakkali Dosai in Tamil
அனைவரது வீட்டிலும் அனைவர்க்கும் பிடித்த டிபன் என்றால் அது தோசை தான். இட்லியை விட தோசையை தான் அதிகம் விரும்பி சாப்பிடுவார்கள். ஆனால், தினமும் ஒரே விதமான மாவு தோசை செய்து கொடுத்தால் போர் அடித்து விடும். ஆகையால் நீங்கள் எளிதில் செய்து அசத்தக்கூடிய வகையில் இப்பதிவில் வித்தியாசமான தோசை ரெசிபி பற்றி பார்க்கலாம் வாங்க.
அதாவது, தக்காளி தோசை எப்படி செய்வது என்பதை இப்பதிவை படித்து தெரிந்து கொள்ளலாம் வாங்க. தோசையில் பல வகைகள் உள்ளது. அவற்றில் நம்மில் பலபேருக்கு ரவா தோசை, ஆனியன் தோசை போன்றவை தான் தெரியும். ஆகையால், தக்காளியை வைத்து எப்படி தோசை செய்து என்பதை தெரிந்து கொள்வோம்.
உங்களுக்கு விருப்பமான பொருள் அமேசானில் கம்மி விலையில் இங்கே👇 https://bit.ly/3Bfc0Gl |
தக்காளி தோசை செய்வது எப்படி
Ingredients
- பச்சரிசி- 200 கிராம்
- உளுந்தம்பருப்பு - 200 கிராம்
- வர மிளகாய் - 5
- தக்காளி - 3
- பூண்டு - 3 பற்கள்
- உப்பு - தேவையான அளவு
- எண்ணெய் - தேவையான அளவு
Instructions
தக்காளி தோசை செய்வது எப்படி.?
- முதலில், பச்சரிசியை கழுவி 2 அல்லது 3 மணிநேரம் ஊறவைத்து எடுத்து கொள்ளுங்கள். அதே நேரத்தில் உளுந்தப்பருப்பையும் இரண்டு மணிநேரம் ஊறவைத்து எடுத்து கொள்ளுங்கள்.
- அடுத்து, ஒரு பெரிய மிக்ஸி ஜாரினை எடுத்து, அதில் ஊறவைத்துள்ள பச்சரிசி மற்றும் உளுந்தப்பருப்பை சேர்த்து கொள்ளுங்கள்.
- இதனுடன் வரமிளகாய், நறுக்கிய தக்காளி, பூண்டு மற்றும் தேவையான உப்பு சேர்த்து நன்கு அரைத்து எடுத்து கொள்ளுங்கள்.
- மாவு தோசை மாவு பதத்திற்கு வரும் வரை மைய அரைத்து கொள்ளுங்கள்.
- அதன் பிறகு, அரைத்த மாவினை பாத்திரத்திற்கு மாற்றி 1 மணிநேரம் வரை புளிக்கவைத்து எடுத்து கொள்ளுங்கள்.
- இப்பொது, மாவு புளித்ததும், அதில் தேவையான அளவு தண்ணீர் சேர்த்து நன்கு தோசை மாவு பதத்திற்கு கரைத்து கொள்ளுங்கள்.
- அடுத்து, தோசை கல்லை அடுப்பில் வைத்து, கல் சூடானதும், அதில் தோசையை வார்த்து எண்ணெய் ஊற்றி சிவற விட்டு எடுத்தால் சுவையான தக்காளி தோசை ரெடி..!
தக்காளி குருமா ரெசிபியை தெரிந்துகொள்ள படத்தை கிளிக் செய்யுங்கள்👇
இதுபோன்ற சுவையுள்ள சமையல் குறிப்புகளை தெரிந்து கொள்ள இந்த லிங்கை கிளிக் செய்யவும்—> | சமையல் குறிப்புகள்!!! |